HAPAKŪK 2:15 - TÖHET LĪPÖRE (Re-edited) Bible (BSI)

¹⁵ Tökôlò an yēḵ ngam ma-asënyö òk hol re, ngaich katēhĕ e tö kinpahangvah, mihiyōyan inrē, pò meh hōtu mat meūkö cha nö chumlal?

HAPAKŪK 2:15 Referans Kwoze

YERIMIĀ 51:7

Humlum an Pēpilön chūök òk nö eltī ngam Mā Tēv, minyōingö ngih taṙòkhöre tumlat; ngaich yip pumnāmö tarik nö òk ap vāin ò, lökten yip pumnāmö tarik nö katūöyaṙen.

Ranehlö 9:22

Ngaich Hem, ök kikōnyö yöng Kanā-an, nö meuk ök yöngre kikōnyö nö chumlal, ngaich vë-eny nang nak tö nët tak hol maneukre nö el kahôyö.

INMEUKHÖMAT 18:3

Pòn lökten ngam vāin ngam lanīnö aṅ im chinô-òṅ ò, nö ṙòkhöre vē pumnāmö tarik nö fukngö; ngaich yip rācha ngih panam nö chô-en ò, ṙūölöre kanôlò inrē vē mī-inyih, nö lökten im sinṙaklen ò.

INMEUKHÖMAT 17:6

Ngaich meuk ök kikānö chū-ö nö hiyōi tö kūö mahām yik töhet, tö kūö mahām yik töfëli kinpaha inrē tö kūö Yēsū, Ngaich hē chu meūkan, kiröngö pinngangkūö chū-ö ngaich.

INMEUKHÖMAT 17:2

Ngam töchô-òv tö vē rācha ngih panam, ngaich acha-a inrē yip mī-iyöng kūö ngih panam, mihiyōiyi tö ngam chinô-òṅ ò.

HŌSĪ 7:5

Hē sakāmö ök rācha, yik kūön rācha nö vīngenre nö vahavö tökūö kumlēḵ vāin; hateutnyö kël re anga-aṅ nö holtö mināichṙen.

YERIMIĀ 25:15

Pòn ngö ṙô ngam Mā Tēv tö chu ngam Tēv Israel; Kē ngam kulah vāin lanīnö nö ṙā-ang eltī chu, vīten yip pumnāmö tarik nö ṙòkhöre yip chūök yīö tīntu tö chu nö ôkö e.

2 SAMUĔL 11:13

Ngaich hē Tāvit nö havëten ò, nyā ngaich anga-aṅ nö i kūö ò; òk inrē; ngaich mihīyōyi anga-aṅ tö ò: ngaich ik harap anga-aṅ kunyī-inyre nö ṙōlngöre nö el chamam re nö in yik tarik ngam mā ò, hö-ö pöri nö chuh patī re.

MANEUTNYI 32:25

Ngaich hē Môsös nö meuk yik tarik nöng chumlal; pò Āròn nöng hökngen cha nöng chumlal, nö minṙēngö cha i yip tökunyāhaṅ elmat tö cha:

Isayā 5:22

Tötkôlò yip cha-a yēḵ yip tö kalēḵ nö òk vāin, tö kalēḵ inrē tarik nö katĕh tökalēḵ òk re:

Isayā 28:7

Ngaich pöri vē inrē nö kūö vāin nö lō-ongkūö, kūö tökalēḵ inrē ka-eūt nö chatngen; lō-ongkūö yip kūönṙô tö yip pròfĕt inrē tökūö tökalēḵ ka-eut, ngaich yip nö ngeūṅktu tö ka-eūt, lō-ongkūö yik nö ngaich tö kūö tökalēk kā-eūt; vāchö mat yip tö maheuṅk re, kavē-ĕre yip nö i inkaha fālen.

HAPAKŪK 2:14

Pò ngih tumlat min nö tööḵlö tö inkaha kanôlò ngam Mā Tēv, sā minë mak nö lökngöre tī tö ngam mai.

HAPAKŪK 2:16

Tööḵngen man ngaich tö ngam ineū-eu meh nö sumrōngkūö: ka-eūt man yĕh me-eṅ inrē, ngaich hameuknyö ngam tunnyinyngöre: havāngtu an min ngam kōp ngam Mā Tēv lā hāmö ò nö in meh ngaich öp ineū-eūṅ meh min nö aṅhavkui tö ngam töchōich sumrōngkūö!

Isayā 28:8

Pò nup mīs nö ṙòkhöre nö tööḵlö ël tö kuvav mum inrē lökten nö öt chūökuvö töhet.