HAPAKŪK 3:3 - TÖHET LĪPÖRE (Re-edited) Bible (BSI)

³ Ṙā-ang Tēman an ngam Tēv nö yih, ṙā-ang Rung Paran inrē ngam Töhet. Hanyatngö minë halīöngö ngam kanôlò ò, tööḵlö inrē ngam tumlat tö nöinyö ò.

HAPAKŪK 3:3 Referans Kwoze

I. CHÖNGÖ 33:2

Ngö ṙô anga-aṅ, Yih an ngam Mā Tēv nö ṙā-ang Sināi, ngaich choholre nö in cha nö ṙā-ang Sēir; yang anga-aṅ nö ṙā-ang ip rôngö Parān, yih anga-aṅ nö ṙā-ang i yip tösöm köny töhet: lahāmö ò ök chöngö cha tötameūyu.

OPĒTIĀ 1:9

Yip tökalēḵ tarik meh inrē, Ō Tēman, nö ööḵngö min, töp lökten cha min nö kö rökiṙen nö ṙā-ang ip rôngö Isô töp famëlhanga.

AMŌS 1:12

Söömtö tameūyö pöri chū-ö min i kui Tēman, ngaich angū-ö min nö haṙāpngö nup patī racha i Pòsrā.

Salmai 4:4

Līn yin, un köölö fālen: el chamamre vë-ekūö ellōnre, ngaich chēvhakṙen.

YERIMIĀ 49:7

Inlahen Itöm. Ngö ṙô an ngam Mā Tēv yip tömaṙôngö: Öt ōtre ap mikah nö in Tēman? Ngaich ök inlēnö nö payāyi nö in yip tö-akaha? Ngaich ngen ök mikah cha?

Isayā 6:3

Ngaich kö ṙô-òvö cha-a tö höö, nö ngö ṙô, Töhet, töhet, töhet an ngam Mā Tēv yip tömaṙôngö: tööḵlö an ngam panam tökanôlò ò.

Salmai 68:17

Nët anāi köṅny nup inröl ngam Tēv, köṅny, köṅnyu nup: in u An ngamMā, sā re nö i Siyòn, el töhet chūök.

I. CHÖNGÖ 5:24

Ngaich ngö ṙô yī-ö, Yĕh meuk ngam Mā Tēv ngam Tēv hī nö hameuktö ngam vanāyöre nö in hī tö ngam ṙôkö ò inrē, ngaich in hang ṙô ò löknyö ellōn kūö ngam tameūyö: meuk in ngaich i ngih sakāmö tö ngam tēv nö vë-ekūö tarik, ngaich anga-aṅ nö aṅ.

Ranehlö 21:21

Ngaich iyöng elinchōnngö Paran angā-aṅ: ngaich ök yöng ò kikānö nö kēḵ pīhö ò nö ṙā-ang Aikup.

Isayā 64:3

Yē meh tī tö pinhë-eṅkūö nup töt akahten ih, yônti me-eṅ ngaich, kayīna ngaich minë rôngö nö i kūö meh.

Salmai 48:10

Sā ngam Minë-eny meh, Ō Tēv, ngatī ngam nöinyö meh söl i manā-angkūö ngih panam: tööḵlö an ngam la-hāmö eltī meh tö lanöökö.

Salmai 9:20

Ō Mā Tēv, pinëṅken cha: hökngen vē pumnāmö tarik nö akahalōn töre nöng tarik.

Salmai 9:16

Vītenre an ngam Mā Tēv nö akahaiṙen, akah fālen an: ngòh tötlöök tingöpngöre nö i nup vahīten minë kuntī ò.

Salmai 3:4

Havëkö ngam Mā Tēv chin öich hol tö ṙôre: sapṙô chu ngaich anga-aṅ nö löknyö el ngam töhet rôngö.

Salmai 3:2

Maṙôngö yip tö ngö ṙô töng nômö chu: öt hōluṙen an tö aṅ im Tēv ò.

1 SAMUĔL 25:1

a Kapah ngaich ang Samu-ĕl: hamūlöre ngaich yik aṅ Israĕl nö ṙòkhöre ngaich harāman yik tarik, lāpngen ò ngaich i patī ò i Rāma. Choholre ngaich Tāvit, ngaich chuh el ök tönyalnyi i Paran.

KINṘEŪKÖ 10:12

Ngaich yik kūön Israĕl nö kiröönngö röönre nö sā ngam kinröönngö cha nö ṙā-ang el inchōn i Sināi; ngaich ngam taṙul nö ngöh nö i kui ngam el inchōn i Pēran.

MANEUTNYI 20:18

Ngaich ṙòkhöre yik tarik nö meuk ök kunṙôkö, hanyāṅlö inrē, ṙô römpet inrē, lūlu kui inrē ngam rôngö: kichëyöre yik tarik hē cha nö meūkö e, ngaich sökhaka nö marôvat.

Ranehlö 36:11

Tēman, Omar, Sĕfu, Katam, Kēnas inrē, kikōnyö kūön Elifas.

Salmai 113:4

Marô-òlchūök An ngam Mā Tēv tö taṙòkhöre pumnāmö tarik: lātulöng ap kanôlò Ò tö minë halīöngö.

Salmai 148:13

Hökngen cha nö Ha-öiny ngam mine-eny ngam Mā Tēv; tön höng hĕng an ngam mine-eny Ò nö hapōīlöng: lātulöng ap minā-aṅ Ò töng panam, halīöngö inrē.

Isayā 31:1

Tötkôlò yip cha-a yip chamuh Aikup nö lukkö holṙen re, chūökre inrē tö kōra; hayönglenre inrē nö i inröl, pò cha nö maṙôngö, i tarik aṅ uk kōra inrē, pò cha nö tökalēḵ; hö-ö pöri cha-a nö ngëichkö ngam Töhĕng Töhet in Israĕl, öt rēhĕn nö chöh ngam Mā Tēv!

1 RĀCHA 11:18

Chōholre cha-a ngaich nö ṙāngö Mitīa, ngaich yih nö i Paran: kē tarik cha-a ngaich i Paran nö hol cha, yih cha-a ngaich nö i Aikup, in Fërō ök rācha aṅ Aikup; ök töhĕnghata nö kētö patī ò, ngaich halēnngen ò tö nya-aṅkūö, kētö taṙeū ò inrē.

ISIKĪ-ĔL 43:2

Ngaich yĕh meuk, ök lanöökö ngam Tēv Israel nö yih nö löktö lā chuhöt; ngaich ök ṙënṙô yanīhih ò nö sā ṙënṙô töpōyen mak, yang ngaich ngam panam tökūö ngam lanöökö ò.

HAPAKŪK 2:14

Pò ngih tumlat min nö tööḵlö tö inkaha kanôlò ngam Mā Tēv, sā minë mak nö lökngöre tī tö ngam mai.