HAPAKŪK 3:4 - TÖHET LĪPÖRE (Re-edited) Bible (BSI)

⁴ Ngam in-yāṅngö ò inrē sā hanātö; rāyu mat an nö löknyö lā hāmö ò; umuh inrē öp innyatngö kumlēḵ ò.

HAPAKŪK 3:4 Referans Kwoze

T. MËTIV 17:2

Ngaich haṙī-ingre mineūkö Anga-aṅ nö i kūö cha; sā yanāngö mat tavūöi, ök kūö Ò; sā in soho hanāṅtö nuk hilā Ò.

NGAM LĪPÖRE YŌP 26:14

Yĕh meuk, lā-uk talöökö ò nun anū-ö; i ṙòkhangen kanūönö ahang ayī-ö tö ò! Ngam kunṙôkö pöri minhôiṅyö ò chīö tökô nö akaha elmat?

MANEUTNYI 14:20

Ngaich angū-ö nö yihtöre nö i hôi elyöngö yik Aikup tö elyöngö Israĕl; ngaich taṙul ök umuh singūlö inrē, hanātö tī angū-ö tö el hatööm: ngaich ngam tahëng nö öt yihtöre nö röhta nö im tahëng tö el hatööm.

INMEUKHÖMAT 22:5

Öt ōtre min hatööm; ngaich cha-a min nö öthòṅ hūmat tö ëāṅvö, öt rēhĕn tö hanūṙömat ngam tavūöi; pò ngam Mā Tēv min nö kētö hanū mat cha: ngaich cha-a min nö örheūheu nö hayöng.

1 TIMÒTĪ 6:16

Töng hĕng tak nö töt kinpahavö iyöng el ngam töyang töt yanihken; ngam tö öl nö meūkö tö tarik, öt rēhĕn nö kô nö meuk: Kanôlò Ò yēḵ minhôinyö inrē örheūheu Āmen.

INCHŌḴ-OṘÔ 18:10

Töngëḵ an nö chūök chamônga ngam minë-eny ngam Mā Tēv; falhötre nö el e ngòh tölöök tarik ngaich öt palā-aiṙen.

Salmai 104:2

Kamhūmöre tö hanātö sā hilā: Me-eṅ mahanyāknyö minë halīöngö nö sā inrūkui.

NAHIMIĀ 9:12

Löktö ël ök tökufëi më-eṅ taṙul öm hachōkūö cha tö sakāmö, ane inrē lökten ik tökufëi tameūyö tö hatööm nö ëāṅvö mat cha nö kiröönngöre nö el talöököre.

MANEUTNYI 13:21

Ngaich ngam Mā Tēv nö urēhĕkūö cha tö sakāmö nö el taṙul; nö hachōḵkūö cha tö talöökö; tö hatööm inrē nö el tameūyö, nö ëāṅvö cha; pòn hōtu chā-a nö kiröön tö sakāmö tö hatööm inrē:

INMEUKHÖMAT 21:23

Ngaich ngam elpanam nö öt hòṅ tavūöyu, öt rēhĕn nö hòṅ chingëṅtu, tö mahayangtö kui e: pò ngam kanôlò ngam Tēv nö hayangtö kui e, ngaich ngam pököre ëāṅvö e.

Salmai 18:12

Kēngöre nuk tökufëi taṙul ò, kūö yanëchö nö i kūö ò: tökënngöre kumṙah, ta-ök tameūyö inrē.

ISIKĪ-ĔL 1:27

Ngaich chū-ö meuk tösā tö-angāṅya mās ik tö sā mineūkö ṙat nö kū-ötö lātulöng, nö sā mineūkö tameūyö tövinngö; ngaich kū-ötö lātaṙeū im tösā mineūkö ṙat ò öich meuk tösā mineūkö tameūyö, ngaich ayānga ök umuh nö havīlen ò.

ISIKĪ-ĔL 43:2

Ngaich yĕh meuk, ök lanöökö ngam Tēv Israel nö yih nö löktö lā chuhöt; ngaich ök ṙënṙô yanīhih ò nö sā ṙënṙô töpōyen mak, yang ngaich ngam panam tökūö ngam lanöökö ò.