HAPAKŪK 2:8 - TÖHET LĪPÖRE (Re-edited) Bible (BSI)

⁸ Pò meh ngaich pōyen hayëḵngen tö pumnāmö tarik, ṙòkhöre yip min chööḵṙen pumnāmö tarik nöhayëḵngen meh; kūö mahām tarik, kūö chanökhuṙen tī tö panam, tö elpanam tö yip mī-iyöng ël e inrē.

HAPAKŪK 2:8 Referans Kwoze

Isayā 33:1

Tötkôlò man me-eṅ, me-eṅ kamil töt chehenre, ngaich rö-ö me-eṅ kīlö chehen; me-eṅ inrē tömichūḵ chanökhuṙen, ngaich cha-a nö öt michūḵ chanökhuṙen tī nö in meh! Yē meh ṙāngenre kil töt chehen re, ngaich kīlö min me-eṅ; yē meh keheūten michūḵ chanökhuṙen, ngaich cha-a nö in meh.

HAPAKŪK 2:17

Kūö ngam chanökhuṙen tī meh tö Lëpanön nö kahultö kui meh min; ngam inlëlngö nuk töṙeūla inrē, ngam lökngen u nö pa-ekūö kūö mahām tarik, chanökhuṙen tī inrē tö ngam panam, tö elpanam tö yip mī-iyöng ël e inrē nö ṙòkhöre.

YERIMIĀ 27:7

Ṙòkhöre vē pumnāmö tarik min nö kūön alaha ò kikōnyö kūön ò kikōnyö inrē yōm ò, hanöng saha öp ṙētak öp panam ò nö yih; ngaich maṙôngö pumnāmö tarik min tökiröng rācha inrē nö vīten ò min nö töhakövö tö cha.

INMEUKHÖMAT 6:10

Ngaich hūḵa cha-a nö pōitô nö ngö ṙô, Iṙôktören? Öt kamhôka ömeh? Öt havahalvah nuk mahām ih öm; in cha yip mī-iyöng kūö ngam panam? Ō Mā, Töhet, tökô-en inrē.

SAKARIĀ 14:12

Angū-ö ön min ngih invah tölëlngö kūö aṅtī ngam Mā Tēv nö chökṙen yip tarik kumyung nö lā-al Yērusalem: keuheūtngöre nup min alaha cha nö kā-ayö i saha cha nö ṙòngmö sökhaka röön, keuheūt nup mat cha min inrē nö ël nup chūök re keuheūt inrē min nup litāk cha nö elvāng cha.

SAKARIĀ 1:15

Pōyen kumnyahlōn chin inrē in vē pumnāmö tarik vē töng kumchikngenre; pò chu sin töng rahëchyen kumnyahlōn, ngaich cha-a nö ṙūölö ngam kanihngen.

HAPAKŪK 2:10

Ngaich man i sinrōngkūö hatöntöre im patī meh, i rinökngen tömaṙôngö tarik, ngaich köölö fālen im nômö re.

YERIMIĀ 51:48

Ngaich minë halīöngö tumlat inrē, ṙòkhöre inrē nup mī-in u, nö tikökṙôre nö ṙamngövah Pēpilön; pò yip famëlhanga min nö yih nö lā-al cha nö ṙā-ang lā kapā, ṙô ngam Mā Tēv.

YERIMIĀ 51:44

Sācha tī chin min tö Pel i Pēpilön, tūöknyö elvāng ò chin min inrē töp töngeūktu tö ò. Öt ngöhören min pumnāmö tarik nö chahīömköti nö in ò; fukngö ök nö ngaich kinlōngö Pēpilön.

YERIMIĀ 51:24

I Pēpilön chin min I yip aṅ Kālti inrē öich havan i kūö mat yīö ṙënngen nup tötlöök tī yīö ngaich i Siyôn, ṙô ngam Mā Tēv

YERIMIĀ 51:13

Ō yī-ö mī-iyöng i nup töṙōl mak, tökôlò tö töpōi ṙāi chehen, yih an ngam manāngen meh, ngaich an ngam rôta nômö meh nö rökiyö.

YERIMIĀ 51:8

Hönglūk an Pēpilön nö fukngö laköliyö inrē; harāman! Kēḵ incham öp chanökö ò; amahtuṙen an min nö lööken.

YERIMIĀ 50:37

Sanët i kui nup kōra ò i kui nup inröl ò inrē, ik kui yip kumyung inrē aṅ tahëng panam in ò, hòṅ cha nö vīngöre nö kikānö! Sanët I kui nup chūök chehen töpōiṙāi, hòṅ u nö kē-ĕ!

YERIMIĀ 50:28

Hangihtöre! Falngöre yin öt kô-òngvah inrē nö ṙā-ang ing panam Pēpilön, nö ve-eny in Sīyôn tö ngam invāhalvah aṅ im Mā Tēv ngam Tēv hī, invāhalvah ngam töhet chūök ò.

YERIMIĀ 30:16

Lökten yip kamāngen meh min nö kā-ayö, ṙòkhöre inrē yip lā-al meh, kö i tumtak cha min nö chuh el inkövö; cha-a yip maha-āichngen meh min nö ha-āichiṙen, ṙòkhöre yip kamāngen meh min inrē nö vītuṙen nö kā-ayö.

Isayā 47:6

Līn chin in yip tarik re, ngaich öich hachōichngö amin re, öich kēten cha nö eltī meh: ngaich öt hameukhömat cha me-eṅ tö miṙēlōn; hakeunlö yip tököiny man töp kaneun meh tölangan.

Isayā 33:4

Ngaich nup pôḵ meh min nö hamūlö sā tī nup kata-ëm nö hamūlö: sā röön hāyö cha-a min nö kumööi kui e.

Salmai 137:8

Ō kikānö kūön aṅ Pēpilön, yī-ö tö halëli min: tö ṙāmölōn öp min anga-aṅ rameushen Meh, sā tī Meh tö ih.

YERIMIĀ 50:14

Haṙāköre yin lā-al Pēpilön havīṙöre, ṙòkhöre yī-ö tamūök linreny; lirënyan, un aṙēlöng chòk tön köölö fālen an nö im Mā Tēv.

ISIKĪ-ĔL 28:16

I ṙôken inyihkö meh tööḵlö me-eṅ tö chanökhuṙen, ngaich köölö fālen me-eṅ; lökten chu sukten meh sā töchōich ṙā-ang im rôngö ngam Tēv, ngaich öp kërup amahati nö ahōnyen meh ṙā-ang ellōn nup ihong tameūyö.

ISIKĪ-ĔL 39:10

Lökten cha min nö öt hòṅ kēḵ chōn nö el kahôyö hēk öt kūöltö chōn nö el inchōn, pòcha min nö vī tameūyö tö nup aṅtī; kē-ĕ inlānen yip min yip kamë inlānen cha, höng kētöre inrē nö i yip töng kamëtöre nö in cha, ṙô ngam Mā Tēv.

AMŌS 3:10

Pò cha nö öt akahakūö tö töhuveū la-en, ṙô ngam Mā Tēv, yip mahamūllö chanökhuṙen unlāya inrē nö ël nup in cha patī rācha.

OPĒTIĀ 1:15

Pò ngam sakāmö ngam Mā Tēv nö röhta nö i kui pumnāmö taṙòkhöre tarik: sā tī meh ngaich, ngaich angū-ö min tī nö in meh; el kui meh ap min tī meh nö havantu.

INCHŌḴ-OṘÔ 22:23

Pò ngam Mā Tēv min nö vë-elkui cha ngaich öt hakôlò nômö cha, yip töt mahakôlò cha.