HAPAKŪK 3:6 - TÖHET LĪPÖRE (Re-edited) Bible (BSI)

⁶ Sökhaka anga-aṅ ngaich kalah ṙôkö ngam tumlat; ngëicha anga-aṅ, ngaich ahōngö pumnāmö tarik nö parāti: parāti ngaich rôngö töha-ëhelen, sōnngöre nup kun rung tö ha-ëhelen. Sā tö misī nuk kinröönngö ò.

HAPAKŪK 3:6 Referans Kwoze

Ranehlö 49:26

Mihôiṅ nun minë inkôlò tī ngam yöng meh nö ṙūölöng tö minë inkôlò tī yik muvöhngö meh söl ip manā-angkūö minë rung töt chanūhuvṙen: ikui Yôsĕf nun min anū-ö, el chalòngkui ò inrē ngam tököhngen töyip hanöngkisānöre.

NAHOM 1:5

Tī ò minë rôngö nö kayīna, yëngö inrē minë rung; laruklöng ngam tumlat inrē nö i kūö ò, hôṅ, töng panam, ṙòkhöre inrē yip aṅ e.

I. CHÖNGÖ 33:15

Nup yöng kūö chehen inrē aṅ i minë hötṙeh rôngö, nup töpōiṙāi chehen inrē aṅ i minë rung töt chanuhuvṙen,

INLAHEN 17:26

Ngaich Anga-aṅ nö vīlö ngòh tarik nöng hĕng, nö iyöng kūö në taṙòkhöre panam; halöök ṙētak hē cha, nup tölngökūö elyöngö cha inrē.

T. LŪKÖS 1:50

I tumö yip töpa-ekūö tö Ò, ap neūkölōn Ò.

HEPRĀI 13:8

Hĕngren An Yēsū Kristū tök vahë, tötaheui inrē, hôṅ, örheūheu inrē.

T. MËTIV 24:35

Chuhngöre ngam halīöngö, ngih panam inrē; öt chanuhuvṙen pöri në ṙô Chu.

HAPAKŪK 3:10

Meūkö meh minë rôngö, ngaich pa-ekūö; lökngö muh nup chanôchö el mai: ṙô-òvö ngaich ngam tö-aṙū, hachônglö këlre inrē nö lātulöng.

MAIKA 5:8

Ngaich yip chööḵṙen Yāköp min nö in yip pumnāmö tarik nö elṙôngö töpōyen tarik, sā öp lāyön nö in nup töṙeūla el inchōn, sā öp kūön lāyön nö el kiteūm sīṅp: öp ramööntö kui u teūchö u inrē nö pinyënyö, yē ò nö lök umuh, ngaich öt hĕng taka ṙamānyö.

Isayā 51:8

Tön kā-ayö yip min tö maneui nö sā hilā, kā-ayö min inrē cha-a tö kamlökö nö sā sanôi sīṅp; höng örheūheu pöri min ngam ṙinānyi aṅ in chu, ngam inyööken inrē aṅ in chu söl i tumköl chap.

Isayā 51:6

Môklökūöre yin i minë halīöngö, ngëichkö ngam tumlat lātaṙeū; tön sā lul nun min minë halīöngö nö chaṙēviṙen, ngam tumlat min nö sā hanūönyngö hilā, ngaich cha-a yip mī-iyöng in e min nö kapah sā ṙūöitöhòk; öt chanūhuvṙen pöri ngam inyööken aṅ in chu, ngam ṙinānyö inrē aṅ in chu höng öt keuheūtaṙen.

Salmai 103:17

Ngam neūkölōn ngam Mā Tēv pöri nö töng öt chanūhuvṙen, nö in cha yip tö pa-ekūö tö Ò: ngam lanöökö Ò inrē nö i yip kūön yip kūön.

