HAPAKŪK 2:5 - TÖHET LĪPÖRE (Re-edited) Bible (BSI)

⁵ Hôṅ, hēk inrē ngam vāin nö mahachīlngövah pôḵre, mahakeūlenre nö tarik,tötköp inrē nö i patī re; ṙamūönyö ṙôktö lōn re sā anūlö kupah, sā kinpaha an inrē, nö töng öt hantööḵngenṙen, in re tī pöri nö hamūl pumnāmö tarik nö ṙòkhöre, afônglö yip tarik inrē nö in re.

HAPAKŪK 2:5 Referans Kwoze

INCHŌḴ-OṘÔ 27:20

Chūök Kupah Apatön inrē öt hētu nö tööḵngen, në mat tarik inrē öt hētu nö tööḵngen.

INCHŌḴ-OṘÔ 20:1

Mahayëḵngen ön ngih vāin, tinṙōllen ngih tökalēḵ ka-eūt; öp tö hachō-oiṙen tö e inrē öt akaha.

Isayā 21:5

Halēn mīs cha-a, ṙātö amahati cha-a, nyā cha-a ka-eūt cha-a: chōholre, yī-ö kūön rācha, hacham ngam lanaklö.

Isayā 16:6

Ngaich in hang öp inkeūlen Mô-āp, yāhah inkeūṙö ana; ngam nganë-eṅkūö ò, inkeūlen ò, tanānyö ò inrē; höng törö-öv an ngam ineū-eure tö ò.

Isayā 5:8

Tötkôlò yip cha-a yēḵ tamaptö patī re nö im tahëng patī, tamap tö taṙeū re nö im tahëng taṙeū, hanöng saha tö rö-ö chūökö, ngaich yī-ö vītuṙen höng hĕngtöṙah ellōn ngam panam!

Isayā 2:17

Yupūttu min öp inkeūlen tarik, tumṙeūtu inrē min öp nganë-eṅkūö tarik: ngaich hĕng tak min ngam Mā Tēv nö töhapōilöngö ip sakāmö angū-ö.

Mumkahten 5:10

Ngòh tö hāngenlōn tö rupīö öt tööḵngen min tö rupīö; öt rēhĕn anga-aṅ ngòh tö hāngenlōn tö kanôlò, nö taneūnguṙen: chanök alaha an angū-ö inrē.

Salmai 138:6

Pòn pòrô nö marô-òl chūök ngam Mā Tēv, sön Anga-aṅ nö milēḵṙen tö yāich: ngòh mahakeūlenre pöri akahakūö Anga-aṅ tö ò nö marôvat.

2 RĀCHA 14:10

Kô-en man mihôiṅ tö Etöm, ngaich ap ellōn meh nö tāilö tī tö meh: uh man eū-eure, höngngöh man el patī re; kūöyòh ṙöng öm harunnyö chanökö re, öp fanukngö min, öm më-eṅ anòngngen meh Yūtā inrē?

YĀKÖP 4:6

Pōyen tī pöri Anga-aṅ tö inlōnti. Lökten ngam töhet līpöre nö ngö ṙô, Harāinyngö tömikeū an ngam Tēv, kētö inlōnti pöri nö i yāich.

1 TÖSALÒNIKĒ 4:11

Hòṅ yīö harūnö re öi ṙēm, ngaich la-evṙen tö kanahngenre la-en, hakôtö tīre inrē la-evṙen, sā tinölô yīö tö ih;

HAPAKŪK 2:4

Yĕh meuk, hakeūlenre öp ellōn ò hö-ö ap nö chiplö nö in ò: aṅ pöri min yip tölöök nö lökten i kanô-en re.

YERIMIĀ 51:39

Yē cha min nö tainylöre halēn nyā-aṅkūö cha chū-ö min ngaich mihiyōingen cha, hanöng saha cha nö kirātöre urāngömat inrē nö haṙòh nö öt aṅhen, ṙô ngam Mā Tēv.

YERIMIĀ 50:29

Havëtö yik lumreiny nö lā-al Pēpilön, ṙòkhöre cha-a yip samôntö linreiny Iyöngtöre havīlen ò; un hĕng tak tö öt kô-òngvah. Kē-ĕkūö ò asā nuk tī ò, tī-iv in ò tö tösā nuk töngaich tī ò; tön hakeūlenre an nö harāinyngö ngam Mā Tēv, ngam Töhĕng Töhet in Israel.

YERIMIĀ 25:9

Yĕh meuk, tīnngö lamukkö yip miyöngö tarik chin aṅ lā kapā, ṙô ngam Mā Tēv, lamukken Nēpukatnēsar rācha aṅ Pēpilön tarik chu, kēten cha chin min nö lā-al ngih panam tö yip aṅkūö e inrē, lā-al vē pumnāmö tarik i chīṙö; ahatngen cha chin min, vīten cha inrē nö pinhë-eṅkūö, töhīsi, töt chanūhuvṙen inrē nö minṙēngö.

INCHŌḴ-OṘÔ 21:24

Mināich, Minë-eny ngam mahakeūlen re tarik tökësen tölā-evṙen tö tökësen inkeūlen.

Isayā 5:14

Lökten an ngam anūlö nö ṙūönyö ṙôktö lōn re, vā-anykūöre inrē nö pōitī kūö: ngaich ngam ineū-eu cha, ṙôngö cha inrē, tö ngam inkeūlen kanôlò cha, anga-aṅ inrē ngam töṙāmölōn nö in cha, nö meutti min nö ël e.

Isayā 14:6

Ngam fanòh yip tarik im lanīnö nöng iṙūöhöti, yip mahayöng pumnāmö tarik nö im tanānyö, nö aṅtī tö inkihten öp tötkô nö lanakngen.

HAPAKŪK 1:15

Keuheūtlöre tī an nö ngaich tö cha nö nyaha tö vòk, kē-ĕ cha an nö el inhāṅlre, hamūlö cha inrē nö ël tötūökö inhāṅl: lökten an nö haṙamlōn re nö ṙāmölōn.

HAPAKŪK 1:17

Lökten an min nö chapngö aṅ inhāṅl re, ngaich inrē nö öt aṙē-ĕl tī re nö fëlngö vē pumnāmö tarik nöng iṙūöhö tī?