HAPAKŪK 2:7 - TÖHET LĪPÖRE (Re-edited) Bible (BSI)

⁷ Hö-ö yip min nöng lūk nö chōholre yip kamāpö meh, aṅhen inrē min yip mahakihten meh, ngaich me-eṅ min inrē tökīlö tö cha?

HAPAKŪK 2:7 Referans Kwoze

INCHŌḴ-OṘÔ 29:1

Anga-aṅ ngòh töṙöpen nö vëka, sön nö hakehngö likeun re höng lūk min nöng ohngö nö öt hanlinken.

1 TÖSALÒNIKĒ 5:3

Hē cha nö ngö ṙô, Lām, öt pinlānguṙen inrē, ngaich nönglūk nö teunghökui cha ap inlëlngö, sā ngòh kikānö kamyôḵnyö nyīö; ngaich cha-a nö öt löktu nö öt kô-òngvah.

YERIMIĀ 51:57

Vīten yip kūön rācha ò chin min nö hiyōi tö yip tarik ò inrē tö-akaha, yip mahayöng in ò, yöngṙen yip yöngṙen kumyung in ò, yip kumyunglen ò inrē; haṙòh yip min nö urāngö mat öt aṅhen inrē, ṙô ngam Rācha, ngam tö minëyu tö ngam Mā Tēv yip tömaṙôngö.

YERIMIĀ 51:11

Hakeutnyö kūö nup chòk! Kēḵ nup lanaklö! Ngaich an ngam Mā Tēv nö haruhlö ellōn yip rācha aṅ Mīt, pò ngam chööḵnyi nö in Pēpilön nö pinyāingö e, pòn angū-ö invāhalvah aṅ im Mā Tēv, invāhalvah ök töhet chūök ò.

YERIMIĀ 8:17

Yĕh meuk, pò chu tīntö pēch in yīö, pēch tökapahhukūö töt hanlēmen, ngaich anū-ö min nö kāpö yīö, ṙô ngam Mā Tēv.

Isayā 47:11

Lökten öp tötlöök min nö teunghökui meh; öt akahatenre man min tö öp yanīhih e fuk kui man min tö öt inkôlò; ötkô min me-eṅ lakngö e: ngaich min nöng vuphë yanīhih öp tinṙōlngö meh öp öt mikahlōn meh.

Isayā 46:11

Öich havëtö öp chehechōn aṅ lā chuhöt öp tökapahare, öp aṅ panam tömarôvat öp tarik aṅ ip halēnlö chu; hôṅ, ṙô-òv chin ngaich, ngaich hateungtökūö e min inrē chööḵnyu chin, ngaich la-evṙen min tö e.

Isayā 41:25

Ngaich chin hĕng tak hachōhlö ṙā-ang lā kapā, ngaich an nö yih, löktö lā maneutlö ngam tavūöi hĕng tak öp mahavëkö minë-eny chu: yih ap min nö i kui yip mahayöng nö sā sanông, sā tī öp vamī tanīöyö inrē tö ngam tilin.

Mumkahten 10:8

Anga-aṅ ngòh amul anūlö fuk ël e min; kāpö ò an min ngam pēch öp tumṙölhötre nö ikaha kinlōngö.

Isayā 11:13

Kē-ĕngre min inrē öp kumnyah elmat Ifrēm, cha-a min inrē yip mahakihten Yūtā nö rökiṙen: öt kunyaha elmat öp min Ifrēm tö Yūtā, öt hakihten Ifrēm inrē Yūtā.