Salmai 90:2

Urĕh tö insīöpnyö në rôngö hēk, urĕh tö tī meh vīlö ngih tumlat, tö ngih panam inrē: ngaich höng me-eṅ Tēv, töt ranehluvö, töt manāngenvö.

Salmai 68:16

Yī-ö tömarô-òlkui rôngö, kūöyòh öi tēk sīṙö re? öi im rôngö, ngam chūök lōn ngam Tēv tö elyöngöre: hôṅ, örheūheu An min ngam Tēv nö iyöng in e.

KAMHÔKA 5:5

Kayīna minë ṙôngö nö ikūö ngam Mā Tēv, uroh öp umū- aṅ Sināi nö i kūö ngam Mā Tēv, ngam Tēv Israĕl.

YÔSUĀ 10:42

Kē-ĕ yik rācha nö ṙòkhöre tö nuk panam cha inrē tö Yôsuā nöng hĕngtumtī, pò ngam Mā Tēv, ngam Tēv Israĕl, nö kiyunglen Israĕl.

I. CHÖNGÖ 32:8

Hē ngam lātulöng takô nö kē-ĕkūö pumnāmö tarik tö amin cha, Hē ò nö harēvngen kūön tarik, ngaich anga-aṅ nö vītö kūöngö tarik. Sā tumtak yip kūön Israĕl.

MANEUTNYI 21:31

Yĕn pòrô nö sirōl nyīö kikōnyö, hēk sirōl nyīö kikānö, sā inkaha ngih fālen ngatī min angū-ö nö in ò.

MANEUTNYI 15:17

Kēhötvö yin tö Meh, teūichtu inrē tö Meh i kui ngam rôngö, më amin Meh, Ō Mā Tēv, ngam chūökö vahī Meh nö chūök Meh iyöng in e, Ō Mā, ngam töhet chūök, köp nö ngaich, vahī-il minë kuntī Meh.

NGAM LĪPÖRE YŌP 21:18

Tö cha nö sā tönyô kiyôp i kūö kuföt, sā uk nëlö inrē nö heūingö tökūö chanôchö panam?

Salmai 35:5

Hökngen cha nöng sā uk nëlö nö im kuföt: ahōṙö cha inrē ngam ma-ahānga ngam Mā Tēv.

HAPAKŪK 1:12

Röh öm me-eṅ ṙameū-eung im töt chanūhvṙen, Ō Mā Tēv, Tēv chu, me-eṅ Töhet öm in chu? Hö-ö in min kapah. Ō Mā Tēv, hachöngten meh an nö inkaha fālen; me-eṅ inrē, Ō ihong, vamīten ò nö chanökṙen.

MANEUTNYI 15:14

Hang yip tarik, kichëyöre chā-a ngaich: fanëlu ngaich yik aṅ Filistia.

MANEUTNYI 15:15

Uṙeh ngaich yip mā aṅ Ĕtöm; yip tökalēḵ tarik aṅ Mō-ap, löökö alaha chā-a tö kinchëyöre; ṙòkhöre yik aṅ Kanā-an nö kē-ĕngre.

MANEUTNYI 19:18

Keuheūtngöre ngaich ngam rôngö Sināi nö lūlu, pò ngam Mā Tēv nö yônti nö i kui e nö i kūö tameūyö; ngaich ök lul nö kū-ö tö lā tulöng nö sā lul töhū tameūyö, keuheūtlöre ngaich ngam rôngö nö kayīna.

NGAM LĪPÖRE YŌP 9:5

Anga-aṅ chumhīöngö rôngö, öt akahalōn anū-ö tö e, hē ò nö chuvallö rit u i tanāinyö re;

Salmai 97:5

Yëngö minë rung sā paröm, nö i kūö ngam Mā Tēv: i kūö ngam Mā ngih panam nö ṙòkhöre.

Salmai 104:32

Ngam ngamëchtö kui ngih panam, ngaich kichëyöre angū-ö: lūölkö minë rôngö Anga-aṅ, ngaich lūlu anū-ö.