HAPAKŪK 1:6 - TÖHET LĪPÖRE (Re-edited) Bible (BSI)

⁶ Yĕh meuk, tö chu hachohlö yip aṅ Kāltī, yip tötainy tökurāten inrē nö pumnāmö tarik; yip kumröön nö lök ṙôktāk ngih tumlat, nö kē amin re tö nup elyöngö chūökö nup töt kanahngen cha.

HAPAKŪK 1:6 Referans Kwoze

2 RĀCHA 24:2

Ngaich ngam Mā Tēv, nö tīntö lā-al ò tö yik kumyung aṅ Kāltī, aṅ Sīriā inrē, aṅ Mô-ap inrē aṅ in yik kūön Amön inrē, tīntu cha-a nö lā-al Yūtā nö ahatngö e, sā ngam ṙô ngam Mā Tēv, ngam ṙô ò nö löktö eltī yik tarik ò pròfĕt.

YERIMIĀ 5:15

Yĕh meuk kētö kui yīö chin töp pumnāmö tarik ṙeū-eung tömarôvat, Ō patī Israel, ṙô ngam Mā Tēv. Töt keuheūt öp nö pumnāmö tarik aṅ i misī nö pumnāmö tarik, pumnamö tarik, öt huveū-eu ṙô yī-ö tö ëlô cha, öt rēhĕn yī-ö kô akaha elnang tö ṙô cha.

YERIMIĀ 25:9

Yĕh meuk, tīnngö lamukkö yip miyöngö tarik chin aṅ lā kapā, ṙô ngam Mā Tēv, lamukken Nēpukatnēsar rācha aṅ Pēpilön tarik chu, kēten cha chin min nö lā-al ngih panam tö yip aṅkūö e inrē, lā-al vē pumnāmö tarik i chīṙö; ahatngen cha chin min, vīten cha inrē nö pinhë-eṅkūö, töhīsi, töt chanūhuvṙen inrē nö minṙēngö.

Isayā 23:13

Yĕh meuk ngam panam yip aṅ Kāltī; öt ōtre yin vē tarik; tī yip aṅ Asīriā an angū-ö nö vīten e nö el tönyalnyi chūök töṙeūla: vīlö chūök re cha-a nö chônga, tiṙölngö nuk patī rācha cha-a umuh; vīten e an nö payāiyi.

YERIMIĀ 21:4

Ngö ṙô yin tö Sētikia, Ngö ṙô an ngam Mā Tēv, ngam Tēv Israel: Yĕh meuk, havanrit nup aṅtī kumyung chin min nup eltī meh nup aṅti meh inrē kiyung lā-al öp rācha aṅ Pēpilön lā-al yip aṅ Kālti inrē yip lā-uk minë kinlōngö nö havīlen yīö; kēten cha chin min nö holre nö ellōn ngih elpanam.

YERIMIĀ 4:8

Kūö e lökten öm hayutlöre tö sāk, harāmöre kihīökkūö, kalēḵ tanānyö ngam Mā Tēv nö öt havanritre nö ṙā-ang in hī

YERIMIĀ 4:6

Kū-ötö Sīyôn tī asöklö ap pantēra, un höng ngöh, tön kētö tötlöök chin ṙā-ang lā kapā, tökiröng inrē tinṙōlhanga.

2 KINṘÖTNGÖ 36:17

Lökten ò nö kētö lā-al cha tök rācha yik aṅ Kāltī, ök famëlngö yik ṙālö tarik cha nö aṅti tö sanët el ngam patī töhet chūök cha, ngaich nö öt miṙē-ĕvlōn nö i ṙālö tarik hēk rēlö, tököṅnyu tarik hēk tököinyu; kēten cha anga-aṅ nö ṙòkhöre nö eltī ò.

2 KINṘÖTNGÖ 36:6

Lā-al ò ngaich nö yih ang Nikōpetnēsör rācha aṅ Pēpilön, nyëkan ngaich tö sayōk nö kēngen ò nö i Pēpilön.

