HAPAKŪK 1:4 - TÖHET LĪPÖRE (Re-edited) Bible (BSI)

⁴ Lökten an ngam chöngö nö hāṅaṅröön, ngam inkaha fālen inrē nöng öt kanô-òṅvö; pò ngam tötlöök; lökten ngam inkaha fālen nö hachōchi röön.

HAPAKŪK 1:4 Referans Kwoze

Salmai 119:126

Ngaich an nö ṙētak ngam Mā Tēv nö kētöre: pò cha nö harööḵngen ngam chöngö Meh.

NGAM LĪPÖRE YŌP 21:7

Kūöyòh ang ngòh tötlöök nö ngöh, söllö i ṙētöre, sīöplö inrē i minhôiṅyö?

YERIMIĀ 12:1

Ō Mā Tēv tölöök man, yē chu vë-eny miṙivlōnre in meh söönen chū-ö vë-eny ngam fālenre i kūö meh. Kūöyòh öng ngam talöökö tötlöök nö kôlò? Kūöyòh aich nö ṙòkhöre vē tömichūḵ chanökhuṙen nö kôlòṙen.

ISIKĪ-ĔL 9:9

Ngaich ngö ṙô anga-aṅ tö chu, Yahlö ṙôken ap nö kiröng fālen ngam patī Israel Yūtā inrē: tööḵlö an ngam panam tö mahām, tööḵlö inrē ngam elpanam tömichūḵṙen inkaha fālen; pò cha nö ngö ṙô, Ṙā-ayö an ngam panam tö ngam Mā Tēv, hö-ö an inrē ngam Mā Tēv nö ngëicha.

AMŌS 5:12

Pò chu akahalōn tö ṙôken nup öt lanöökö yīö tö kumlēḵ nup tökööl yīö inrē; yī-ö mahakihten tölöök, kamë ṙāi michūṙen mahavöökūö ngam yāich nö ikūö inkūp nö ṙā-ang im töchip.

HŌSĪ 10:4

Ṙô chanök alaha nup ṙô cha minyôiny-aṅ nö chūöku ṙô nö vī në kinlēḵngô: lökten öp inkaha fālen nö sīöplöre sā nup chōn tö masā alaha kūö nö el chūök tineūchö nö el panô-òṅ.

Isayā 5:20

Tökôlò yip cha-a yēḵ yip tölööku ṙô tö tötlöök, yip tötlööku ṙô inrē tö tölöök; yip ṙamātö sinngūlö nö hanātö, hanātö inrē nö sinngūlö yip ṙamātö tö-angūṅövö nö töpachāka, töpachāka inrē nö tö-angūṅövö!

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

MANEUTNYI 23:6

Uh man harīkngö inlaha fālen öp yāich meh i nup fālen ò.

MANEUTNYI 23:2

Um tömrit yip tömaṙôngö tölā-evṙen tö tötlöök; umrēhĕn ṙô-òvö öm havööngökūö yip tömaṙôngö öm harīkngö inkaha fālen:

RŌMA 3:31

Ngaich öi pökeh ayī-ö vīten ngam chöngö nö öt tinīlu, kūö ngam mikah? Un ngatī yēḵ: hö-ö, köpö tī in tö ngam chöngö.

INLAHEN 7:59

Ngaich kuleh kui Satēpan cha-a, hē ò nö havëkö ngam Mā, nö ngö ṙô, Mā Yēsū; kēḵ ngòh ma-alaha chu.

INLAHEN 7:52

Ök yòh ök pròfĕt tö rö-ö nö öthakôlöngṙô tö yik muvöhngö yīö? Ngaich cha-a inrē nö fëlngö yik mū-urĕh mahameuktö yanihih ngam Tölöök. Yī-ö yin kamëḵngen Ò töngamuh, famëlngen Ò inrē;

T. MĀKÖS 7:9

Ngaich ngö ṙô Anga-aṅ tö cha, Kô-òngrit yin sōḵo chöngö ngam Tēv, pò yīö hòṅ haköp fālenre.

Salmai 94:3

Mā Tēv, irô-òten ang min ngòh tötlöök nö mihôiṅ?

Salmai 59:4

Öt fāluṙen chū-ö, fal cha-a nö halēnöre: chōholre Më-eṅ yēḵ holṙen chu Öm Ngëicha.

Salmai 59:2

Ṙānyen chu ṙā-ang i yip töla-evṙen tö tötlöök: hayööken chu, ṙā-ang i yip tö yal tö mahām.

AMŌS 5:7

Yī-ö mahavāngtö inkaha fālen nö im tö angū-öṅvö, ngaich afukngö töchiplö nö el tumlat.

YERIMIĀ 26:8

Ngaich hē Yarimiā nö keuheūtö ṙô tö në nö ṙòkhöre tinölô ò tö ngam Mā Tēv, nö vë-ekūö yik tarik nö ṙòkhöre, ngaich yik kūönṙô tö yik pròfĕt ṙòkhöre inrē yik tarik nö kētö tīre nö in ò, nö ngö ṙô, Kapah man min!

YERIMIĀ 12:6

Pòn pòrô yip mëm meh yip aṅ patī ök yöng meh inrē, ngaich acha-a inrē nö michū chanökhuṙen nö in meh; pōitô yip nö ayôṙâ nö lā-unôich meh; um ṙātö ellōn re in cha pòrô cha-a nö vāyö ṙô tö meh.

Salmai 22:16

Havīlöng chin tö në am kalōngi kūö chin tö vē töla-evṙen tö tötlöök: tufunngö eltī chu yin, uk röön chu inrē.

Salmai 11:3

Yē minë rööntö nö tiṙōli: suh ap kanô-òṅ ngam tölöök?

1 RĀCHA 21:13

Nak tönët tak inrē tarik, nak kūön sāṙen, kuhēthötre ngaich ūichhaka nö i kūö ò: ngaich nak tarik sāṙen nö sūöichkö fālen Nëpòt, nö i kūö yik tarik, nö ngö ṙô, Ötlēkôre an Nëpòt tö ngam Tēv töp rācha inrē. Ngaich cha-a nö chātngen ò nö lā uk ök elpanam, kulehan ngaich nö aṅtī tö ihong, ngaich kapah anga-aṅ.

Salmai 22:12

Havīlen chu nun në kōiny nuā; tökalēḵ kōiny nuā aṅ Pāsan nö havīlen chu.

Isayā 59:12

Pòn ṙūölöre ṙôken në tanôichngen ih nö i kūö meh nö tökööl ih inrē nö hameuktöre nö lā-al ih; pò në tanôichngen ih nöng in ih, akahalōn in tö në kanöölöre:

YERIMIĀ 8:7

Pòrô nup Istòk chehechōn el minë halīöngö sön nö akahakūö tö ṙētak re; nyö-öṅ inrē, likup, krēn chehechōn inrē haköp ṙētak re nö yih; öt akahakūö pöri vē tarik chu tö chöngö ngam Mā Tēv.