HAPAKŪK 2:3 - TÖHET LĪPÖRE (Re-edited) Bible (BSI)

³ Pò ngam tömeūkö nö mī-ip ṙētak re, veūtö röön an inrē nö kū-ötö öp manāngen, öthō inrē nö minyôiny-aṅ: pòrô anū-ö nö öl, hökken e; tön öthō an min nö öt yih öt ahāṅkenre an min.

HAPAKŪK 2:3 Referans Kwoze

Salmai 27:14

Höka im Mā Tēv: hangë-eṅre, hökngen ngam ellōn meh nö un pa-ekūö; hòṅ, höka man im Mā Tēv.

ISIKĪ-ĔL 12:25

Chū-ö pöri min öich Mā Tēv tö ṙô-òv töp ṙô chu min, ngaich angū-ö min nö teungten. Öt ngöhören ap min nö hāṅtö yīhih, i nup sakāmö yīö pöri, Ō patī ma-ahôngen, chū-ö min töṙô-òv töp ṙô ngaich hateungten e, ṙô ngam Mā Tēv.

Salmai 102:13

Choholre Man min, aheūkölōn inrē tö Siyòn: pò e nö ngaich nö ṙētak miṙēlōn meh tö e, hôṅ, yih an nö ngaich ngam tö halēni ṙētak;

TANĪ-ĔL 10:14

Ngaich yih öich vīten meh akaha elmat töp lāinyngen yip tarik meh i nup sakāmö. Pò ngam tömeūkö nö öt sumkāmu yanīhih.

MAIKA 7:7

Ngëchkökūö ngam Mā Tēv pöri chū-ö min; hökkö ngam Tēv chin min ngam inyööken chu: hangṙô chu an min ngam Tēv chu.

Isayā 30:18

Lökten an min ngam Mā Tēv nö höktöre, pò ò nö hòṅ aṙē-ĕlōn tö yīö, lökten ò min inrē nö hapōilöngö, pòn hòṅ aheūkölōn tö yīö: pò ngam Mā Tēv nö Tēv inkaha fālen; tökôlò yip cha-a yip hamökken ò.

INLAHEN 1:7

Ngaich ngö ṙô Anga-aṅ tö cha, Rö-ö yin yī-ö hōtu akahalōn tö ṙētak, hēk hē, ngam mī-im chöngö ngam Yöng.

TANĪ-ĔL 8:19

Ngö ṙô anga-aṅ ngaich, Yĕh meūk, hòṅ mikahtölōn meh chin tö öp manāngen öp lanīnö min; pò e nö aṅ i nup töhalēnlöng ṙētak öp manāngen.

KALATĪ 4:2

Elkatòh yip amahtöre pöri, yip yōm chehen inrē, hanöng saha ap hē tī ngam yöng,

T. LŪKÖS 2:25

Hĕng taka ök umuh tarik i Yerūsalem, Sumōn ök minënyö ò; tötmichūṙen ök anga-aṅ, ane inrē tö pa-ekūö tö ngam Tēv hamöngkökūö öp inṙamlōn Israĕl; īnu anga-aṅ tö ngam Töhet Fanöinylö.

TANĪ-ĔL 11:35

Rēvre tö cha inrē yip tö-akaha min nö fukngö, nö halööktit, ahetlen cha inrē, vīten cha inrē nö isoh, hanöng saha öp hē manāngen, pò e nö ṙòngö ṙētak töhalēnlöng.

INLAHEN 17:26

Ngaich Anga-aṅ nö vīlö ngòh tarik nöng hĕng, nö iyöng kūö në taṙòkhöre panam; halöök ṙētak hē cha, nup tölngökūö elyöngö cha inrē.

TANĪ-ĔL 8:17

Yihtöre ngaich anga-aṅ nö haröhtöre nö i chūök chu sökhaka; ngaich hē ò nö yihtöre, pa-ekūö chū-ö ngaich, a fukngöre ngaich chū-ö fāthak-kūö. Ngö ṙô pöri anga-aṅ tö chu, Akaha elmat man, Ō kūön tarik, tö ngam tömeūkö nö ṙētak manāngen.

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

2 PĪTÖR 2:3

Im yinikhanga min cha-a nö holtö inchīl ṙô ngaich vīten yīö tö-inyihka: yip tö inchöku ha-eheten misī nö öt sökngöre, öt haṙòhlö öp pinyāingö cha.

TANĪ-ĔL 11:27

Nap tönët tak pöri rācha nup lōn cha min nö hòṅ i ötlanöökö; hĕngre chūök nap min nö minyôny-aṅ nö ip tö halēnlöng ṙētak.

2 RĀCHA 6:33

Hē ò nöng ṙònghöich ṙô nö vë-ekūö cha, yĕh meuk sölta ngaich ök ma-ahānga nö in ò: ngaich ngö ṙô anga-aṅ, Yĕh meuk, aṅ im Mā Tēv An ngam chanôchö; suh ap pökeh tö-ōtre hinökkö ngam Mā Tēv?

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

YERIMIĀ 27:7

Ṙòkhöre vē pumnāmö tarik min nö kūön alaha ò kikōnyö kūön ò kikōnyö inrē yōm ò, hanöng saha öp ṙētak öp panam ò nö yih; ngaich maṙôngö pumnāmö tarik min tökiröng rācha inrē nö vīten ò min nö töhakövö tö cha.

2 PĪTÖR 3:9

Öt höhölōn an ngam Tēv tö ngam ṙôre kinlēḵngô nö sā yip rīkre kamheuṅktö hanöhölōn, tön marôta manöiyö an nö in yīö, öt hōten yīö hĕng hang tak tölëlngö, hōten yīö pöri ṙòkhöre yihtöre im invöötö ellōn,

Isayā 8:17

Hòṅ hökkö ngam Mā Tēv chin, ngam mahanyatngö kūö re tö ngam patī Yāköp, chôngken ò chin min.

SEFAINIĀ 3:8

Lökten yin hökken chu, ṙô ngam Mā Tēv,hanöng saha ngam sakāmö chu chōholre i nup nyā-aṅkūö; pò ngam kumlēḵlōn chu hamūl pumnāmö tarik, hòṅ chu hamūl në pūlngö, öich vōktö kui u tö ngam lanīnöre, në tökiröng tanānyö chu; pòn ṙòkngöre vah min ngih tumlat nö ṙāpngö tökūö tameūyö öp kumnyahlōn chu.

KINṘEŪKÖ 23:19

Rö-ö an ngam Tēv nö tarik, nö töminyôinyaṅ; Ötrēhĕn nö kūön tarik, nö mahavöötö ellōnre: Keuheūtô Anga-aṅ, ngaich yòh öt kēken e hòng? Hēk ṙô-òv Anga-aṅ, ngaich öt hateungngö e hòng min?

Isayā 7:4

Ngö ṙô tö ò, Haṙēmngenre, ṙātö alahare inrē; un pa-ekūö, un rēhĕn ngam ellōn meh nö pa-ekūö, tökūö në tönët lamrit öp lul töhūkūö tameūyö Rēsin, Sīria inrē, tökūö öp kikōnyö kūön Ramalaya inrē.

ISIKĪ-ĔL 30:9

Ip sakāmö angū-ö yip töveut min ma-ahānga nö ṙā-ang in chu nö kiröönngöre nö pinhëṅlökūö yip töt akahtenre aṅ i Itiōpia; ngaich yīhih kui min cha-a tö miṙivlōn ip sakāmö angū-ö nganachngen Aikup; yĕh meuk, pò e nö yih!