YERIMIĀ 4:11

Ip hē angū-ö min öp ṙô min lamöö in vē tarik i Yērusalem inrē, tö ngö, Töṙāch öp kuföt löktö kui minë töngāṅsö kui rung im kuyāyö, tönyalnyi nö kū-ötö ip kikānö kūön yip tarik chu, rö-ö nö pintōngngö ṙòng sāiny hēk öt inhetlö,

YERIMIĀ 8:10

Lökten chin min kētö yip pīhö cha nö i tahëng nup taṙeūḵ cha inrē in yip tö-mihôiṅ, pòn löktökūö tökūöṅnö söl i tökiröng öp yanālö tömichūṙen taneūngen; löktökūö pròfĕt söl i kūönṙô ṙòkhöre nö kēken michūṙen.

YERIMIĀ 13:20

Môklökūöre ngëicha inrē yip yamih nö löktö lā kapā. Isuh nup pököre tökētu nö in meh, nup tövai pököre meh?

YERIMIĀ 21:7

Ngaich unôich, ṙô ngam Mā Tēv, öich kēten Sētikia rācha aṅ Yūtā, tö yip tarik ò, tö yip tömaṙôngö inrē i ngih elpanam yip töt kapah tökūö ök invah tölëlngö kūö, tökūö sanët, kūö inyāichö inrē nö eltī Nëpukatrēsör rācha aṅ Pēpilön eltī yip lā-al cha inrē, eltī cha yip chamöh nômö cha. Fëlö cha min anga-aṅ nö aṅtī tö taseūkūö sanët; Öt aṙē-ĕlōn ap min tö cha, hēk öt ṙālen cha, hēk öt miṙē-ĕvlōn:

ISIKĪ-ĔL 16:40

Ngaich cha-a min nö kētö yip tömṙôngö nö lā-al meh, kuleh kui meh cha-a min inrē rökö meh inrē öm pinyënyö nö aṅtī tö nup sanët cha.

ISIKĪ-ĔL 21:31

Ṙösnyö ngam lanīnöre chin min i kui yīö; föötö kui yīö chin min aṅtī tö tameūyö lanīnö chu; kēten yīö inrē eltī yip tötmilēḵ tarik, töhuveū-en nö fëlhanga.

ISIKĪ-ĔL 28:7

Lökten, yĕh meuk, kētö aṅ tahëng chin in meh, yip tölngö pihë-eṅkūö pumnāmö tarik; Hōknyö sanët re yip min nö lā-al ngam tövai mikah meh nö hachōichngö vanāyömeh inrē.

ISIKĪ-ĔL 31:12

Tarik aṅ tahëng, tölngö pinhë-eṅ aṅ i pumnāmö tarik, kūölten ò min ngaich ṙāngen ò. I kui nup rôngö el nup achāṙö inrē nup pak ò min nö suktöre, hulalhak inrē nup pak ò nö laköl el nup talöökö mak ngam panam; ngaich ṙòkhöre yip tarik ngam tumlat min nö kiröönngöre nö ṙā-ang elnyat ò ngaich ṙāngen ò.

2 RĀCHA 24:1

I nuk sakāsmö ò ang Nēpūketnēsör nö yih ök rācha aṅ Pēpilön, ngaich Yēhōyakim nö lūöi samyeūheu nö tarik ò: havööngökūöre ngaich anga-aṅ nö lā-alkūö ò nö ahôngen ò.

YERIMIĀ 30:5

Ngö ṙô an ngam Mā Tēv, Hangṙô öp pinhë-eṅkūö in, pinhë-eṅkūö, rö-ö nö lanāmö.

YŌ-ĔL 2:3

Urēhĕkūö cha ngam tameūyö nö ṙāpngökūö; lā-unôich cha inrē ngam töhū nö ökngö kūö: ngam panam tö sā ök panô-òṅ Ĕten urēhĕkūö cha, lā-unôich cha inrē nö öt kôlò ngam tönyalnyi; hôṅ, öt hĕng tak tö cha tö öt kô-òngvah.