HAPAKŪK 3:16 - TÖHET LĪPÖRE (Re-edited) Bible (BSI)

¹⁶ Hang chū-ö, kichīchöre ngaich ngih ellōn chu, kichëyöre minuh chū-ö i ngam ṙô; meuthöt chinhūngö nö el tangëḵ chu, kichëyöre chū-ö inrē i chūök re: lökten chu hòṅ heūheure ip sakāmö kanihngen, chalô angū-ö nö in yip tarik yip mahavīhölö nö kayīngan kumyung.

HAPAKŪK 3:16 Referans Kwoze

YERIMIĀ 23:9

I inlahen yip pròfĕt: lakūki ap ellōn chu nö lātuhēt, ṙòkhöre nup tangëḵ chu nö kichëyöre; sā tarik chin mihīyōi, sā tarik tötkô tökūö vāīn, kūön ngam Mā Tēv kūö minë töhet ṙô ò inrē.

HAPAKŪK 3:2

Ō Mā Tēv, hang ineūkö meh chin, ngaich pa-ekūö chū-ö: Ō Mā Tēv, ha-aṅkö ngam la-enre man ël në samyēuheu, el në samyeūheu mikahtöklōn tö e; fēkö miṙēlōn hē el lanīnö.

TANĪ-ĔL 10:8

Lökten chu ṙā-ai höng hĕng tit taka öich meuk ngih tökiröng tömeūkö, ngaich ök kumlēḵ nö öt ōtre nö inchu; haṙīngöre ngam töyang mineūkö chu nö pōihangṙen, ngaich chū-ö ötköpö kumlēḵen.

Salmai 119:120

Kichëyöre ön ngih alaha chu kūö pinheṅ-eṅkūö tö Meh: ngaich chū-ö pa-ekūö tö minë inkah fālen aṅ in Meh.

Salmai 91:15

Havëken chu An min, ngaich sapṙô Ò min chū-ö; in Ò chin min hē el kanihngen: ṙānyen ò chin min, ineū-euṅv min inrē anga-aṅ.

TANĪ-ĔL 8:27

Ngaich chu-ö, Tanīĕl, öich ötkô, ngaich hulalhak öich vahavö rĕh tum sumkam; chōholre chu-ö ngaich lök i la-en öp rācha; pa-ekūö pöri chu-ö tö ngam tömeūkö öich öt akaha elmat inrē tö e.

ISIKĪ-ĔL 3:14

Chātlöng chū-ö ngaich tö ngam Töhet Faöinylö ngaich kē-ĕyö tö ò,kiröönngöre chū-ö ngaich i miṙivlōn re ṙanāchö im ma-alaha chu inrē, kalēḵ ngam kël ngam Mā Tēv nö in chu;

T. LŪKÖS 21:19

Teūngen yin min tö nômöre, ip manöiyö yīö.

NGAM LĪPÖRE YŌP 30:17

Chiṙeūchnyö tangëḵ chu an ngam hatööm, ötheuhtöre inrē ngam chanökö nö kulīhi chu.

NGAM LĪPÖRE YŌP 30:30

Vītöre uk alaha chu nö sah aleūchiyö nö ṙā-ang in chu, ökngö nup tangëḵ cha tökūö ṙanāchö,

INCHŌḴ-OṘÔ 12:4

Ngòh tö akaha pīhö kikānö sapīöv ngam pīhö re, ngam kikānö pöri kamëtö sumrōngkūö sā tö chahū-uyö el tangëḵ ò.

INCHŌḴ-OṘÔ 14:30

Kētö nômö alaha an ngam töṙēm ellōn, chahū-uitī pöri tö tangëḵ ngam tanānyö.

YERIMIĀ 4:19

Chanökö chu, tö miṙivlōn, chanökö chu tö miṙivlōn! Chuvālöre chin i chanököre! Kamôḵyö, veūtö tinrūkö an ngam fanöinylö nö el ranūmö chu! Ötkô chin ṙāngôre; pò chu hang ṙô öp römpet pinnëlökūö töp kinyūngö.

YERIMIĀ 5:15

Yĕh meuk kētö kui yīö chin töp pumnāmö tarik ṙeū-eung tömarôvat, Ō patī Israel, ṙô ngam Mā Tēv. Töt keuheūt öp nö pumnāmö tarik aṅ i misī nö pumnāmö tarik, pumnamö tarik, öt huveū-eu ṙô yī-ö tö ëlô cha, öt rēhĕn yī-ö kô akaha elnang tö ṙô cha.

INRĀMÖRE 1:13

Tīntö tameūyö anga-aṅ nö ṙā-ang lātulöng, löö i në tangëk chu tī anga-aṅ tö e; haṙĕhnyö inhāṅl röön chu anga-aṅ; havöökūö chu anga-aṅ; ṙāngen chu anga-aṅ sangūli, takngö irô-òtö sakāmö.

Isayā 21:3

Lökten nup el ulāvö chu nö tööḵngen tö miṙivlōn; keuheūtngöre vah chin tökūö nup tö salòklöng chanökö, sā sinlòkö chanökö ngòh kamyôḵ kikānö: chök takô chin ngaich lökten chin ötkô hang; ngangngökūö chin ngaich lökten chu ötkô meuk.

YERIMIĀ 30:7

Aōla! Kiröng ap angū-ö sakāmö öt asā-av ap; ṙētak kanihngen ap nö in Yāköp; sön anga-aṅ min nö ṙa-ang in e nö hayöökaṙen.

INRĀMÖRE 1:20

Yĕh meuk, Ō Mā Tēv tö chu el kanihngen, el tinṙōlen inrē ngih nômö chu, kicheūchö öp fanöinylö chu nö ellōn chu, pò chu öich kiröngö minôṙô. Kētö miṙivlōn ap sanët nö el kanröönö; sā kinpaha angū-ö nö el patī.

TANĪ-ĔL 10:9

Ngaich chū-ö hang ṙënṙô nup ṙô ò; ngaich hē chu hang ṙënṙô nup ṙô ò, fukngö chū-ö ngaich fāthakkūö i linpātö haṙòh öich fāthakkūö el tumlat.