HAPAKŪK 2:2 - TÖHET LĪPÖRE (Re-edited) Bible (BSI)

² Ngaich sapṙô chu ngam Mā Tēv, nö ngö ṙô, Kūich ngam tömeūkö, vī-i e nö löökö mineūkö, vī-i e nö löökö mineūkö nö el tömitāk, hòṅ öp famal nö vë-ekūö e.

HAPAKŪK 2:2 Referans Kwoze

Isayā 30:8

Yĕh pöichö kuṙòh, kūichö e i ikūö cha i mat öp tömitāk, kūichö e inrē i mat līpöre, hòṅ e nö töhēṙu yanīhih nö töng örheūheu.

INMEUKHÖMAT 14:13

Ngaich chu-ö hang ök ṙô lamöktö el halīöngö tö ngö ṙô Kūich, töngamūhuten yin vē kupah, vē tökapah nö im Mā Tēv, nö tökôlò; hôṅ, ngö ṙô ngam Töhet Fanöinylö, hòṅ cha nö ngaich nö heūheure nö ṙā-ang i nup la-enre; pò nup la-en cha nö tömrit cha.

I. CHÖNGÖ 31:22

Lökten Môsös nö kūich ngih tinkökö ik sakāmö angū-ö, ngaich haköpten yik kūön Israĕl tö e.

TANĪ-ĔL 12:4

Me-eṅ pöri, Tanīĕl, öpngökūö nup ṙô, haköpngö kūö ngam līpöre inrē, hanöng saha öp ṙētak manāngen. Maṙôngö yip töng famalköre, ngaich ṙūöhölre min inkaha;

Isayā 8:1

Ngaich ngö ṙô ngam Mā Tēv tö chu, Hēngö kahë man tö tökiröng tömitāk ihong, ngaich kūich mat e aṅtī tö kanūich tarik, löö in Mahersalālhaspās;

I. CHÖNGÖ 27:8

Ngaich më-eṅ kūich nup ṙô ngih chöngö i nup ihong nö löökö kinūchö.

I. CHÖNGÖ 31:19

Yĕh lökten, kūich ngih yin tinkökö yīö, haköptö yip kūö Israĕl tö e inrē chaphöt e elvāng cha, hòṅ ngih tinkökö nö mahameukhöti nö lā-in chu nö lā-al yip kūön Israĕl.

INMEUKHÖMAT 19:9

Ngaich ngö ṙô anga-aṅ tö chu, Kūich, Tökôlò yin cha-a vē töngööntu nö im nyinā-aṅ inpihö ngam pököre. Ngaich ngö ṙô anga-aṅ tö chu, Tökô-en nun në nö ṙô ngam Tēv.

2 KÒRIN 3:12

Īnu tö töngatī mineūka lökten, öt pinhe-evkūö ṙô ihö.

1 KÒRIN 14:19

Lahë pöri chū-ö, tö tö söm köṅny ṙô i tahëng ëlô, höng taneui milôhò ṙô öich hol tö mikahre, el ngam māṅ, hòṅ chu haköptö tahëng.

RŌMA 15:4

Nup tö ngaich nö kūichiyö nö lā-urĕh, kūichiyö anū-ö nö haköp hī, lökten im manöiyö, inṙamlōn inrē, aṅ im töhet līpöre, öi maheūṅkkuvö.

YERIMIĀ 30:2

Ngö ṙô an ngam Mā Tēv ngam Tēv Israel: Kūich nup ṙô nö ṙòkhöre nö i mat līpöre nup ṙô chu in meh.

TANĪ-ĔL 7:1

Ik raneh samyeūheu Pelsasör ök rācha aṅ Pēpilön, ang Tanīĕl nö heūv, meuk ök el kui ò inrē hē ò nö hulalhaka nö el chaman re. Kūich ök heūvö re anga-aṅ ngaich, vë-eny e ngaich nö keuheūtnyö re ṙô.