HEPRĀI 1:2 - TÖHET LĪPÖRE (Re-edited) Bible (BSI)

² Ngaich ve-ekūö hī, i manā-aṅ në sakāmö, nö lökten im Kūön Ò, ngam tī Ò nö tö-amīnuvö tö në taṙòkhöre. Anga-aṅ talöökö tī Ò nö vīlö në panam.

HEPRĀI 1:2 Referans Kwoze

1 KÒRIN 8:6

Sön pöri nöng hĕng ngam Tēv nö in hī, ngam Yöng, löklö in Ò në taṙòkhöre, in Ò inrē ayī-ö; hĕng ngam Mā, Yēsū Kristū, lökten në taṙòkhöre, lökten Ò ayī-ö inrē.

T. YÔHAN 1:3

Vahīlö Ò në taṙòkhöre chehen; öt hĕng hang, töt vahīlö Ò, nö i në tövīlöngö.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

1 PĪTÖR 1:20

Ngam tö ha-ëhelen inkaha misī nö kô, urēhĕkūö ranehlö ngih panam, ngaich pöri nö hameuktu i manāngen nuk ṙētak tö pòkūö yīö,

T. MËTIV 28:18

Yihtöre ngaich Yēsū nö in cha; ngaich ve-ekūö cha, nö ngö ṙô, Ṙòkhöre nun në chöngö nö kētu nö in Chu, el halīöngö, ing panam inrē.

T. YÔHAN 13:3

Akahalōn Yēsū tö ngam Yöng nö kētö taṙòkhöre nö eltī Ò, tö Ò inrē nö yamih, nö ṙā-ang im Tēv; ngaich chuh im Tēv.

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

HEPRĀI 11:3

Lökten im ṙinātö ellōn in akahalōn, tö në panam nö kūö ṙô ngam Tēv nö vīlöngö, lökten ngam tömeūkö, nö öt tö vīlöngövö nö aṅ i nup tömeūkö.

RŌMA 8:17

Ngaich yē hī kūön, ngaich tö amīnuvö: tö amīnuvö töm Tēv, hol Kristū tö amīnuvö, yē hī sā Ò kihngen, hòṅ hī inrē hapōilöngö hol Ò.

T. YÔHAN 3:16

Tölngö hanāngenlōn An ngam Tēv töng panam, tön uroh nö kēngö ngam töng hĕng maneuk Kūönre; pòn sōtu vē ṙamātö ellōnre nö in Ò, nö ötkôlò; hōtu pöri ngam nômö tö-örheūheu-aṅ nö in cha.

T. MËTIV 26:63

Höng öt ṙô-òvö pöri Yēsū. Ngaich ök mākūö kūönṙô nö ngö ṙô tö Ò, I ngam tö aṅ Tēv, ṙô Chin tö Meh, hòn Meh ve-eny nang ih, yē Meh Öm Me-eṅ Kristū, Öm Kūön ngam Tēv,

T. MËTIV 21:38

Ngaich hē yik yōm panô-òṅ nö meuk ök kūön ò; ngaich ngö ṙô cha-a tö höö, Ngòh ön tö-amīnu; ta-a, töi fëlan, ngaich kēḵ ngih amin ò.

HEPRĀI 5:8

Pòrô Anga-aṅ nö Kūön sön nö harun öt minôṙô, nö i nuk kanihngen Ò;

EFISÖS 1:10

I ṙinūöhnyö ngam sanööḵtökūö minë ṙētak, nö hamūllö nup taṙòkhöre in Kristū, nup el halīöngö, tö nup ing panam inrē, in Ò.

Isayā 44:24

Ngö ṙô an ngam Mā Tēv ngam mahavaha meh, ngam mahalēnngö chūök meh inrē el chūök kanūönö: Chū-ö chin Mā Tēv, öich vamīlö taṙòkhöre; tönghĕng tak öich chumṙeūichnyö minë halīöngö; mahanyāknyö ngam tumlat; achīö ap tösā chu?

