HEPRĀI 1:14 - TÖHET LĪPÖRE (Re-edited) Bible (BSI)

¹⁴ Röh yip cha-a nö ṙòkhöre nö mameukṙen ngam Tēv, tīntu nö tö la-evṙen tö pòkūö cha yip tö amīnu min tö inyööken?

HEPRĀI 1:14 Referans Kwoze

Salmai 34:7

Havīlen cha yip ma-ahānga ngam Mā Tēv: yip töpa-ekūö tö ò, ngaich ṙānyen cha.

T. MËTIV 18:10

Uh yin hĕng tak hayëḵngen tö vē kun kūöṅnö; ngö ṙô Chin tö yīö, tö yip ma-ahānga cha, el halīöngö, nö örheūheu nö hatīönkökūö ngam Yöng Chu el halīöngö.

TANĪ-ĔL 6:22

Tīntö ma-aṅhaṅngare an ngam Tēv chu nö tilupngö elvāng në lāyön ngaich anū-ö nö öt chökhuṙen tö chu, pò chu öt kôti fāluṙen i kūö ò i kūö meh chin inrē, Ō rācha öich öt la-evṙen tö tövaich.

INLAHEN 27:23

Pòn hĕng tak, amòh tö hatööm; ök ma-ahānga aṅ im Tēv, nö sökhaka nö in chu, ngam tö īnu tö chu, ngam lahök la-en chu inrē.

INLAHEN 5:19

Hĕng tak pöri ök ma-aṅhānga aṅ im Mā Tēv, lamöpnyökūö inkūp ök kinlōngö, tö hatööm; ngaich kēḵnyen cha; nö ngö ṙô,

INLAHEN 12:7

Ngaich nönglūk ök hĕng tak ma-ahānga aṅ im Tēv, nö sökhaka nö ranghen ò; yāngö ël ök chūök inrē. Ngaich fohkö ṙòngkafīöt Pītör anga-aṅ; ngaich kilanglen ò, nö ngö ṙô; Choholre ka-eūyen. Ngaich sukngöre nuk inlök, nö ṙā-ang kël ò.

T. LŪKÖS 1:19

Ngaich ngö ṙô ngam ma-ahānga nö sapṙô ò, Kēprīl chin kòl chu-ö, tösökhaka i kūö ngam Tēv. Ngaich öich tīntu öich ve-ekūö meh, ane inrē vë-eny nang meh tö në tölöök inhānga.

T. MËTIV 1:20

Hē ò pöri nö ellōn tö u, hĕng taka ök tömeūkö tö ò, ma-ahānga aṅ im Mā Tēv, nö i heūvö, ök töngö ṙô “Me-eṅ kūön Tāvit, Yôsĕf; uh man sōḵ öm kĕḵ-ĕ Mariā nö pīhö meh; tön lamökten ngam Töhet Fanöinylö, ap töpirūka tö ò.

TANĪ-ĔL 3:28

Ngö ṙô ngaich Nēpukatnēsar, Tökôlò an yēḵ Ngam Tēv Satrāk, Mësak, Apĕnikō inrē, ngam tamīntö ma-aṅhāṅnga re nö ṙānyö yip tarik ò, yip mahayönglenre nö in ò, ngaich nö rööḵngen tī tö chöngö ngam rācha, nö kētö nuk alaha cha nö öt lök la-en ane inrē öt salām töng tēv höng ngam Tēv cha.

T. LŪKÖS 16:22

Ngaich kapah ngam yāich tarik, ngaich kē-ĕyö tö yip ma-ahānga nö i kūö Aprahām.

INLAHEN 12:23

Iṙūö fëlan ngaich ök ma-ahānga ngam Mā Tēv; kāḵayö ngaich anga-aṅ tö kamlökö; ngaich kapah.

T. LŪKÖS 2:9

Ngaich ök ma-ahānga ṙamā-ang im Mā Tēv, nöng sökhaka nö in cha; ngaich havīlöng cha-a, tö hanātö kanôlò ngam Mā Tēv; ngaich pa-ekūö cha-a.

T. LŪKÖS 2:13

Ilööṙen yip tömaṙôngö aṅ el halīöngö nö holtö ap ma-ahānga, na ha-öiny ngam Tēv, nö ngö ṙô:

Salmai 104:4

Vamī minë kuföt nö ma-aṅhānga re; më mameukṙen Ò; tö hūkūö nö tameūyö.

T. MËTIV 2:13

Chuhhë cha-a hĕng taka ök ma-ahānga aṅ im Mā Tēv, tömeūkö tö Yôsĕf nö i heūvö, töngö ṙô, “Choholre man; kēḵ ngam Nyīö, ngam yöngnyīö inrē; öi Chuh Aikup. In e me-eṅ höngngöh, hanöng saha ṙô chu tö meh; tön chöh ngòh Nyīö ap min Hērôt, nö hòṅ fëlngen Ò.”

TAITÖS 3:7

Halööklöngö lökten im inlōnti aṅ in Ò, hòṅ hī min vītu tö-amīnu sā ngam mineūka aṅ im tö-örheūheu-aṅ nômö.

