HAPAKŪK 3:8 - TÖHET LĪPÖRE (Re-edited) Bible (BSI)

⁸ Kunyahalōn ang ngam Mā Tēv nö i nup tahël? I nup tahël ök tanānyö meh, hēk inrē ök lanīnö meh nö im mai, töp lökten meh i uk minë kōra re, el minë inröl meh inyööken?

HAPAKŪK 3:8 Referans Kwoze

Salmai 68:17

Nët anāi köṅny nup inröl ngam Tēv, köṅny, köṅnyu nup: in u An ngamMā, sā re nö i Siyòn, el töhet chūök.

Isayā 50:2

Kūöyòh öi öt tarīku umuh, hē chu yih? Hē chu havë-a, öt tarīku hòng umuh samap ṙô chu? Cheūngöre rôta öng ngih kël chu, töp lökten e nö ötkô nö ṙā-any? Hēk inrē öt kanô-òṅvö öichu öich ṙā-any? Yĕh meuk, ngam mai nö nyôlö tökūö vinëköre tö chu, vītö minë tahël chin nö elnyalnyi; hangeūṅtu ngaich nup kā ël u kūö törö-ö mak, ngaich kapah tö inṙëhe nômö re.

Salmai 114:5

Ō Mai, asuh ap inlöinyö meh, töp lökten meh falngöre? Me-eṅ Yôtön, töp Lökten meh havanrit re?

Salmai 114:3

Meukö e ngam mai, ngaich falngöre: harahakūö ngam Yôtön.

Salmai 18:10

I uk öp kērup anga-aṅ, ngaich kiteū: hòṅ, yit anga- aṅ nö kiteū i rōi kël ngam kuföt.

T. MĀKÖS 4:39

Choholre ngaich Yēsū, ngaich vëkö ngam kuföt; nö ngö ṙô tö ngam mai, Heūheure; um halöinyköre. Ṙāngenre ngaich ngam kuföt; ngaich kalūöng takô angū-ö.

HAPAKŪK 3:15

Röön ël ngam mai me-eṅ öm holtö nup kōra e, ngam tökālēḵ tö-ëlu mai.

NAHOM 1:4

Vëkö ngam mai anga-aṅ, ngaich vīten e nö nyôngö, hanyôngö nup tahël inrē; öt kalē-en ngaich Pāsan, Kārmel inrē ap pūl inrē Lëpanön nö nyīkngö.

Isayā 19:1

Ngam ṙô ngam Tēv nö in Aikup. Yĕh meuk ngam Mā Tēv nö i kui töyit taṙūl, yih inrē nö i Aikup; ngaich nup insātēv Aikup min nö kē-ĕngre nö i kūö ò ayëṙi min inrē öp ellōn Aikup nö el ṙôngö e.

Salmai 104:3

Ṙamātö minë mikeūnö minë urôhò re nö el minë mak: vamī minë taṙul nö inrölre; kumröönngöre, Öm i rōi sanëòk ngam kuföt;

Salmai 68:4

Tikökhökūö ngam Tēv, tiköknyö nöinyö Ò: harunglö talöökö Ò, ngam lamök el tönyalnyi; Yāh ap mine-eny Ò; urēhĕkūö Ò ṙāmölōn.

INMEUKHÖMAT 19:14

Ngaich yip kumyung el halīöngö nö tömrit Ò nö i uk nuk tö-isoh kōra, tö hayūtö tö tövai linen hilā. Isoh, het inrē.

INMEUKHÖMAT 19:11

Ngaich meuk ngam halīöngö chū-ö nö löpnyukūö; ngaich meuk ök hĕng nòng tö-isoh kōra, ök aṅ uk ò inrē nö ūichhaka, ök töminënyu tö Tökô-en ane inrē Kanô-en; im lanöökö Anga-aṅ nö kahôka, kiyung inrē.

INMEUKHÖMAT 16:12

Ngaich ngam tinfūölö Ma-ahānga nö ṙöhnyö aṅ ngam töchilū pingāṅlre nö i kui öp tökiröng tahël, ngam tahël Yūfratīs, nyôngö ngaich ngam mak, pòn hōtu ngam talöökö nö vī-i nö lēn, nö talöökö yip rācha yamih nö lā löklö maneutlö ngam tavūöi.

INMEUKHÖMAT 6:2

Ngëicha chū-ö ngaich, ngaich meuk ök hĕng, töhĕng nòng tö-isoh kōra, ngaich anga-aṅ ök mī-i-uk ò nö hĕng nòng aṅ in tö linreny, ngaich hĕng ök sapīöv tö kētu nö in ò, yihtöre anga-aṅ, ngaich nöng mihôiṅhöre nö kiyung.

Salmai 45:4

Pò ngam minā-aṅ meh i uk nö iṙūhöröön nö kôlò, pò ngam kanô-en, yanāichö el-lōn, lanöökö inrē: ngaich ngam lahāmö kël meh min nö haköpten meh tö nup pinhe-eṅkūö.

MANEUTNYI 7:20

Ngati tī nā Môsös, nā Aròn, sā Chöngö ngam Mā Tēv; hachônglö ngam tinkungre angā-aṅ, ngaich foh minë mak el ngam tahël, nö i kūö Fërō, i kūö yik tarik ò inrē; ngaich keuheūtngöre ngam mak el ngam tahël nö vīngöre nö mahām.

MANEUTNYI 7:19

Ngaich ngö ṙô man tö Āròn, Kē ap tinkungre man, hateutnyö këlre i kui minë mak i Aikup, i kui minë tahël, i kui nup tö-ūlö talöökö mak, i kui nup tö rūḵngö mak nö ṙòkhöre, hòṅ u nö vīngöre nö mahām; ngaich keuheūtngöre chūök min nup mahām nö im panam Aikup, el tökachāvu, el ihong chūökṙen inrē.

MANEUTNYI 14:16

Hachônglö ngam tinkungre më-eṅ hateutnyö këlre inrē i kui ngam mai, harēvö e: hòṅ më kūön Israĕl min nö lök ellōn ngam mai nö el tanyô.

Salmai 77:16

Ō Tēv, meūkö Meh ngam mai: ngaich pa-ekūö: kichëyöre inrē ngam tö-aṙū.

Isayā 66:15

Yĕh meuk, tameūyö an min ngam Mā Tēv nö yih, nup inröl ò min inrē sā lamfeui kuföt, nö kētö öp tanānyö ò nö kalēḵ, öp inkësö tö ò inrē nö holkūö tö hanūkūö tameūyö.