HEPRĀI 7:3

Öt mahakūöntu tö kikōnyö, öt kamyôḵnyu, öt lökngurit, öt rēhĕn nö ranehlu nuk sakāmö, öt rēhĕn nômö nö manānguṙen, vītu pöri sā Kūön ngam Tēv köp nö kūönṙô nö iṙūöhen.

HEPRĀI 2:3

Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

HEPRĀI 1:5

Öpyòh ṙöng öp ṙung ma-ahānga, ṙô Ò nö ngö ṙô, Me-eṅ man Kūön Chu: i ngih sakāmö man Öm lökngörit Chu, ngaich hēk, Yöng Ò Chin min; kūön Chu min anga-aṅ inrē.

EFISÖS 3:9

Ane inrē halööktömat mameuk ngam minchöḵö ngam ötmikahkūö sin, ngam töha-ehelen nö ngaich nö hayunngöre nö im Tēv, ngam vamīlö taṙòkhöre.

Isayā 2:2

Ngaich ngö inlahen min angū-ö i nup sakāmö mu-unôichrit ngam raneh, tö ngam rôngö ngam patī ngam Mā Tēv min nö köpngö nö i kui minë rôngö, hapōilöng inrē min nö tulöng tö minë rung; ṙòkhöre inrē min pumnāmö tarik nö chahīömköti nö in e.

I. CHÖNGÖ 18:15

Hĕng taka ap min pròfĕt hachohlö ngam Tēv ngam Mā Tēv meh nö in meh, nö ṙā-ang elṙôngö meh, aṅ in yip mak alaha meh, tö sā chu; hang ṙô ò min yī-ö;

I. CHÖNGÖ 4:30

Hē meh el kanihngen, ngaich teunghö kui meh min anū-ö në, i nup lā unôich sakāmö meh öm havantöre im Mā Tēv ngam Tēv meh, ngaich hang ṙô ò:

KALATĪ 4:4

Hē sanölta ngam ṙētak pöri, tīntö ngam Kūönre ngam Tēv, kayôḵnyu tö kikānö, kayôknyu nö elkatòh ngam chöngö;

INLAHEN 10:36

Ngam ṙô tahīntö Ò i yip kūön Israĕl, minkahten tölöök inhangkö kumchiḵṙen, lökten in Yēsū Kristū; (Anga-aṅ An Mā taṙòkhöre;)

T. YÔHAN 15:15

Rö-ö Chin ngöhöreṙô kūönkūö ngö tö yīö; pò ngòh kūönkūö nö öt akahalōn tö la-en ngam yöngṙenre, pò Chu Chū-ö ngaich mikahtölōn yīö tö nup taṙòkhöre ahang Chu im Yöng.

MAIKA 4:1

Ngaich ngö inlahen pöri min angū-ö i nup lā unôich sakāmö, ngam rôngö patī ngam Mā Tēv min haköpiyö nö el chalòng kui minë rôngö, ngaich hapōilöng min angū-ö nö tulöng tö kui minë rung; ngaich chahīömköti min yip tarik nö in e.

YERIMIĀ 30:24

Öt havanritre an min ngam tökiröng tanānyö ngam Mā Tēv hanöng saha ò nö hateungngö nup lōn kuilōn ò. Akaha elmat man min i nup lā-unôich sakāmö tö e.

NGAM LĪPÖRE KAHŪICH YŪT 1:18

Tö ṙô cha nö ngaich tö yīö, Ip manā-aṅ ṙētak min yip tö mināich, tömrit nup tötlöök lōnre min cha-a.

RŌMA 1:4

Ngam tövënyu nö kūön ngam Tēv im minhôiṅyö, sā ngam hanëtö ngam ma-alaha, lökten im invanlö tö kapah; ngam mā hī Yēsū Kristū.