INMEUKHÖMAT 5:6

Ngaich chū-ö meuk ellōn ngam kantēra, ane inrē i nup tö fën nòng tö-aṅ töṙeūla, ellōn yip mā inrē sökhaka ap pököre hĕng nòng, nö sā töngāichövah nö fëli, sātö sinrōl, sātö mat inrē, nö yip tösat Töhet Fanöinylö ngam Tēv, tö tīniyö nö i në taṙòkhöre panam.

1 PĪTÖR 1:12

In cha nö hameuktu angū-ö, öt höng meukṙen cha-a tö u, tön meukṙen yīö, tö u nup tövënyu töngamuh nö in yīö, nö löktö i ṙô yip ma-ahangkö ngam tölöök inhānga nö in yīö, lökten im Töhet Fanöinylö tö tīntu nö ṙā-ang el halīöngö: nup lōn yip ma-ahānga nö hòṅ meuk.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

NGAM LĪPÖRE KAHŪICH YŪT 1:14

In cha ṙô inrē Ēnòk, ök sinat tak kūön Ātöm, nö ṙô-òv, nö ngö ṙô Yĕh meuk ngam Mā nö yih holtö yip tösöm köṅny töhet,

1 PĪTÖR 1:4

Nö im amin töt chahū-uyö, töt hamūmiyö inrē, töt chōichngöre inrē, hinöngken yīö el halīöngö.

HEPRĀI 6:17

In e ngam Tēv nö hòṅ pōyen tī nö hameukhöti nö i yip tö amīnu tö ngam töt hanṙīken inlēnö aṅ in Ò, lökten Anga-aṅ nö haköpngö nup kinlēḵngôre.

2 TÖSALÒNIKĒ 1:7

In yīö ap haneūheu, öi hol ih, yī-ö tökihngen, ip inmeuktö ngam Mā Yēsū, nö ṙā-ang el halīöngö nö holtö yip ma-ahānga, chöngö Ò inrē.

FILIPĪ 2:25

Öt ṙanāngen pöri tölōn chu ngam tinīntö Epafròtitös nö in yīö, ngam kisānö chu, hol chu tö la-evṙen, hol chu kumyung, ma-aṅhangken yīö inrē, mameukṙen chu inrē tö nup töhāṅten;

2 KÒRIN 9:12

Pò ngam mineukṙen ngih la-en nö öt höng hateung ṙôken hanāten yip töhet, tön pōyen inrē, nö lökten nup töpōyen Nöinyö ngam Tēv.

RŌMA 15:27

Hôṅ, tölöök an nö lōn cha; cha-a yip tö hötṙehevö nö in cha. Yē yip Tahëng mihëṅṙö nö hamòlkūö cha nö i nup aṅ i töhet, ngaich höteh cha angū-ö nö meukṙen cha tö nup aṅ ing panam chehen.

RŌMA 15:16

Pò chu hōtu mameukṙen Kristū Yēsū i vē Tahëng mihëṅṙö, mineukṙen ngam tölöök inhangkö ngam Tēv, hòṅ ngam kinëtö yip Tahëng minhëṅṙö nö tö hō-ovö, nö tö ahetlöngö tö ngam Töhet Famöinylö.

RŌMA 13:6

Angū-ö an lökten yīö inrē tī-iv tö ṙāi inahtö: pò cha nö la-en tö la-en ngam Tēv nö meukṙen, örheūheu nö höngö e angū-ö.

INLAHEN 13:2

Ngaich hē cha nö ve-ekūötēv, ahik inrē; ngaich ngö ṙô ngam Töhet Fanöinylö, haköhngen nāṅ Parnapas, nāṅ Sôl, nö ip la-en invëkö cha tö Chu.

INLAHEN 11:22

Ngaich hāngö ngam inlahen cha tök māṅ mī-i Yerūsalem; ngaich tīnngen Parnöpas cha-a, nö tölngö Antī-òk.

T. LŪKÖS 1:23

Ngaich hē nuk sakāmö kinheūṅten ò tö ök la-en ò, ngaich chuh patīre anga-aṅ.

T. MËTIV 24:31

Ngaich tīnngö yip ma-aṅhāngare min Anga-aṅ, nö holtö töpōitô fanöö; ngaich cha-a min nö hamūl yip tökatöllöng tö Ò, ṙā-ang i nup töfën lā-a kuföt, löktökūö ngam manā-angkūö ngam halīöngö söl im tahëng.

T. MËTIV 13:41

Tīntö yip ma-aṅ-hāngare min ngòh Kūön Tarik; ngaich cha-a min nö hamūl ngaich kēḵngö u nö ṙā-ang im pūlngö Ò, nup töpô-òvkūö, yip tarik inrē tötlöökö la-en; ngaich kavalhötvö cha-a min nö i kūö öp töhūkūö tameūyö.

TANĪ-ĔL 7:10

Hëmnyi ök tameūyö, ngaich löknyö kūö ò nö yihtöre; hĕng köṅny tököṅnyu nö lök la-en ò, söm köṅny tum van tösöm köṅny sökhak nö i kūö ò; kinṙôka ngaich nö inkaha fālen, fehnyu kūö ngaich nuk līpöre.

