HAPAKŪK 1:3 - TÖHET LĪPÖRE (Re-edited) Bible (BSI)

³ Kūöyòh ömeh hameukhömat chu tö ötlanöökö ngaich hōten chu meuk inhôngen? Pòn I kūö chu kinīlö chehen chanökhuṙen inrē: kinlöönö ngaich ap umuh, sīöplö inrē linā-alkūö.

HAPAKŪK 1:3 Referans Kwoze

YERIMIĀ 20:8

Yē chu höng ṙô-òvö chū-ö, hūnyôre chū-ö, cha-nökhuṙen tinṙōlngö inrē! Pò ngam ṙô ngam Mā Tēv nö vītöre nö in chu nö minṙēngö pinhë-eṅkūö inrē sumkāmu nö marô-òten.

Mumkahten 5:8

Yē meh meuk yāich nö hakihtuṙen ip töhĕng panam kē-ĕyö inrē kinṙôka töt michūḵṙen mikahlōn inrē nö filīnyiyö, um pingangkūö tö e angū-ö; pò yip lamā tulöng mā nö aṅtu tö ngam lātulöng, ōtngöre ap lamātulöng tö cha.

2 PĪTÖR 2:8

(Pò ngam tölöök tarik nö iyöng in cha i mineūkö, hināngö inrē, kihngen ellōn nö öt hĕng hang sumkam nö i nuk tölöök la-en cha):

T. MËTIV 10:16

“Tinngen yīö Chin, höng sā pököre el ṙôngö aṅ el-inchōn am; lökten yin, sā huneū-en pēch, sā nyö-öṅ un fāluṙen tö töchōich inrē.

ISIKĪ-ĔL 2:6

Me-eṅ pöri, kūön tarik, um pa-ekūö tö cha, un rēhĕn pa-ekūö tö ṙô cha, pòrô nup töchökhu kaha chōn nö in meh ūichhak me-eṅ inrē i kui nup ka-ëp; um pa-ekūö tö ṙô cha, um rēhĕn ngangngökūö tö mineūkö cha, tön patī ma-ahôngen yip.

Mumkahten 4:1

Hēk chū-ö meuk nup inkihten tö harunkaṙen el katòh ngam tavūöi. Yĕh meuk, nup mak mat tö hakihtuṙen, ngaich cha-a nö öt hĕng tak mahaṙamkölōn! Lā in yip mahakihten cha ap kumlēḵ, ngaich öt hĕng tak umuh mahaṙamlōn cha.

YERIMIĀ 15:10

Aōla chū-ö me-eṅ yöng chu kikānö tö meh kayôḵyen chu öich tarik kanihngen linā-alkūö inrē ing panam nö ṙòkhöre! Hö-ö chin kēngö töhaṙūöngö, öt rēhĕn öich haṙūöng, sön cha-a nö ṙòkhöre nö rūtngövah chu.

YERIMIĀ 20:18

Kūöyòh öichu meutnyi ṙā-ang el chūök kanūönö öich meuk kanihngen miṙivlōn inrē, ngaich keuheūtngö në sakāmö re i sinrōngkūö?

Isayā 5:7

Pò ngam panô-òṅ vāin ngam Mā Tēv yip tömaṙôngö nö ngam patī Israĕl, yip tarik Yūtā inrē nö tölöök nö chōn: ngaich anga-aṅ nö ngëichkö inkaha fālen ngaich höng meuk pineūnyö.

Isayā 46:12

Hangihtöre tö ṙô chu, yī-ö töngë-eṅ ellōn, öi tömarôvat tö lanöökö: