HAPAKŪK 2:1 - TÖHET LĪPÖRE (Re-edited) Bible (BSI)

¹ Sökhak chin min öich aṅhaṅti, i kui öp chūök chamônga chin ūichhaka inrē, môknyökūöre chū-ö min öich ngëichkö öp ṙô ò min nö vë-ekūö chu, öp ṙô chu min inrē sapṙô ngam miṙivlōn re.

HAPAKŪK 2:1 Referans Kwoze

Isayā 21:8

Ṙô-òv ngaich anga-aṅ nö sā lāyön: Ō Mā, öt heumkenre chin sökhaka i kui ngam chūök chamônga tö sakāmö ngaich ūichhakṙen el urôhòre hĕng mitööm:

Isayā 62:6

Ō Yērusalem, ṙātö amahaṅti chin i kui minë kinlonglö meh; öt ṙāngö ṙôre yip min irô-òtö sakāmö hatööm inrē, yī-ö famëḵlö ngam Mā Tēv, uh yin heūheure.

2 SAMUĔL 18:24

Ūichhak ang Tāvit nö ihôi nup tönët inkūp: ngaich ök chamônga nö yônlö nö i uk ök inkūp ök kinlōngö ihong, chingôhòl mat re ngaich anga-aṅ, nö ngëicha, yĕh meuk hĕng tak öp tarik töng hēngö röön nö fal.

Salmai 85:8

Hòṅ hangihtöre chin tö ṙô ngam Tēv, ngam Mā Tēv: pò Ò min nö ṙô tö lanāmö, nö i vē tarik re, i yip töhet inrē; uh pöri cha-a nö halöngtuṙen nö havanngöre nö im kumlō-ov nö hēk.

Salmai 5:3

Ō Mā Tēv, tö peuheū man min hang ṙô chu: ip peuheū chin min halēn nup ṙôre vë-ekūö meh, ngaich hönga.

2 KÒRIN 13:3

Pò yīö chöh inmeuktö Kristū öp tö ṙô-òvö nö in chu: öp tö rö-ö nö öt kalēḵen nö lā in yīö, minhôiṅyö pöri nö in yīö;

YERIMIĀ 12:1

Ō Mā Tēv tölöök man, yē chu vë-eny miṙivlōnre in meh söönen chū-ö vë-eny ngam fālenre i kūö meh. Kūöyòh öng ngam talöökö tötlöök nö kôlò? Kūöyòh aich nö ṙòkhöre vē tömichūḵ chanökhuṙen nö kôlòṙen.

NGAM LĪPÖRE YŌP 31:37

Ngaich chū-ö öre kē-ĕkūö ò tö ṙôken tum vanāng chu; sā kūön rācha öre chū-ö söntöre in ò.

2 RĀCHA 9:17

Sökhaka ök chamônga nö i Yesrīl i kui ök chūök chamônga, ngaich meuk tökiteūmhaka hol Yēhū ik yanīhih ò, ngaich ngö ṙô, Meuk töhĕng kiteūm chin. Ngö ṙô ngaich Yōram, Kē tarik hĕng tak mī-i uk kōra, tīnngen ò nö höngkūö cha, hökngen ò nö ngö ṙô, lanāmö öng?

KALATĪ 1:16

Nö hameuktö ngam Kūönre nö in chu, pò chu hōtu ahangken Ò i Tahëng mihëṅṙö tarik; iṙūö hatöntöre chu-ö, öt i alaha, mahām inrē:

Isayā 21:5

Halēn mīs cha-a, ṙātö amahati cha-a, nyā cha-a ka-eūt cha-a: chōholre, yī-ö kūön rācha, hacham ngam lanaklö.

NGAM LĪPÖRE YŌP 31:35

Ah hĕng tak öre hamang ṙô chu! (Ngih ön minkahngö tī chu! hökngen ngam Tökeuheūttöre Chöngö nö sapṙô chu!) ah, kūichiyö ap öre vinë-eny fālen chu töp lā-al chu!

2 RĀCHA 17:9

Ngaich yik kūön Israĕl nö ulāikenre tö nuk tötlöök nö lā-al ngam Mā TĒv ngam Tēv cha, Vīlö nup chūökö cha-a tömarô-òl chūök i nup elpanam nö ṙòkhöre, löktökūö ök chūök chamônga amahatī tarik söl ik tökalonglöng elpanam.

YERIMIĀ 6:17

Ṙātö amahati chin tarik I kui yīö, öich ngö ṙô, Hangihtö-ṙô öp römpĕt! Ngö ṙô pöri cha-a, Hö-ö in hòṅ hangihtöre.

ISIKĪ-ĔL 3:17

Kūön tarik vī-i meh chin ngaich amahten ngam patī Israel; ip töng hē meh hang ap ṙô lamöknyö elvāng chu, ngaich me-eṅ min hatūinyö elnang cha tö ṙamā-ang in chu.

MAIKA 7:7

Ngëchkökūö ngam Mā Tēv pöri chū-ö min; hökkö ngam Tēv chin min ngam inyööken chu: hangṙô chu an min ngam Tēv chu.

Salmai 85:9

Kô-en an ngam inyööken aṅ in Ò nö röhta nö in cha, yip tö pa-ekūö tö Ò: pòn hōtu ngam ineū-euṅ nö iyöng ing panam hī.

Isayā 21:6

Tön ngö ṙô an ngam Mā tö chu, Kuṙòh, ṙātö tarik amahati; höknyö ṙô ò nö ve-eny öp maheuṅkre:

ISIKĪ-ĔL 33:7

Ngati me-eṅ, kūön tarik, vīlö amahati chin i patī Israel; ip töng hē meh hang öp ṙô nö ṙā-ang elvāng chu vë-eny nangcha ngaich me-eṅ tö ngam finëḵlö aṅ in chu.