HEPRĀI 1:3 - TÖHET LĪPÖRE (Re-edited) Bible (BSI)

³ Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

HEPRĀI 1:3 Referans Kwoze

INMEUKHÖMAT 4:11

Tökô Man Me-eṅ, Mā ih ane inrē Tēv ih, Öm kē kanôlò ineū-euṅ minhôiṅyö inrē; pò meh vamī-iṅl taṙòkhöre; pòkūö lōn meh anū-ö nö sökhaka, nö vīlöngö.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

2 KÒRIN 4:4

Yip tö tilupi ellōn, tö öp tēv ngih panam, töt ṙamātö ellōnre, pòn sōtu nö malīlöng nö in cha, ngam hanātö ngam kanôlò Kristū, ngam insā ngam Tēv.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

T. YÔHAN 1:4

In Ò an ngam nômö; ngam nômö nö Hanātö tarik.

HEPRĀI 10:12

Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;

NGAM LĪPÖRE KAHŪICH YŪT 1:25

Im töng hĕng Tēv mahayööken hī, lökten Yēsū Kristū mahayööken hī kanôlò, minā-aṅ, pūlngö, chöngö inrē, ha-eh misī, töngamuh inrē höng örheūheu inrē. Āmen.

HEPRĀI 9:26

Yĕn ngatī öre, ngaich tö ṙōl heuh kanihngen Kristū, hētentö ranehlö ngih panam. Ngaich pöri töngamuh nö kētuvö nöng hĕng heuh, i chanūhu ngam höteh, Anga-aṅ nö hameuktöre nö kēḵngö tökööl, i tī Ò nö kēḵngöre.

1 YÔHAN 1:7

Yē hī pöri lök el ngam hanātö, sā Ò Anga-aṅ nö el ngam hanātö, ngaich kö hanôltöre ayī-ö in höö; ngaich ngam mahām Yēsū, ngam Kūön Ò, nö ahetlen hī i nup tökööl hī.

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

1 YÔHAN 3:5

Ngaich akahalōn yī-ö tö Kristū nö hameuktu nö kamëngö tökööl; öt īnu An Anga-aṅ tö tökööl.

2 PĪTÖR 1:16

Pò hī öt höng tömken tö milichngen inlēnö inchōḵoṙô, hē ih mikahtölōn yīö, tö ngam minhôiṅyö ane inrē yanihih ngam Mā hī Yēsū Kristu, tön tökôta mat pöri mameuk aṅ i minā-aṅ in Ò.

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

HEPRĀI 8:1

Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

Salmai 75:3

Yëngö an ngam panam, tö yip aṅkūö e inrē: asöklö minë machööḵlö e chin.

INMEUKHÖMAT 3:21

Anga-aṅ ngòh tömihôiṅ, kēḵĕkūö ò min chū-ö tö inūichhaka nö hol chu nö el kantēra chu, sā chu chu-ö ngaich mihôiṅ, ngaich ūichngöre hol ngam Yöngre el kantēra Ò.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

INLAHEN 2:33

Ngaich yih töngamuh nö hapōilöngö nö lāhāmö ngam Tēv; ngaich nö teūngen tö ṙô ngam Yöng, nö kilēḵngôre tö ngam Töhet Fanöinylö; ṙösten Ò Anga-aṅtöngamuh, ngam maheuṅk yīö, ahang yīö inrē.

T. YÔHAN 1:29

Im huṙöich anga-aṅ meūkö Yēsū nö yihtöre nö in ò; ngaich ngö ṙô, Yĕh meuk, ngam pököre ngam Tēv, ngam kamëḵngö tökööl ngih panam.

KÒLÒSĪ 3:1

Yē yīö ngaich hachohlöngö hol Kristū, chöh nup lamātulöng yin, i chūök Kristū nö ūichhaka, nö lahāmö ngam Tēv.

RŌMA 8:34

Achīö ang anga-aṅ min töt mahakôlò; Kristū Yēsū an ngam tö kapah; hôṅ ngam tö hachohlöngö nö ṙā-ang yip tö kapah, ngam lahāmö ngam Tēv, ngam vame-elkui hī inrē.

INLAHEN 7:56

Ngaich ngö ṙô anga-aṅ, Yĕh meuk; meuk ngam halīöngö chin, nö luve-akkūö; sökhaka ngam Kūön Tārik nö lāhāmö ngam Tēv.

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

1 KINṘÖTNGÖ 29:11

Ō Mā Tēv, kinröngö meh an, minhôiṅyö meh, kanôlò Meh, kanô-òṅ meh, minā-aṅ meh inrē; pòn ṙòkhöre nup elhalīöngö eltumlat inrē nö Me-eṅ Meh; pūlngö meh ana, Ō Mā Tēv, ngaich me-eṅ hapōilöng, kui lātulöng tö taṙòkhöre.

RŌMA 1:16

Pò chu öt sirōngkūö tö ngam tölöök inhānga: pò e nö minhôiṅyö ngam Tēv im inyööken, nö in cha nö ṙòkhöre yip ṙamātö ellōnre; i yip Yahūti urĕh, i yip Krīk inrē.

MAIKA 5:4

Söklöre min anga-aṅ, ngaich ha-aṅlö nup pököre i kumlēḵ ngam Mā Tēv, i minā-aṅ ngam minë-eny ngam Mā Tēv ngam Tēv ò: ngaich köp cha-a min nö kiröng söl manā-angkūö ngam tumlat.

Mumkahten 8:4

Pò ngam ṙô ngam rācha nö tökiröng, chiāp tökô inrē nö ngö ṙô tö ò, Suāp la-en meh?

NGAM LĪPÖRE YŌP 37:22

Löktö lā kapā ngaich nö yih öp tösā vanāyö humlum; hayūtö ngam Tēv tö minā-aṅ pinhë-eṅkūö.

HEPRĀI 9:16

I ngam inlēnngen inlahen, ngaich nö ötkô, nö öt kapah ngam mahalēnngen e.

T. MËTIV 22:24

Mahaköphöti; ngö ṙô ök Môsös. Yē ngòh tarik nö kapah nöng öt kūönu, ngaich öp kahëm ò nö pīhötö ngam pīhö ò nö hakūöntö kūön ök mëmre.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

HEPRĀI 1:13

Achīö öp pöri tö yip ma-ahānga ṙô Ò nö hĕng heuh ṙô nö ngö, Ūichngöre man lahāmö chu, hanöng sahatī chu vītö yip tö kunyahaṅ elmat tö meh nö ṙanöönö röön meh?

2 PĪTÖR 1:17

Pò Ò nö kēḵ aṅ im Tēv ngam Yöng, ineū-euṅ kanôlò inrē, hē ök ṙô nö löö in Ò ṙamā-ang im tölngö kanôlò, Hanāngenlōn Chu ön ngòh nö Kūön Chu, in Ò Chin ṙamölōn takô:

LA-EN LĒVĪ 15:15

Ngaich ngam Kūönṙô min nö kētö u, hĕng nòng tökētu kūö tökööl, ngaich ngam tahëng töföngö nö tökētu; ngaich ngam Kūönṙô min nö vī inlām tökööl ò i kūö ngam Mā Tēv tö kūö ök lamöknyö in ò.