HAPAKŪK 2:20 - TÖHET LĪPÖRE (Re-edited) Bible (BSI)

²⁰ El ngam töhet chūök pöri ngam Mā Tēv; ṙòkhöre an yēḵ ngam tumlat nö unṙô-òvö nö i kūö ò.

HAPAKŪK 2:20 Referans Kwoze

SAKARIĀ 2:13

Uh yin ṙô-òv i kūö ngam Mā Tēv, ṙòkhöre yī-ö tarik: tön aṅhen an nö ngaich nö ṙā-ang im töhet chūök re.

SEFAINIĀ 1:7

Um ṙô-òvö i kūö ngam Mā Tēv: tön röhta an ngam sakāmö ngam Mā Tēv: pò ngam Mā Tēv nö halēnlö tökētu, ngaich an nö ahetlö yip havëköre.

Salmai 46:10

Hachēvöre, akaha chu tön chū-ö chin Tēv: hapōilöng chin min in yip pumnāmö tarik, hapōilöng chin min ing panam.

Salmai 11:4

El ngam Töhet chūökre an ngam Mā Tēv, el halīöngö an ngam kantēra ngam Mā Tēv: meuk nup mat ò, nup taseū mat ò, kalah yip kūön tarik.

Isayā 6:1

Im samyeūheu ök rācha Usāya nö kapah meuk ngam Mā chū-ö nö el kantēra nö ūichhaka, lātulöng hatāilöng inrē, tööḵlö ël ngam töhet chūök tö kanôlò ò tö aṅ në töhĕng chuvi panam.

YÔNA 2:7

Hē ngam nômö chu nö chaṙīvi nö ellōn chu, fēḵlöre chū-ö ngaich tö ngam Mā Tēv; yih ngaich ngam ṙô chu vë-ekūö meh nö in meh, el ngam töhet chūök meh.

MAIKA 1:2

Hangihtöre yī-ö ṙòkhöre yī-ö tarik; Ō tumlat, hangihtöre, yī-ö inrē aṅ e: hökngen ngam Mā Tēv nö mameuk nö lā-al yīö, ngam Mā nö ṙeū-eung el ngam töhet chūök re.

Salmai 115:3

El halīöngö An pöri ngam Tēv hī: keuheūten An ip töng sitih lōn re.

Isayā 66:1

Ngö ṙô an ngam Mā Tēv: Kantēra chu an ngam halīöngö ranöönö röön chu inrē ngam tumlat; patī yòh öp min patī mahānlö yīö patī chu? Asuh ap chūök chu min heūheure?

Isayā 66:6

Hangihtöre, tinṙōlö ṙô ap elpanam! Ṙënṙô ap el ngam töhet chūök! Ṙënṙô ngam Mā Tēv, nö kētö invahal nö i yip lā-al ò!

YÔNA 2:4

Ngö ṙô chū-ö ngaich, Ṙā-ang i kūö meh chin ngaich kavāliyö; sönen chū-ö min hēk ngëicha kū-ötö ngam töhet chūök meh.

Isayā 41:1

Ō yī-ö kun panam höng hangihtöre yin tö ṙô chu ui ṙô-òv; hökngen yip tarik nö tumfömlö kumlēḵre; hökten cha nö söntöre, ngaich möl yĕh nö ṙò-òv: tā-a töi hol re ṙūötöre im inkaha fālen.

HAPAKŪK 3:1

Vinë-eṅkūötēv ṙô ök pròfĕt Hapakūk, tösa ëlö Sikiōnòt.

NGAM LĪPÖRE YŌP 37:20

Vënyu nang ap min tö chu öich ṙô-òvö? Tarīku hòng ṙung töhòṅ mīk- tuvö?