HEPRĀI 1:6 - TÖHET LĪPÖRE (Re-edited) Bible (BSI)

⁶ Ngaich hēk hē Ò nö kēhöt ngam lanòh nö ing panam, ngö ṙô Anga-aṅ, Hökngen vē taṙòkhöre ma-ahānga ngam Tēv nö afukngöre nö i kūö Ò.

HEPRĀI 1:6 Referans Kwoze

KÒLÒSĪ 1:18

Anga-aṅ an kui ngam alaha, ngih māṅ: ngam ranehlö, ngam lanòh nö ṙā-ang i yip tökapah; pòn hōtu Anga-aṅ nö i taṙòkhöre nö saṙaklöng lanöökö.

I. CHÖNGÖ 32:43

Ṙāmölōn, Ō yī-ö pumnāmö tarik, hol vē tarik ò: pò ò min nö havahalvah mahām yip tarik ò, ngaich kētö invahalvah nö i yip lā-al ò, ngaich vītö inlām tökööl yip tarik ò, im panam ò.

Salmai 97:7

Sirōngkūö yip yēḵ lamök la-en insā tēv: yip ameū-eure nö i nup insā tēv: salāman yin yī-ö, ṙòkhöre tēv.

KÒLÒSĪ 1:15

Ngam insā ngam tötmeūkö Tēv; ngam lanòh në tövilöngö;

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;

RŌMA 8:29

Kūö cha Anga-aṅ nö urĕhten mikahlōn, ngaich urēhĕng tī nö halēnngen, nö hateungtu i insā-a ngam Kūön Ò, pòn hōtu Anga-aṅ nö lanòh yip tö maṙôngö holre:

1 YÔHAN 4:9

I ngih, in meukti an ngam hanāngenlōn ngam Tēv nö in hī, pò ngam Tēv nö tīntö ngam töng hĕng maneuk kūönre nö ing panam, pòi hōtu aṅ lökten in Ò.

T. YÔHAN 1:18

Rö-ö nö hĕng tak tarik mameuk ngam Tēv nö ngaich. Ngam töng hĕng maneuk Kūön, ngam mi-im Yöng, Anga-aṅ vame-eny.

HEPRĀI 10:5

Lökten hē Ò nö yih nö ing panam, ngö ṙô Anga-aṅ, Ötlōnu Man tö tökētu: alaha pöri öp tö halēnö tö Meh nö pòkūö Chu.

T. YÔHAN 3:16

Tölngö hanāngenlōn An ngam Tēv töng panam, tön uroh nö kēngö ngam töng hĕng maneuk Kūönre; pòn sōtu vē ṙamātö ellōnre nö in Ò, nö ötkôlò; hōtu pöri ngam nômö tö-örheūheu-aṅ nö in cha.

HEPRĀI 1:5

Öpyòh ṙöng öp ṙung ma-ahānga, ṙô Ò nö ngö ṙô, Me-eṅ man Kūön Chu: i ngih sakāmö man Öm lökngörit Chu, ngaich hēk, Yöng Ò Chin min; kūön Chu min anga-aṅ inrē.

T. MËTIV 24:14

Ahangka min ngih tölöök inhangkö ngam pūlngö, i në taṙòkhöre panam, inmeukhömat taṙòkhöre tarik; ngaich möl min öp manāngen nö yih.