INLAHEN 2:17

Ngö ṙô An ngam Tēv, Ip manā-aṅ sakāmö min ṙöstö ngam Töhet Fanöinylöre Chin min i kuī-taṙòkhöre tarik; ngaich yip kūön yīö, kikōnyö kikānö inrē min nö mikahten; yip tö-ayal tarik yīö min nö meuk tö meūkö; yip tö köiny tarik yīö min inrē nö heūv haneūvö.

T. YÔHAN 17:2

Sā tī Meh kē-ĕkūö Ò tö inyöngö taṙòkhöre tarik, hòṅ Ò nö kē-ĕkūö cha tö ngam nômö tö-örheūheu-aṅ, i yip töng kahëtö Meh in Ò.

T. YÔHAN 16:15

Ṙòkhöre nup chehen im Yöng nö Chū-ö; lökten Chin ngö ṙô, tö Ò min nö kēḵ aṅ in Chu, ngaich ahangken yīö min tö e.

T. MĀKÖS 12:6

Ṙòngmö hĕngtit tak ök hanāngenlōn kūön ò; anga-aṅ manā-aṅ tahīntö ò nö in cha; nö ngö ṙô, Milēḵṙen yip min tö ngòh kūön chu.

T. MĀKÖS 1:1

Ranehnyö ngam tölöök inhangkö Yēsū Kristū, ngam Kūön ngam Tēv.

TANĪ-ĔL 10:14

Ngaich yih öich vīten meh akaha elmat töp lāinyngen yip tarik meh i nup sakāmö. Pò ngam tömeūkö nö öt sumkāmu yanīhih.

ISIKĪ-ĔL 38:16

Yih min yī-ö lā-al yip tarik chu Israel, sā taṙul kahultökui ngam panam. I nup lā-unôich sakāmö chū-ö min kēten meh lāḵlö ngam panam chu, hòṅ vē pumnāmö tarik nö akahakūö tö chu, hē chu lökten in meh, Ō Kōk öich haköp ngö hanëtöre i kūö mat cha.

Isayā 45:18

Pòn ngö ṙô ngam Mā Tēv ngam vamīlö minë halīöngö; anga-aṅ an Tēv; ngam mamul ngih tumlat vī-i e inrē; haköpngö e an, vī-i an tö ò nö öt payāyaṙen, mūlö e an nö chūök elyöngö: Chū-ö chin Mā Tēv öt tahënguvö.

I. CHÖNGÖ 31:29

Tön akahalōn chin tö yīö keuheūtngöre tī min hachōichngöre unôichrit kinpaha chu, öi kānngöre tö ngam talöökö ngam tinöölô yīö tö chu; ngaich palā-aiṙen yī-ö min kūö tötlöök i nup unôich sakāmö; pò yīö min la-evṙen tö tötlöök i ngam Mā Tēv, öi harunnyö tanānyö ò lökten i la-en minë kuntī yīö.

2 PĪTÖR 3:3

Akahalōn tö ngih urĕh, tö yik mahayëk, i nup manā-aṅ sakāmö nö kumtö inyëḵngen, nö lök i nup kanahngenre tötlöök lōn;

HEPRĀI 1:8

Ngö ṙô pöri Anga-aṅ töm Kūön, Höng tö örheūheu an ngam kantēra Meh, Ō Tēv; ngam tinkung ngam lanöökö an, tinkung ngam pūlngö Meh.

HŌSĪ 3:5

Unôichngöre min yip kūön Israel nö havantöre, ngaich chöh ngam Tēv re ngam Mā Tēv, Tāvit inrē ök rācha cha; yih min inrē nö im Mā Tēv nö holtö pinhë-enkūö lanöökö ò inrē i nup sakāmö unôich.

Ranehlö 49:1

Ngaich Yāköp nö havëtö yik kūönre kikōnyö, ngaich ngöṙô, Hamūlöre yin, hòṅ chu vë-eny nang yīö tö lāinyngen yīö min i në unôich sakāmö.

