HAPAKŪK 1:7 - TÖHET LĪPÖRE (Re-edited) Bible (BSI)

⁷ Nganāng alaha yip pinhe-eṅ kūö inrē: löknyö in cha nup inkaha fālen minā-aṅ inrē.

HAPAKŪK 1:7 Referans Kwoze

Isayā 18:7

Hē e min angū-ö öp raneushö nö kētu im Mā Tēv yip tömaṙôngö aṅ in yip tarik tömaṙôngö aṅ in yip tarik tömarôlòng töfaṙëcha inrē aṅ in yip tarik inrē pinhe-eṅkūö hētentö ranehlö cha höng iṙūöhen; öp pumnāmö tarik öp mumchööḵngö ramööntö kui inrē öp tö panāmu tö tökāli ṙat tö nup tahël, ip chūök minë-eny ngam Mā Tēv yip tömaṙôngö i kui Rung Siyôn.

I. CHÖNGÖ 5:27

Kuṙòh haröhtöre man më-eṅ, hang nup ṙô ngam Mā Tēv min nö ṙô-òv, ngam Tēv hī ngaich ṙô-òv pömchö in ih ṙòkhöre, tö nup ṙô ngam Mā Tēv nö in meh, ngam Tēv hī; ngaich min īhö hangö u, ngaich la-evṙen tö u.

I. CHÖNGÖ 5:19

Um rēhĕn ulāya.

Isayā 18:2

Ngam tamīntö yip lööṙöṙô nö lök el mai, nö chōng tö līpöre nö i kui mai, nö ngö ṙô, Kuṙòh, yī-ö töveut ma-ahānga, chu ip pumnāmö tarik tömarôlòng töfaṙëcha inrē, in yip tarik pinhë-eṅkūö löktökūö ök ranehlö cha höng iṙūöhen; öp pumnāmö tarik öp mumchööḵngö ramöön tö kui inrē öp tö panāmu tö tökāliṙat tö nup tahël!

TANĪ-ĔL 2:31

Ō rācha, meuk man ngaich, yĕh meuk, öp tö kiröng insā. Anga-aṅ ngòh insā, tökalēḵ tölngö inmëlö inrē, sökhak nö i kūö meh, pinhe-eṅkūö inrē öp mineūkö ò.

Isayā 14:17

Ngam vamīngen ngih panam nö el tönyalnyi, ane inrē tumṙōlngö nuk elpanam in e; ngam töt lamuhnyö yik tökē-ĕ tö ò nö chuh patī re?

Isayā 47:8

Lökten hangihtöre tö ngih me-eṅ kumchikngenre i kumchiklōn, mi-iyöng ël töt vīnëku öm tö ngö ṙô ellōnre, Chū-ö chin, öt hōlu chin tö inrē; hö-ö chin sā anūchö tafīösi kikānö öt rēhĕn min öich akahakūö tö kinpahlöre tö kūön re;

SEFAINIĀ 2:15

Angū-ön ngih töṙāmölōn elpanam töt mahakūökö inlahenre nö iyöng, tö ngö ṙô nö ellōn re, Chū-ö chin, öthōlu chin tö tahëng: sitih öng pökeh nö öt aṅhaṅvkūö, chūök töṙeūla chehen nö ṙōlhaka! Ṙòkhöre yip chamöö-öng min nö sihngen ò ngaich aṅtī tö eltī re nö vë-eny törö-öv.