HEPRĀI 1:5 - TÖHET LĪPÖRE (Re-edited) Bible (BSI)

⁵ Öpyòh ṙöng öp ṙung ma-ahānga, ṙô Ò nö ngö ṙô, Me-eṅ man Kūön Chu: i ngih sakāmö man Öm lökngörit Chu, ngaich hēk, Yöng Ò Chin min; kūön Chu min anga-aṅ inrē.

HEPRĀI 1:5 Referans Kwoze

Salmai 2:7

Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.

INLAHEN 13:33

Tö tī ngam Tēv nö hateungngö e, in hī ayī-ö kūön cha, i tī Ò nö hachohlen Yēsū; sā kinūichngö e inrē nö im innëtö Salmai, nö ngö Me-eṅ Man Kūön Chu; i ngih sakāmö Man Öm lökngörit Chu.

HEPRĀI 5:5

Ngatī Kristū nö öt hapōilöre im ineū-euṅ nö vīlöngö nö mākūö kūönṙô, tön Anga-aṅ ngam vamë-eṅ kūö Ò: Me-eṅ man Kūön chu, I ngih sakāmö öm lökngörit chu:

2 SAMUĔL 7:14

Yöng ò chin min chū-ö kūön chu min inrē anga-aṅ: yĕn lūölkö tökööl anga-aṅ chinökṙen ò min chū-ö aṅtī tö tinkung tarik aṅtī tö chanökṙen inrē aṅ in yip kūön tarik;

1 KINṘÖTNGÖ 17:13

Yöng ò Chin min, ngaich anga-aṅ min inrē nö kūön chu; hö-ö chin min kēngö öp tököp hanāngenlōn nö ṙā-ang in ò, sā tī chu kēngö e ṙā-ang in ò ök mu-urēhĕkūö meh,

1 KINṘÖTNGÖ 22:10

Anga-aṅ öp min mamānlö öp patī nö i minë-eny chu. Kūön chu ap min, yöng ò chū-ö min inrē, haköpngö öp kantēra ò chin min nö rācha nö i Israĕl nö örheūheu.

1 KINṘÖTNGÖ 28:6

Ngö ṙô anga-aṅ tö chu, Ap kūön meh ap min Sòlòmön manānlö patī chu tö nup el milūkö e inrē, pò chu ngaich atöllen ò nö kūön chu, yöng ò chū-ö min inrē.