HEPRĀI 9:26

Yĕn ngatī öre, ngaich tö ṙōl heuh kanihngen Kristū, hētentö ranehlö ngih panam. Ngaich pöri töngamuh nö kētuvö nöng hĕng heuh, i chanūhu ngam höteh, Anga-aṅ nö hameuktöre nö kēḵngö tökööl, i tī Ò nö kēḵngöre.

T. YÔHAN 3:25

Ngaich ve-ekūöre yik haköptö Yôhan, tök tö hĕng tak Yahūti inrē, tö inlahen inhetlö.

TANĪ-ĔL 2:28

Hĕng taka pöri ap Tēv el halīöngö mahameuṅktö ötmikah kūö, ngaich anga-aṅ nö mikahtölōn ngam rācha Nēpukatnēsar töp mī-i nup sakāmö min. Në nun heūvö meh tömeūkö inrē tö meh nö elkui meh hē meh hulalhaka el chamam:

YERIMIĀ 48:47

Sön pöri min chū-ö havantö nup kanôlò Mô-āp i nup lā-unôich sakāmö, ṙô ngam Mā Tēv. Ngö tölngö an ngam inkaha fālen Mô-āp.

Isayā 45:12

Ngāichö tī chin vī ngam tumlat, ngaich inrē vīlö tarik i kūö e: kôtö tī chin chiṙeūchnyö minë tömaṙôngö u inrē.

KINṘEŪKÖ 24:14

Yĕh meuk, ngaich, chuh i yip tarik re chin ngaich: tā-a, hòṅ chu vë-enynang meh tö tī vē tarik min tö vē tarik meh, i në sakāmö

T. MËTIV 3:17

Ngaich ök töngöṙô, lamöktö el halīöngö, “Hanāngenlōn Chu ön ngòh, nö Kūön Chu. In Ò Chin ṙāmölōn takô”

T. MËTIV 13:39

Ngam sī-ö an tökunyahaṅelmat, tameūich tö u; ngam kanöinyòng, manāngen ngih panam; yip ma-aṅhanga yip mahamūl.

T. MĀKÖS 12:7

Ngaich pöri yik yōm panô-òṅ nö ngö ṙô töre, Ngòāng yih tö-amīnuvö; ta-a, töi fëlngen ò, hòṅ ngam amin nö ayī-ö min.

T. YÔHAN 1:10

Ing panam Anga-aṅ; lökten Ò ngih panam nö vīlöngö; ngaich öt akahakūö ngih panam tö Ò.

T. YÔHAN 5:26

Pòn sā ngam Yöng nö in re nômö; ngati tī Anga-aṅ inrē nö kē-ĕkūö ngam Kūön nö nômuvö nö in re.

T. YÔHAN 5:27

Ngaich pòn Kūön Tarik Anga-aṅ, ngaich kē-ĕvkūö tö Ò tö chöngö nö kahôka.

T. YÔHAN 9:29

Akahalōn in tö ngam Mā Tēv nö ṙô-òv nö in Môsös; öt akahalōn pöri tö ṙāngö ngòh tarik.

1 KÒRIN 2:7

Ṙôtö ngam mikah ngam Tēvpöri īhö; i öt mikahkūö sin, ngam tö hayūni sin misī, ngam töhalēni tö ngam Tēv, nö lā-urĕh tö në panam, nö kanôlò hī.

HEPRĀI 3:6

Sā kūön pöri Kristū nö im patī ngam Tēv, ngam tö patī-ivö tö hī, yē hī haköptīre tö öt pinyū-uṙô im ineū-euṅ, ngam maheūṅkkö hī inrē, nö köp söl ip manā-aṅ.

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 7:28

Pò ngam chöngö nö vī-il mākūö kūönṙô tö öt kumlēḵen; vīlö kūön pöri ngam ṙô aṅ im chūök ṙô, ngam tinömken ngam chöngö, nö örheūheu nö töteungten.

T. YÔHAN 13:32

Hapōilen Ò An min ngam Tēv nö in re; iṙūö hapōilen Ò An min.