HAPAKŪK 2:16 - TÖHET LĪPÖRE (Re-edited) Bible (BSI)

¹⁶ Tööḵngen man ngaich tö ngam ineū-eu meh nö sumrōngkūö: ka-eūt man yĕh me-eṅ inrē, ngaich hameuknyö ngam tunnyinyngöre: havāngtu an min ngam kōp ngam Mā Tēv lā hāmö ò nö in meh ngaich öp ineū-eūṅ meh min nö aṅhavkui tö ngam töchōich sumrōngkūö!

HAPAKŪK 2:16 Referans Kwoze

Isayā 47:3

Hameuknyu ap min linchôyö meh, hôṅ, meūkö ap min sinrōngkūö meh: Kē invahal vah chin min, hö-ö chin min aṙēlu tö tarik.

INMEUKHÖMAT 18:6

Kē-ĕkūö ò sā tī ò anga-aṅ, nëtö tī tö nup tö nët sā nup la-en ò; el öp kōp öp kalūöich aṅ ò, nëtö kalūöichti in ò.

FILIPĪ 3:19

Yip töng manāngen tö ötkanôlò; töng tēv tö aichre; töng kanôlò tö sumrōngkūöre; töng lōntö nup chehen aṅ ngih panam.

HŌSĪ 7:5

Hē sakāmö ök rācha, yik kūön rācha nö vīngenre nö vahavö tökūö kumlēḵ vāin; hateutnyö kël re anga-aṅ nö holtö mināichṙen.

HŌSĪ 4:7

Sā ṙanūölö ṙôken cha, ngatī cha-a nö köölö fālen nö in chu: haṙīngö ngam vanāyö cha chin min nö sinrōgkūö.

INRĀMÖRE 4:21

Haṙamlōnre ṙāmölōn inrē, Ō kikānö kūön Ētöm, mi-iyöng ip panam Us; söömhukūö pöri me-eṅ min tö ngam chūök òk; hiyōi man min ṙòngngö inyut re inrē öm chumlal.

YERIMIĀ 51:57

Vīten yip kūön rācha ò chin min nö hiyōi tö yip tarik ò inrē tö-akaha, yip mahayöng in ò, yöngṙen yip yöngṙen kumyung in ò, yip kumyunglen ò inrē; haṙòh yip min nö urāngö mat öt aṅhen inrē, ṙô ngam Rācha, ngam tö minëyu tö ngam Mā Tēv yip tömaṙôngö.

YERIMIĀ 25:15

Pòn ngö ṙô ngam Mā Tēv tö chu ngam Tēv Israel; Kē ngam kulah vāin lanīnö nö ṙā-ang eltī chu, vīten yip pumnāmö tarik nö ṙòkhöre yip chūök yīö tīntu tö chu nö ôkö e.

Isayā 49:26

Ngaich chū-ö min vīten yip mahakihten meh nö kā alaha re, ngaich hiyōi min cha-a tökūö mahām re, sā hinyōyöre tökūö vāin. Ngaich ṙòkhöre min tarik nö akahalōn tö chu öich Mā Tēv mahayööken meh, ṙamānyen meh inrē, hĕng tak tökalēḵ aṅ in Yāköp.

Isayā 20:4

Ngatī min öp rācha aṅ Asīriā nö hachōḵngö yip tökē-ĕ aṅ Aikup, yip tö-ahöti inrē aṅ Itī-ōpia, tö-ayal tököiny inrē, chumlal öt kunröpu inrē, chumlālö ṙòngrit inrē nö minṙēngö Aikup.

INCHŌḴ-OṘÔ 3:35

Amintö ineū-eunv an min ngòh tö-akaha, teūngen pöri tökulō-ov tö minṙēngö.

Salmai 75:8

Pòn eltī ngam Mā Tēv, ap kōp hĕng, pēhĕv ngam vāin inrē; tööḵlö ap tö tökalūöchö, ṙösnyö e Anga-aṅ inrē: nup aṅ e lanë-en, nö tupônglöng rit tö cha min, yip tötlöök aṅ ngih panam, ngaich ôkö u.

YERIMIĀ 25:17

Ngaich chū-ö kē ök kulah ṙā-ang eltī ngam Mā Tēv, ngaich vīten yip pumnāmö tarik yip chūök chu tīntu tö ngam Mā Tēv nö ôkö e.

YERIMIĀ 51:7

Humlum an Pēpilön chūök òk nö eltī ngam Mā Tēv, minyōingö ngih taṙòkhöre tumlat; ngaich yip pumnāmö tarik nö òk ap vāin ò, lökten yip pumnāmö tarik nö katūöyaṙen.

ISIKĪ-ĔL 23:33

Tööḵngen yin min töhinyōyö miṙivlōn inrē, hĕng öp chūök òk nganāng alaha inhatngö inrē, ök chūök òk öp kanānö yīö Samariā;

HAPAKŪK 2:10

Ngaich man i sinrōngkūö hatöntöre im patī meh, i rinökngen tömaṙôngö tarik, ngaich köölö fālen im nômö re.

HAPAKŪK 2:15

Tökôlò an yēḵ ngam ma-asënyö òk hol re, ngaich katēhĕ e tö kinpahangvah, mihiyōyan inrē, pò meh hōtu mat meūkö cha nö chumlal?