HAPAKŪK 2:13 - TÖHET LĪPÖRE (Re-edited) Bible (BSI)

¹³ Yĕh meuk, röh öng nö aṅ im Mā Tēv yip tömaṙôngö töp lökten vē tarik nö la-evṙen tö inmeui tameūyö, ngaich vē pumnāmö tarik inrē nö hacheīköre nö i chanök alaha?

HAPAKŪK 2:13 Referans Kwoze

YERIMIĀ 51:58

Ngö ṙô an ngam Mā Tēv yip tömaṙôngö: Öp töpōitāk kinlōngö Pēpilön min nö haṙôntu nö i kui tumlat, nup inkūp ò inrē tömarô-òl-kui nö föngtukūö min tö tameūyö. Chök alaha tarik nö lā-evṙen, hacheiköre inrē pumnāmö tarik tö töng pôḵ tameūyö.

Isayā 50:11

Yĕh meuk, ṙòkhöre yī-ö tamôttö kūö tameūyö, töhūkūö tī inrē tö löktökūö tameūyö! Kiröönngöre man el hanātö kūö tameūyöre, i hanūkūö ngam löktökūö tameūyö inrē ngam tahōttökūö meh! Angū-ö an in meh min lamökten eltī meh: ṙōlngöre man min el ngam inkihten meh.

MALAKI 1:4

Löknyö ṙô Ētöm nö ngö ṙô, Ngaich in ötkô, havantöre pöri min ayī-ö mānö inrē, i minë töt aṅhaṅvkūö chūökö; ngö ṙô an ngam Mā Tēv yip tömaṙôngö, Mānö yip min, tiṙölhanga pöri chū-ö min: ngaich min yip tarik nö kaheukngen cha nö kūöngö panam öt lanöökö ane inrē tarik chūök lanīnö ngam Mā Tēv nöng örheūheu.

Isayā 55:2

Kūöyòh öi mëichngö rupīö i ngam töt nyā-aṅkūö, kūöyòh inrē mëichngö la-enre i ngam töt töö-önglōntī? Haṙēmngenre hang ṙô chu, ngaich nyā-aṅvkūö tö tölöök, ngaich kumchikngenre i kanôlò.

INCHŌḴ-OṘÔ 21:30

Hö-ö mikah, hö-ö mikah elmat, hö-ö inlēnö, nö kôḵ nö lā-al ngam Mā Tēv.

Salmai 39:6

Kôngen ön ngòh tarik nöng sā nyat; kôngen yin nöng tötöl: hamūl kanôlòre ön, ngaich öt akahakūö töp mahamūlö u min.

YERIMIĀ 51:64

Öm ngö ṙô, Ngatī lanôngtī an min Pēpilön, öthēk nö chōholre, kūö ngam tötlöök kahëtö chu i kui ò. Ngö tölngö nun minë ṙô Yarimiā.

2 SAMUĔL 15:31

Ngaich hĕng tak ök tö ngö ṙô nö vë-eny nang Tāvit, Ahītōfel öp hol Apsalem nö halēnlö ap chöngö. Ngaich ngö ṙô ang Tāvit, vë-ekuö meh chin, Ō Mā Tēv, havāngtö öp halēnlö Ahītōfel nö kumlō-ov.