NGAM LĪPÖRE YŌP 1:6

Ngaich ök umuh sakāmö hē yik kūön ngam Tēv nö yihtöre nö hameuktöre nö i kūö ngam Mā Tēv, yihtöre inrē Satān nö in cha.

1 PĪTÖR 3:7

Ngatī yin yī-ö inrē töpihövö kikōnyö, iyöng i më pihöre sā ngam mikah, milēḵṙen tö ngam kikānö, sā töt ngëḵen nö chehen, sā nā inrē tö amīnu nyöre tö ngam inlōnti aṅ im nômö; hòṅ yīö öt sānngen im vinë-eṅkūötēv.

YĀKÖP 2:5

Kahōlö, hangihtöre yin; Röh Ang ngam Tēv nö katöllen cha, yip yāich nö ing panam, nö tökôlò nö im ṙinātö ellōn, tö amīnu inrē tö ngam pūlngö ngam tö ngaich nö kilēḵĕyö nö in cha. Yip töhāngenlōn tö Ò?

HEPRĀI 10:11

Öthĕng hang sumkam vē kūönṙô nö sökhaka nö meukṙen, ṙōlheuh tī inrē nö kētö nup töng hĕngren tökētuvö, nup töt kanô-òṅvö nö kēḵngö tökööl,

HEPRĀI 8:6

Ngaich pöri töngamuh anga-aṅ nö teūngen tö tömötlö lanöökö mineukṙen, pòn anga-aṅ inrē aṅ im töngö-aṅlö kinlēḵngô chanöh ellōn, ngam töhaköpi nö i minë tömötlö lanöökö kinlēḵngô

HEPRĀI 6:12

Hòṅ yīö öt ṙahata, asīnken cha pöri yik tö amīnu tö minë kinlēḵngô, lökten i mikah, manöiyö inrē.

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

FILIPĪ 2:17

Hôṅ, yē chu kētu im tökētu ane inrē mineukṙen ngam mikah yīö, ṙāmölōn chu-ö, ṙāmölōn hòṅ hol yīö ṙòkhöre:

EFISÖS 3:6

Tö vē Tahëng mihëṅṙö nö hol nö tö-amīnuvö, hol nö tūmö ngam alaha hol nö michöḵö tö ngam kinlēḵngô in Kristū Yēsū, lökten im tölöök inhānga.

KALATĪ 3:29

Ngaich yē yīö aṅ in Kristū, ngaich yī-ö kūön Aprahām, tö-amīnu sā ngam kinlēḵngô.

KALATĪ 3:9

Lökten cha vē aṅ im mikah nö tökôlò nö hol ngam tökô-en Aprahām.

KALATĪ 3:7

Akahalōn yin lökten tö cha vē aṅ im mikah, cha-a yin kūön Aprahām.

RŌMA 8:17

Ngaich yē hī kūön, ngaich tö amīnuvö: tö amīnuvö töm Tēv, hol Kristū tö amīnuvö, yē hī sā Ò kihngen, hòṅ hī inrē hapōilöngö hol Ò.

INLAHEN 16:26

Ngaich nönglūk ök yöng kumyeūnö; ngaich kalöka röönti ök kinlōngö, ngaich löpnyörekūö nuk inkūp, ngaich aluh köṅny nuk nyanëk cha nö ṙòkhöre.

1 RĀCHA 22:19

Ngaich ngö ṙô anga-aṅ, Lökten man hangihtöre tö ṙô ngam Mā Tēv: meuk ngam Mā Tēv chin nö el kantērare nö ūichhaka, ṙòkhöre inrē nö sökhaka nö in ò më tömaṙôngö el halīöngö lāhāmö ò lātavē ò inrē.

Ranehlö 32:24

Ṙā-ai ang Yāköp nöng hĕngtit töṙah; ngaich hĕng tak ök tarik umuh lā-al ò nö tirīp hanöngsaha minlīlö ngam peuheū.

T. MËTIV 4:11

Ngaich ngam sī-ö nö ṙāngen Ò ngaich yihtöre yip ma-ahānga nö meukṙen Ò.

T. MĀKÖS 10:17

Ngaich hē Ò nö iṙuhöröön nö kiröönngöre, ngaich hĕng tak ök umuh famaltöre nö in Ò; ngaich simngöre nö ve-ekūö Ò, nö ngö ṙô, Tölöök Mahaköphöti; asuh ap min la-en chu, hòṅ chu amīnuvö tö ngam nômö tö örheūheu-aṅ?

RŌMA 11:14

Yē chu löktu harunnyö lanīnö ellōn yip alahare, ngaich haroh tum tak hayööken tö cha.

1 KÒRIN 1:21

Pòn im mikah ngam Tēv, lökten im mikahre ngih panam, nö öt akahakūö töm Tēv, kūö lanöökö lōn ngam Tēv an, lökten i kumlō-ov ngam inhānga, nö hayööken cha yip ṙamātö ellōnre.

HEPRĀI 2:3

Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.