HAPAKŪK 3:17 - TÖHET LĪPÖRE (Re-edited) Bible (BSI)

¹⁷ Pòn pòrô ngam anychīr chōn nö öt larukköṅny kūö ṙòng, öt rēhĕn min vāi nö ṙônguvö; öt la-evṙen min tö la-envö nö i ngam ôliv, ngaich nup elkahôyö min nö öt asīöplö tökā-a alaha; rökiṙen min pököre nö ṙā-ang im manūlöre, öt aṅhavö min inrē nup chūök tö pököre:

HAPAKŪK 3:17 Referans Kwoze

YERIMIĀ 5:17

Nyāngö ṙòng taneūich yīö yip min nyā-aṅkūö yīö inrē; kāḵngö yip kikōnyö kūön yīö min cha-a tö yip kikānö kūön yīö inrē; kāḵngö nup pököre yīö tö nup sīṅp yīö inrē; nyāngö nup vain yīö yip min tö nup anychīr chōn yīö; tiṙöli nup min tö cha nö aṅtī tö sanët nup elpanam yīö tökalonglöng tö chūök kumyung chūök yīö hayönglenre.

2 KÒRIN 4:8

Keuheūtngöre lā-a kinrāchö, ngaich sön öt cheūkti, katöngaṙen, ngaich sön öt ṙā-ang lōnre;

2 KÒRIN 4:9

Lū-u, ngaich sön öt ṙā-ayö; fëlö, ngaich sön öt tiṙōli:

YERIMIĀ 12:4

I rô-òten öng min ngih panam nö haṙīvölōn, në kiyôp el në taṙeū nö nyangngö? Kūö öt lanöökö cha yip mi-iyöng in e töṙeūla, chehechōn inrē ngaich nö hatngö, pòn ngö ṙô tarik, hö-ö an min nö meuk öp manāngen ih.

MAIKA 6:15

Teūch man min hö-ö pöri hamūl ṙòng; röönnyö ṙòng ôliv man min, hö-ö pöri min hachāmöre tö tavī-i; karānnyö vāin inrē, hö-ö pöri min öm òk vāin.

MALAKI 3:11

Ngaich chū-ö min vëkö ök ngameūkhanga öich chööḵnyôten yīö, ngaich anga-aṅ min nö öt halëlngö nup ṙòng aṅ ngam tumlat yīö; öt rēhĕn min nup vāin yīö nö laròkköti ṙòng nö el panô-òṅ urēhĕkūö öp ṙētaka, ṙô ngam Mā Tēv yip tömaṙôngö.