HAPAKŪK 1:8 - TÖHET LĪPÖRE (Re-edited) Bible (BSI)

⁸ Veut nup inrē kōra cha tö leōpāt, mötlö tanānyö inrē tö am el-inchōn tö harap; pirātngöre yip tarik cha aṅ uk kōra; hôṅ, ṙameū-eung tömarôvat yip tarik cha aṅ uk kōra; kiteū yip sā matēṙö tökurātö kūö nö mīktö nya-aṅkūö re.

HAPAKŪK 1:8 Referans Kwoze

YERIMIĀ 4:13

Yēh meuk, yih an sā taṙul, sā lamfeui kuföt nup inröl ò; veut nup kōra ò tö matēṙö, Aōla ayī-ö, pò hī ngaich lëlngö!

SEFAINIĀ 3:3

Sā ṙô lāyön yik kūön rācha ël e; yip ma-akah fālen in e höng sā am aṅ el inchōn tö harap; öt chöö-övkūö anū-ö nö söllö peuheū.

HŌSĪ 8:1

Kēhöt kūö ngam römpĕt nö elvāng meh. Sā yanīhih matēṙö an nö lā-al ngam patī ngam Mā Tēv: pò cha nö köölö fālen nö im kinlēḵngô chu, fāluṙen yin inrē nö im chöngö chu.

ISIKĪ-ĔL 17:3

Ngö ṙô, Ngö ṙô an ngam Mā Tēv: Hĕng nòng öp tökiröng matēṙö tökiröngö kël marôta rôngö kël inrē, kôlò sanôi nö ṙōlö mirun, yih nö i Lëpanön ngaich kēngö el kui öp sītör chōn;

YERIMIĀ 5:6

Lökten öp lāyön nö löktö el inchōn, löktö el nyaṅlnyi kuyāyö min nö kāḵngen cha. Lëpöt höng höngöre nö i nup elpanam cha, öp töng kumyī-inyre min nö ṙā-ang ël u panyeny tökūö u min nö teūchö; pòn pōyen nup tökööl cha, kiröng inrē nup ṙināngö ṙinātö ellōn.

I. CHÖNGÖ 28:49

Kētö pumnāmö tarik an min ngam Mā Tēv nö ṙā-ang tö maṙôvat nö lā-al meh, ṙā-ang ip manā-angkūö ngam tumlat, sakūö matēṙö nö kiteū; pumnāmö tarik yip tötmikah elnang meh ṙô min;

T. LŪKÖS 17:37

Ngaich ngö ṙô cha-a nö sap ṙô Ò, Mā; isuh? Ngaich ngö ṙô Anga-aṅ tö cha, I chūök ngam alaha, in e min nup matēṙö nö hamūlöre.

T. MËTIV 24:28

I chūök ngam tökapah, in e minë matēṙö nö hamūlöre.

ISIKĪ-ĔL 17:12

Ṙô-òv töngamuh i ngam patī töminôṙô, Öt akahakūö ömeh tö manah në? Vë-enynang cha, Yĕh meuk, yih ök rācha aṅ Pēpilön nö i Yērusalem, ngaich kē ök rācha ò tö yik kūön rācha ò inrē ngaich kēten cha nö in ò nö i Pēpilön.

INRĀMÖRE 4:19

Veut yip lamū-u hī tö nup matēṙö el taṙul; lū-u in tö cha i kui rôngö, hayūnö hī yip nö el-inchōn.

NGAM LĪPÖRE YŌP 9:26

Kiröönngöre anū-ö sā tafūyu kupòk, sā matēṙö tameungtöre nö i kui öp pôḵre,

Isayā 11:14

Ngaich cha-a min nö kiteūtöre nö el ranôṙö Filistain nö lā sūng; holre cha-a min nö hayëḵngen yip kūön aṅ lā chuhöt: kētö tīre cha-a min nö in Etöm Mô-ap inrē; ngaich yip kūön Amön min nö hang chöngö cha.

YERIMIĀ 48:40

Pòn ngö ṙô ngam Mā Tēv: Yĕh meuk hĕng tak öp min kumteū nö sā yanītö matēṙö, hanyāknyö këlre inrē nö lā-al Mô-āp.

YERIMIĀ 50:42

Ṙapkö linreiny re nup vöi inrē; töt milēḵ yik, ötaṅhavin inrē tö miṙēlōn. Sā ṙô mahūvö öp ṙënṙô cha; i uk kōra yik ṙak sā tarik i kinyūngö nö lā-al meh Ō kikānö kūön Pēpilön!

ISIKĪ-ĔL 26:11

Aṅtī tö nup kinsòh röön kōra ò min anga-aṅ nö röön el minë kanröönö yīö; fëlngö yip tarik yīö min anga-aṅ nö aṅtī tö sanët; fukngö min inrē nö el tumlat nup töngëḵ machööḵlö yīö.

NAHOM 2:5

Köpölōn anga-aṅ tö kanô-òṅre: kavē-ĕre cha-a ik kinröönngö cha; haveuttöre cha-a nö i kaha ngam kinlōngö halēn ap inrāngö inrē.