HAPAKŪK 1:9 - TÖHET LĪPÖRE (Re-edited) Bible (BSI)

⁹ Ṙòkhöre yip nö yih nö töhòṅ chökhuṙen; ngë-eṅkūö yip nö kū-ötö lā chuhöt; hamūl töhakövö cha-a inrē sā ṙôken kuyāyö.

HAPAKŪK 1:9 Referans Kwoze

RŌMA 9:27

Ngaich Isayā nö ngö ṙô nö in Israĕl, Yē ṙôken yip kūön Israĕl nö sā kuyāyö ngam mai, höng yip chööḵ min tö hayöökaṙen:

HAPAKŪK 1:6

Yĕh meuk, tö chu hachohlö yip aṅ Kāltī, yip tötainy tökurāten inrē nö pumnāmö tarik; yip kumröön nö lök ṙôktāk ngih tumlat, nö kē amin re tö nup elyöngö chūökö nup töt kanahngen cha.

HŌSĪ 13:15

Pòrô anga-aṅ nö tömaṙôngö nö in yip holmaneuk re, yih min öp kuföt chuhöt öp kuföt ngam Mā Tēv yih min nö löktö el tönyalyi, ngaich min öp kuāru ò nöng nyô, nyôngö min inrē öp töhëmlö mak ò: yëḵngen tī min angū-ö tö vanāyö nup tölöök chūökṙen.

HŌSĪ 1:10

Sönen pöri min öp ṙôken kūön Israel ö sā kuyāyö mai, öp töt kanlahen ṙôken, öt rēhĕn nö kanṙeūken; ngaich ngö inlahen angū-ö min, nö ṙënngen ngam töṙônyu nö in cha, rö-ö yin yī-ö tarik chu, ngö pöri min ngam ṙô nö in cha, Kikōnyö yin yī-ö kūön ngam tö-aṅ Tēv.

ISIKĪ-ĔL 19:12

I tanānyö pöri öp vāin nö teuklöngö, kavāli ngaich nö el tumlat; nyangngö ngaich tökūö kuföt chuhöt; köichi ngaich nuk ṙòng ò nyangngö ngaich ök töngëḵ kaha ò; ṙāpngökūö ngaich ngam tameūyö tö ò.

ISIKĪ-ĔL 17:10

Yĕh meuk, yē ò nö harīki chūök nö teūichtu, kôlò ang min? Öthō ang min nö keuheūtngöre nö nyangngö yē ò nö fööṙö töp kuföt chuhöt nyanangngö ngaich nö ip chūökrööntöre ip chūök ò nö sīöp?

YERIMIĀ 34:22

Yĕh meuk, chöngu chin min, ṙô ngam Mā Tēv, ngaich min havantencha hēk nö i ngih elpanam; ngaich lā-al e min cha-a nö kiyung, ngaich kē-ĕ e, föngngö e ngaich nö i kūö tameūyö. Vīten në elpanam Yūtā chin min nö öt aṅhav nö öt iyöngö tö tarik.

YERIMIĀ 25:9

Yĕh meuk, tīnngö lamukkö yip miyöngö tarik chin aṅ lā kapā, ṙô ngam Mā Tēv, lamukken Nēpukatnēsar rācha aṅ Pēpilön tarik chu, kēten cha chin min nö lā-al ngih panam tö yip aṅkūö e inrē, lā-al vē pumnāmö tarik i chīṙö; ahatngen cha chin min, vīten cha inrē nö pinhë-eṅkūö, töhīsi, töt chanūhuvṙen inrē nö minṙēngö.

YERIMIĀ 15:8

Ṙūölöng ṙôngö yip tafiösi cha tö chu nö pōyen tö kuyāyö ngam mai; kētö lā-al yip yöngnyīö chin yöng yip ṙāl tarik tö famëlhanga i ra-nònglö ngam tavūöi; vīten miṙivlōn chin pinhë-eṅkūö inrē nöng löö nö fukkui cha.

YERIMIĀ 4:11

Ip hē angū-ö min öp ṙô min lamöö in vē tarik i Yērusalem inrē, tö ngö, Töṙāch öp kuföt löktö kui minë töngāṅsö kui rung im kuyāyö, tönyalnyi nö kū-ötö ip kikānö kūön yip tarik chu, rö-ö nö pintōngngö ṙòng sāiny hēk öt inhetlö,

YERIMIĀ 4:7

Ngaich ök lāyön nö ṙā-ang ip chūök re töyul, ngaich an nö kiröönngöre ngam famëlngö pumnāmö tarik; ngaich an nö ṙāngö ngam chūök re nö vīten ngam panam yīö nö töt-aṅhavkūö; taṙōli nup min elpanam yīö nö öt aṅ-havkūö.

Isayā 27:8

Ip kinlaha ṙôkö, hē meh tīnngörit ò, ngaich lā-al kūö ò me-eṅ; ngaich anga-aṅ nö kēngen ò nö aṅtī tö chanökhuṙenre ip sakāmö kuföt chuhöt.

Salmai 139:18

Yē chu kaheūkö u, ngaich samötlöng ṙôken anū-ö tö kuyāyö: yē chu aṅhen, ngaich ṙòngmöng in Meh chū-ö.

NGAM LĪPÖRE YŌP 29:18

Ngö lōn chū-ö ngaich, El chūök re chin min kapah, ṙūölö ṙôken sakāmö re inrē sā kuyāyö,

KAMHÔKA 7:12

Ngaich yik aṅ Mītiā tö yik aṅ Amelek inrē ṙòkhöre inrē yik kūön aṅ lā chuhöt nö hulalhaka nö el ngam achāṙö sā ṙôken mufākö tö ṙôngöre: öt kanṙeūken nuk ūṅt cha, sā kuyāyö i kūö mai tö ṙôkenre.

Ranehlö 41:49

Ngaich nup sāiny halinngen Yôsĕf nö sā ṙôken kuyāyö ngam mai, hanöngsaha ò nö ṙāngôṅre nö kaheuk; pò e nö öt kanṙeūken.

2 RĀCHA 12:17

Ngaich Hāsāĕl ök rācha aṅ Sīriā nö kiröönngöre nö kiyung nö lā-al Kāt ngaich kē-ĕ e: havöölökūöre ngaich Hāsāĕl nö chuh Yērusalem.

TANĪ-ĔL 11:17

Hachip kūö re min anga-aṅ nö yih nö holtö kumlēḵ ngam pūlngö ò nö keuheūtlöre, ngaich anga-aṅ min nö kumtö talöökö inlāmö ngaich hateungngö u ngaich anga-aṅ min nö kē-ĕkūö ò tö kūön kikānö pumyāingö ngam pūlngö; hö-ö pöri min angū-ö nö sökhaka, öt taneunglen ò inrē.

HAPAKŪK 1:17

Lökten an min nö chapngö aṅ inhāṅl re, ngaich inrē nö öt aṙē-ĕl tī re nö fëlngö vē pumnāmö tarik nöng iṙūöhö tī?