HAPAKŪK 2:18 - TÖHET LĪPÖRE (Re-edited) Bible (BSI)

¹⁸ Asuāp kanôlò tī töka-īpö insātēv, tö lökten öp vamī nö ka-īpö e; ngam töhaṙöichö insātēv, tö ngam töminyôiny-aṅ mahaköphöti? Ngam chūök ngam vamī-i ò nö hayönglen re, nö vī nup töt ṙô-òvö insātēv?

HAPAKŪK 2:18 Referans Kwoze

YERIMIĀ 10:8

Tökulō-ov mikah, hĕnghöre tökulō-ov anū-ö: höng chōn öp inköphöti tö nup insā tēv!

1 KÒRIN 12:2

Akahalōn yin, hē yīö misī. Tahëng mihëṅṙö öi hachōḵoyö tö nup tötkô nö ṙô-òv insātēv, sā ap inchōḵngö yīö.

SAKARIĀ 10:2

Pò nup tēraf nö minyôiy-aṅ ṙô, yip chamòng alaha inrē nö meuk minyôiny-aṅ; mi-nyôiny-aṅ ṙô cha-a inrē nö vë-eny heūvö, chök alaha ṙô nö haṙamlōn: lökten cha nö kiröönngöre nö el talöö-köre nö sā sīṅp, kihten cha-a, pòn öt yōm pökörevö umuh.

Isayā 42:17

Havānörit yip min, ngaich cha-a min nö aṙū-angen nö sirōngkūö, yip mahayönglenre nö i töka-īpö insātēv yip tö ngö ṙô tö nup töhaṙöichö insātēv, Yī-ö yin tēv ih.

Isayā 45:16

Sirōngkūö yip min, hôṅ, kalūöchöre elkui inrē, nö ṙòkhöre cha-a: holre yip min nö kiröönngöre yip vami insā tēv nöng kalūöchöre elkui.

YÔNA 2:8

Acha-a yip tölōntö töng töl minyôiny-aṅ ṙāngö ngam miṙēlōn re cha-a.

INMEUKHÖMAT 19:20

Kē-ĕ ngaich ök töṙeūla, hol ò inrē ök töminyôiny pròfĕt, ök tö tītö nuk pinngangkūö nö i kūö ò, nuk aṅtī ò nö hachīlö cha, yip töteūngen tö minkahngö ngam töṙeūla, acha-a inrē yip samlām ngam insā ò: nëtre taka cha-a ngaich nö suktu nöng aṅ nö el kūö öp tötöh tameūyö tö kūö tö töhū ihong:

RŌMA 6:21

Suh nup pökeh ṙòng in yīö hē e, i nup sumrōngkūö töngamuh? Tön ngam kinpaha manāngen u anū-ö.

YERIMIĀ 50:2

Vë-eny i pumnāmö tarik ahānga inrē, hatamlö ap pantēra ahānga inrē uh ap nö hayūni, ngö ṙô inrē: Kē-ĕ Pēpilön. Sumrōngikūö öp Pel, ngangngö kūö ap Mērötek. Sumrōngikūö nup insātēv ò, ngangngökūö nup insātēv ò.

Isayā 45:20

Tā-a hamūlöre yin; ṙūhtöre öi holre yī-ö tö ōtren aṅ in yip pumnāmö tarik: öt akahalōn yip cha-a yip tamyuk öp chōn insātēv cha, ngaich vë-ekūö ap tēv ap tötkô nö hayööken.

Isayā 37:38

Ngaich ngö inlahen angū-ö hē ò nö salām nö el pati Nisròk ök tēv ò, ngaich Atrammelek Sarēsĕr inrē tö yik kūön ò kikōnyö nö fëlngen ò nö aṅtī tö fël: meutngö cha-a ngaich nö ip panam Araret. Hayöng ngaich nö ṙënngen ò ang Ēsarhatön ök kikōnyö kūön ò.

Isayā 1:31

Ngaich yip tö kalēḵ min nö sā tö tūökö, öp la-en ò inrē sā linròklö kūö tameūyö; ngaich nëtre anū-ö min nö ökngö, ngaich öt hĕng tak min mahanyangngökūö u.

