HAPAKŪK 2:6 - TÖHET LĪPÖRE (Re-edited) Bible (BSI)

⁶ Hö-ö aich min vē nö kēḵ inchō-oṙô re tö inlahen ò, öp inhūöngö inrē inchō-oṙô tö inlahen ò, nö ngö ṙô, Tötkôlò an yēḵ ngam ṙamūhöl kui re tö töt inlīnen re i ṙôktöre? Anga-aṅ inrē mahakeunlöre? Anga-aṅ inrē mahakeunlöre tö kinlēḵngô!

HAPAKŪK 2:6 Referans Kwoze

MAIKA 2:4

Ip sakāmö angū-ö min cha-a nö inchō-ovṙô nö hayëḵngen yīö, ngaich harāmöre min nö ngö ṙô, Hatngö in ngaich öi ötkôlò: haṙī-iyö an ngam minchööḵlö yip tarik chu tö ò: yöng tī ò nö kēngö e nö ṙā-ang in chu! I yip ma-ahôngen chöngö tī anga-aṅ nö michööḵngö nuk taṙeū hī.

YERIMIĀ 50:13

Kūö ngam lanīnö ngam Mā Tēv angū-ö min nö öt iyöngö ngaich pöri min nö tötaṅhaṅvkūö; kö pingamkūö yip min chamööḵngö Pēpilön, ngaich hisngen e tökūö nup nyaha ò.

YERIMIĀ 29:22

Kūö cha ngih öt linëkô min nö kakka tö yip tö-ahöti nö ṙā-ang Yūtā nö i Pēpilön: Vītuṙen man min tö ngam Mā Tēv sā Sētikiā Ahap inrē, nak töharāngö nö i kūö tameūyö tök rācha aṅ Pēpilön,

KINṘEŪKÖ 23:7

Ngaich anga-aṅ nö kēḵ inchōk-oṙô re, ngaich ngö ṙô, Ṙā-ang Aram ang Pēlak nö kēten chu. Ṙā-ang i minë rôngö lā chuhöt ngam rācha aṅ Mô-āp, Tā-a rūtngövah Yāköp, Ane inrē tā-a, harāinyngen Israĕl.

1 PĪTÖR 4:7

Röhta an ngam manāngen në taṙòkhöre. Lökten yin yēḵ akaha, ṙēm inrē im vine-eṅkūötēv.

T. LŪKÖS 12:20

Ngö ṙô pöri ngam Tēv tö ò. Me-eṅ tötakaha, i ngih hatööm ap nômö meh min nö kē-ĕyö, nö ṙā-ang in meh. Chehen chīö ön min minë halēnken meh?

HAPAKŪK 2:13

Yĕh meuk, röh öng nö aṅ im Mā Tēv yip tömaṙôngö töp lökten vē tarik nö la-evṙen tö inmeui tameūyö, ngaich vē pumnāmö tarik inrē nö hacheīköre nö i chanök alaha?

HAPAKŪK 1:15

Keuheūtlöre tī an nö ngaich tö cha nö nyaha tö vòk, kē-ĕ cha an nö el inhāṅlre, hamūlö cha inrē nö ël tötūökö inhāṅl: lökten an nö haṙamlōn re nö ṙāmölōn.

ISIKĪ-ĔL 32:21

Kakka yip min tö yip tökalēḵ yöngkūö, hol re tö yip hamòlṙen cha, nö löklö ellōn öp Anūlö; Meutti yip nö ngaich, öthalöinyköre yip nö hulalhaka, yip töttunyīnyi, töfëli tökūö sanët.

Isayā 55:2

Kūöyòh öi mëichngö rupīö i ngam töt nyā-aṅkūö, kūöyòh inrē mëichngö la-enre i ngam töt töö-önglōntī? Haṙēmngenre hang ṙô chu, ngaich nyā-aṅvkūö tö tölöök, ngaich kumchikngenre i kanôlò.

Isayā 44:20

Nyā tisum anga-aṅ; halō-ongkūö ò ngaich ngam inchīlö ò, ngaich rö-ö anga-aṅ nö kô nö ṙā-any re hēk ngö ṙô, Röh ap minyôiny-aṅ nö lahāmö chu?

INCHŌḴ-OṘÔ 22:16

Ngòh tamṙam yāich nö ṙūölö kanôlò re, hēk kē-ĕti nö i tökôlò yih min nö im hanāten.

Salmai 94:3

Mā Tēv, irô-òten ang min ngòh tötlöök nö mihôiṅ?

KINṘEŪKÖ 23:18

Kēḵ inchōḵoṙô re ngaich anga-aṅ nö ngö ṙô. Chōholre, Pēlak, hang inrē; Hangihtöre tö ṙô chu, më-eṅ kikōnyö kūön Sippōr:

Isayā 10:13

Pò ò nö ngaich nö ngö ṙô, I kumlēḵ kël re chin keuheūten ngaich tö e, i mikah chu inrē; pò chu tö-akaha: ngaich chin inrē kēngö kūö panam yip tarik, ngaich inrē öich ulāingen cha tö nup chehen cha, ngaich kumten cha chū-ö inrē öich sā tökalēḵ tarik yip amūchhak nö el kantēra rācha:

HAPAKŪK 2:12

Tötkôlò an yēḵ ngam vamīlö elpanam nö aṅtī tö mahām, ngaich köpötī tö ngam elpanam nö lökten i öt lanöökö!

Isayā 5:8

Tötkôlò yip cha-a yēḵ tamaptö patī re nö im tahëng patī, tamap tö taṙeū re nö im tahëng taṙeū, hanöng saha tö rö-ö chūökö, ngaich yī-ö vītuṙen höng hĕngtöṙah ellōn ngam panam!

YERIMIĀ 17:11

Sā ngam Patrich mahamūl kūönre tö nup töt yahum ò ngatī anga-aṅ ngam kamëḵ kanôlòre rö-ö pöri nö inlānen ò; i tūmö nup sākāmö ò anū-ö min nö ṙāngen ò, ip manāngen ò anga-aṅ min inrē nö tökulō-ov.