HEPRĀI 1:4 - TÖHET LĪPÖRE (Re-edited) Bible (BSI)

⁴ Ngaich yih nö mötlö tö më ma-ahānga, pò Ò nö amīnuvö tö tömööḵlö lanöökö mine-eny tö cha.

HEPRĀI 1:4 Referans Kwoze

EFISÖS 1:21

Marô-òl chūök tö taṙòkhöre inyöngö, chöngö, minhôiṅyö, pūlngö, nup taṙòkhöre töminënyu, öt höng i ngih panam, tön i ngam töyihihvö inrē:

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

HEPRĀI 2:9

Ngaich pöri ayī-ö meūkö Ò, ngam tövītu misī nö lātaṙūḵ hö-ö tö më ma-ahānga, Ang Yēsū, tö kanôlò, ineū-euṅ inrē, pòn hōtu nö lökten im inlōnti aṅ im Tēv, Anga-aṅ nö kalah kinpaha, nö pòkūö tarik.

2 TÖSALÒNIKĒ 1:7

In yīö ap haneūheu, öi hol ih, yī-ö tökihngen, ip inmeuktö ngam Mā Yēsū, nö ṙā-ang el halīöngö nö holtö yip ma-ahānga, chöngö Ò inrē.

KÒLÒSĪ 2:10

Ngaich in Ò yī-ö öi hatööḵlöngö, ngam kui taṙòkhöre minā-aṅ, minhôiṅyö inrē:

KÒLÒSĪ 1:18

Anga-aṅ an kui ngam alaha, ngih māṅ: ngam ranehlö, ngam lanòh nö ṙā-ang i yip tökapah; pòn hōtu Anga-aṅ nö i taṙòkhöre nö saṙaklöng lanöökö.

HEPRĀI 1:9

Töhāngenlōn man tö tölöök, surīkhö tötlöök pöri, lökten ngam Tēv, ngam Tēv Meh, nö fòh elkui Meh tö ngam tavī-i ṙanāmölōn, möthë tö yip hol Meh.

HEPRĀI 12:17

Pò hī akahalōn, hē ò nö la-unôich, nö hòṅ amīnu tö ngam inkôlò, ngaich sōtuṙen anga-aṅ, pòn öt kôtökūö tö chūök invöötö ellōn, pòrô anga-aṅ nö kalēḵĕlōn nö chöhö e nö holtö makmat.