HAPAKŪK 3:18 - TÖHET LĪPÖRE (Re-edited) Bible (BSI)

¹⁸ Sön chū-ö min ṙāmölōn im Mā Tēv, ṙāmölōn chin min im Tēv inyööken cha.

HAPAKŪK 3:18 Referans Kwoze

NGAM LĪPÖRE YŌP 13:15

Yĕh meuk, fëlngen chu an min; öt maheūṅkku chin; sön chū-ö min laklö në talöö- köre i kūö ò.

FILIPĪ 4:4

Ṙāmölōn örheūheu im Mā Tēv hēk chin ngö ṙô, Ṙāmölōn.

MAIKA 7:7

Ngëchkökūö ngam Mā Tēv pöri chū-ö min; hökkö ngam Tēv chin min ngam inyööken chu: hangṙô chu an min ngam Tēv chu.

Isayā 61:10

Pōyen ṙanāmölōn im Mā Tēv ṙamö ellōn chin min im Tēv chu; pò ò nö kafānö chu tö hilā inyööken, kahūmö chu an tö tökiröng inyut lanöökö sā ngam kikōnyö töhapīhö nö eūmlöre ngam kikānö inrē töhapīhö nö hanyöṅtlöre tö töpōiṙāi yanöṅtö.

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

Salmai 25:5

Hachōkūö chu im kanô-en meh, haköpten chu inrē: tön më-eṅ man Tēv inyööken chu; in meh chin höka i rò-òtö nômö chu.

1 PĪTÖR 1:8

Ngam hanāngenlōn yīö, öi höng öt meūkan, ngam chūök yīö pōyen ṙanāmölōn tö ngam töt vanënyen tötööḵlö kanôlò, pòrô yī-ö töngamuh öt meūkan, sön höng ṙātö ellōnre:

Salmai 27:1

Ëāṅvö chu an ngam Mā Tēv, inyôken chu inrē; chiāp min pinhë-eṅkūö chu? Ngam Mā Tēv an kumlēḵ ngih nômö chu; chiāp min pahë-e chu?

1 SAMUĔL 2:1

Ngaich vë-ekūötēv Hëna nö ngö ṙô, Im Mā Tēv chin pōyen ṙānāmölōn, Im Mā Tēv ngam sinrōl chu nö ṙūölöngö: I yip lā-al chu ngam elvāng chu nö pōiti: Pò chu ṙamölōn im inyööken tī meh.

MANEUTNYI 15:2

Ngam Mā Tēv an kumlēḵ chu tinkökö inrē, vītöre An nö inyööken chu: Angā-aṅ An ngòh Tēv chu, ha-öinyö Ò chin min; Tēv ök muvöhngö chu, hapōilen Ò chin min.

Salmai 97:12

Yī-ö tölöök, ṙāmölōn yin yēḵ im Mā Tēv: Ha-öiny ngam töhet mine-eny Ò.

YĀKÖP 1:2

Kahōlö; ṙanāmölōn an yĕh, tö lōn yīö, yē yīö fukngö i nup töṙōlkangen kanihngen:

T. LŪKÖS 2:30

Tön kôtö mat chin, öich meukkūö ngam inyööken aṅ in Meh;

Isayā 41:16

Heūyö u min me-eṅ, ngaich ngam kuföt min nö kumten u nö marô-òlkūö, pirātngen u min inrē ngam lamfeui kuföt: ngaich me-eṅ min ṙāmölōn im Mā Tēv, eū-eure min me-eṅ im Töhĕng Töhet in Israĕl.

Salmai 85:6

Hö-ö ömeh hòṅ ha-aṅhaṅ ih hēk: hòṅ vē tarik Meh nö ṙāmölōn nö in Meh?

Salmai 33:1

Ō yī-ö tölöök, ṙāmölōn yin im Mā Tēv: tövai an ngam nöinyö tö yip töchiplö.

Salmai 149:2

Ṙāmölōn An yēḵ Israĕl nö in Ò ngam Vamī an: hökngen yip kūön Siyôn yēḵ nö ṙāmölōn, im Rācha re.

Salmai 104:34

Hökngen öp piṙūtkö chu nö pachāka nö in Ò: ṙāmölōn chin min im Mā Tēv.

SAKARIĀ 10:7

Ngaich cha-a yip aṅ in Ifrēm min nö sā öp tökalēḵ tarik, ṙāmö ellōn cha-a min inrē tökūö vāin: Hôṅ, meūkö e yip min kūön cha, ngaich ṙāmölōn; ngaich ṙāmö ellōn cha-a nö im Mā Tēv.

I. CHÖNGÖ 12:18

Nyā-aṅ u pöri më-eṅ i kūö ngam Tēv ngam Mā Tēv meh ip chūökö atöllö ngam Tēv ngam Mā Tēv meh, më-eṅ, töp kikōnyö kūön meh, töp kikānö kūön meh, töp kikōnyö tarik meh, töp kikānö tarik meh, töp Lēvī inrē lā-ël öp inkūp ap kinlōngö meh. Ṙāmölōn më-eṅ i kūö ngam Tēv ngam Mā Tēv meh i nup chūök tī meh ṙātö eltīre.

MANEUTNYI 15:1

Tīkökṙôre ngaich Môsös tö yik kūön Israĕl inrē nö i ngam Mā Tēv, tö ngih tinkökö, ṙô-òv inrē nö ngö ṙô. Tikökṙôre chin i ngam Mā Tēv, pòn ineū-euṅv angā-aṅ i minhôiṅyöre: Fuk el mai tī Angā-aṅ tök kōra tök aṅ uk ò inrē.

YŌ-ĔL 2:23

Ṙamölōn yin lökten, yī-ö kūön aṅ Sīyôn, hanyam ṙô re ṙāmölōn im Mā Tēv ngam Tēv yīö; tön kē-ĕkūö yīö an tö ngam mu-urĕh kumṙah nö löökö ṙôken tī, ngaich kūö yīö inrē anga-aṅ nö hōten ngam kumṙah nö hōten ngam kumrah nö chahūköti, ngam mu-urĕh kumṙah ngam mu-unôich inrē, im raneh chingëṅt.

2 SAMUĔL 6:15

Ngatī ang Tāvit tö yik aṅ patī Israĕl inrē nö ṙòkhöre nö kēnyö ngam kasòng ngam Mā Tēv nö ayôṙa ṙô, hol ṙô tö römpet.

Isayā 25:9

Ngaich min öp ṙô ip sakāmö angū-ö nö ngö, Yĕh meuk, anga-aṅ ön ngòh Tēv hī; höng hamökken ò in, anga-aṅ an min inrē mahayööken hī: anga-aṅ ngòh Mā Tēv; höng hamökken ò in, ṙāmölōn in min ngaich haṙamlōnre im inyööken aṅ in ò.