1 SAMUĔL 12:21

Ui kānngöre öi lök nup töt kô-en töt hōḵ nö kôlòtī tö yīö öt rēhĕn nö kô nö ṙānyen yīö pò u nö töt kô-en.

Salmai 97:7

Sirōngkūö yip yēḵ lamök la-en insā tēv: yip ameū-eure nö i nup insā tēv: salāman yin yī-ö, ṙòkhöre tēv.

Isayā 40:19

Töhaṙöichö ön ngòh insā tēv töp vamī-ire tarik, hapātö humlum inrē nö in ò öp ramöm humlum, vī rupīö sayōk inrē nö chehen.

Isayā 41:26

Achīö ap vamënyö e nö ngaich nö löktökūö ik raneh, hòṅ ih akahalōn, ök lamā urĕh inrē, hòṅ ih ngö ṙô, Anga-aṅ an tölöök, hôṅ, öt hĕng tak töṙô-òvö, hôṅ, öt hĕng tak mahameukhöti, hôṅ, öt hĕng tak hamang nup ṙô meh.

Isayā 44:12

Vī hanīöng ngam ramöm vët, ngaich i kūö ta-ök tameūyö nö halöökan nö aṅtī tö mūngöre, ngaich aṅtī tö töngëḵ këlre nö röman: hôṅ, kapahare ngaich anga-aṅ, öt ōtren kumlēḵ inrē; öt ôku anga-aṅ tö mak ngaich tayē alaha.

YERIMIĀ 2:8

Hö-ö yip kūönṙô nö ngö ṙô Isuh ap Mā Tēv? Yip mahayōm ngam chöngö öt akahakūö tö chu; köölö fālen yip mahayöng nö in chu; lökten i Pē-al ṙô yip profĕt nö ve-eny tömeūkö; ngaich tömrit nup töt kanôluṙô.

YERIMIĀ 16:19

Ō Mā Tēv, kumlēḵ chu chūök chu inrē töngëḵ, innyatlö chu ip sakāmö kanihngen, löö in meh yin nö yih vē pumnāmö tarik löktökūö i nup manā-angkūö ngih tumlat ngaich ngö ṙô: Öt amīnu yik yöng ih höng minyôiny-aṅ, chehen töt kanôluṙô nö töt taneunglen.

YERIMIĀ 51:17

Kö kulō-ov yin vē tarik öt aṅhav-in inrē tö inkaha; kö sumrōngikūö yin vē ramöm humlum tö nup insātēv cha; pò nup insātēv ò nöng minyòmy-aṅ, hö-ö nup nö unhômu inrē.

TANĪ-ĔL 5:23

Ngaich pöri me-eṅ hatāilö re lā-al ngam Mā ngam halīöngö; ngaich minë chūökṙen aṅ ngam patī ò nö kētu nö i kūö meh, me-eṅ hēk tö yip mā in meh inrē, tö yip pīhö meh, tö yip pīhö meh töl inrē nö òk vain nö ël u; ngaich me-eṅ ha-öiny tēv rupīö humlum inrē, mās, vët, chōn, ihong inrē, nup tötmeuk, öthang, öt-akahakūö, ngaich pöri ngam Tēv ngam tö-aṅhaṅv eltī tö unhômö meh, ngam tö-aṅhaṅvin inrē tö nup talöökö meh, nö öt eū-eu tö meh.

AMŌS 2:4

Ngö ṙô an ngam Mā Tēv: Kūö tölūöi fālen Yūtā, hôṅ töfën, hö-ö chin min havööngökūö ngam sācha e: pò cha nö sō-o ngam chöngö ngam Mā Tēv, öt haköp ngam inchöngten inrē aṅ in ò, ngaich nup minyôinyaṅ cha nö pô-òvkūö tö cha nö vaich, nöng sā talöökö yik muvöhngö cha:

KAMHÔKA 17:4

Ngaich hē ò nö havan tö nuk rupīö nö ik yöngre kikānö nëtòng kahë ngaich tö rupīö ök yöng ò kikānö, ngaich kēten u nö ik mahaṙöich ök vamī i e nö insā tēv töhaṙöichö insā inrē: ngaich angū-ö nö i patī Maika.