HEPRĀI 1:10 - TÖHET LĪPÖRE (Re-edited) Bible (BSI)

¹⁰ Hēk nö ngö ṙô, Me-eṅ, Mā, vamīlö ngih panam ik raneh, la-en minë kuntī Meh an ngam halīöngö.

HEPRĀI 1:10 Referans Kwoze

Ranehlö 1:1

Vīlö ngam halīöngö ngam Tēv tumlat inrē, ik raneh.

YERIMIĀ 32:17

Mah Mā Tēv! Me-eṅ Man vamīlö minë halīöngö tumlat inrē lökten im yöng kanô-òṅ Meh ane inrē lökten im töhateutnyu kël Meh! Öt hĕng tökihngen nö in Meh,

Isayā 48:13

Hôṅ, ṙātö rööntö ngam tumlat ön ngih kël chu, hanyāknyö minë halīöngö inrē ngih lāhāmö kël chu: hē chu havëken u, holre ngaich anū-ö nö söklöre.

Isayā 42:5

Ngö ṙô an ngam Tēv, ngam Mā Tēv, ngam vamīlö minë halīöngö hanyāknyö u inrē, ngam mahaṙīöngnyö ngih tumlat tö nup samīöp ël e inrē, ngam kamëtö unhômö tarik yip aṅkūö e kētö ngam ma-alaha inrē nö in cha yip kumröön nö el e:

SAKARIĀ 12:1

Ngam lumngan ngam ṙô ngam Mā Tēv tö inlahen Israel. Ngö ṙô an ngam Mā Tēv, ngam mahanyāknyö minë halīöngö ṙātö chūök rööntö machööḵlö ngam tumlat inrē, vamī ma-alaha tarik nö lā tuhēt nö in ò:

Isayā 64:8

Töngamuh pöri me-eṅ ngaich Yöng ih, Ō Mā Tēv; tilin in īhö vamī tanīöyö me-eṅ; ṙòkhöre in īhö vahī minë kuntī meh.

Isayā 51:13

Tövaichngö inrē tö ngam Mā Tēv, ngam vamī-i meh, ngam mahanyāknyö minë halīöngö ṙamātö rööntö ngam tumlat ngaich iṙūöhö pinhe-eṅkūö irô-òtö ngam sakāmö tökūö tanānyö öp mahakihten yē ò nö söklöre nö hòṅ fëlhanga? Isuh apa tanānyö ngam mahakihten?

INCHŌḴ-OṘÔ 8:29

Hē Ò nö halēnngö tölngökūö ngam mai, pòn sōtu ngam mak nö tôchngen tö chöngö ò, hē Ò nö mikahngö chūök rööntö ngam tumlat,

INMEUKHÖMAT 3:14

Ane inrē löö ip Ma-ahānga ngam māṅ i Laotisiā ngö tī kūich; në nun ṙô ngam tö Āmen, tökô-en, ameū-aṅ tökô-òṙô, ngam ranehlö në vahī ngam Tēv;

Salmai 19:1

Vënyö kanôlò ngam Tēv an ngam halīöngö: hameuk tö la-en minë kuntī ò minë taṙul.

I. CHÖNGÖ 4:19

Hòṅ meh öt môklökūöre el halīöngö, ngaich meuk ngam tavūöi töm chingëṅt tö minë taneūsömat, ṙòkhöre inrē nup el halīöngö ngaich tūöki më-eṅ ngaich salāmö u, lök la-en u inrē, minë minchööḵö yip tarik nö ṙòkhöre tö ngam Mā Tēv nö elkatòh ngam halīöngö.

Isayā 40:12

Achīö ap ṙung kamlah ṙôken mak nö ël kintāl eltī re, ane inrē mumkahngö ngam halīöngö nö aṅtī tö ṙôktāk eltī re, ngaich hachūökngö tumlat ngih panam nö el chūök nyanūmö, ane inrē kamlah lumngan në rôngö tö kinlah lumngan, në rung inrē nö el kinlah lumngan?

Isayā 51:6

Môklökūöre yin i minë halīöngö, ngëichkö ngam tumlat lātaṙeū; tön sā lul nun min minë halīöngö nö chaṙēviṙen, ngam tumlat min nö sā hanūönyngö hilā, ngaich cha-a yip mī-iyöng in e min nö kapah sā ṙūöitöhòk; öt chanūhuvṙen pöri ngam inyööken aṅ in chu, ngam ṙinānyö inrē aṅ in chu höng öt keuheūtaṙen.

HEPRĀI 12:27

Ngaich ngih ṙô, Hĕngtöre heuh, tö ṙôtö kinëḵngö nup tö kiyīnö, nö sā u nö tö vītu, hòṅ u nöng ngöh nup töt kīyinka.