HAPAKŪK 1:16 - TÖHET LĪPÖRE (Re-edited) Bible (BSI)

¹⁶ Lökten an nö hakāḵ ngam inhāṅlre, föng tötahūsa inrē nö im tö tūökö inhāṅl re; pòn lökten in u nö pōyen minchööḵö, pōyen kāḵ inrē.

HAPAKŪK 1:16 Referans Kwoze

HAPAKŪK 1:11

Ngaich anga-aṅ inrē nö kumröön ngam kuföt, ngaich fālūṙen, kôti inrē nö fāluṙen: anga-aṅ ngam tö im Tēv re kumlēḵ.

TANĪ-ĔL 5:23

Ngaich pöri me-eṅ hatāilö re lā-al ngam Mā ngam halīöngö; ngaich minë chūökṙen aṅ ngam patī ò nö kētu nö i kūö meh, me-eṅ hēk tö yip mā in meh inrē, tö yip pīhö meh, tö yip pīhö meh töl inrē nö òk vain nö ël u; ngaich me-eṅ ha-öiny tēv rupīö humlum inrē, mās, vët, chōn, ihong inrē, nup tötmeuk, öthang, öt-akahakūö, ngaich pöri ngam Tēv ngam tö-aṅhaṅv eltī tö unhômö meh, ngam tö-aṅhaṅvin inrē tö nup talöökö meh, nö öt eū-eu tö meh.

TANĪ-ĔL 4:30

Ngö ṙô ngaich ök rācha, Röh öng nö ngih tökiröng Pēpilön, nö vahīlö chu i kumlēḵ chöngö chu nö elyöngö rācha nö ineū-euṅ minā-aṅ chu inrē?

ISIKĪ-ĔL 28:3

Kô-en man akaha tö Tanīĕl; öt nyatngö töhayunka nö in meh;

I. CHÖNGÖ 8:17

Ngaich ngö Ṙô më-eṅ ellōnre, Ngam minhôinyö chu an kumlēḵ kël chu inrē tö teūngen töng kanôlò chu.

ISIKĪ-ĔL 29:3

ṙò-òv, ngö ṙô, Ngö ṙô An ngam Mā Tēv: Yĕh meuk, la-al meh chin, Fërō rācha aṅ Aikup ngam tökiröng tulan töhulalhaka nö ellōn minë töhëm mak ò, ngam tö ngö ṙô, Kanahngen chu an Nail; vahī chu ana.

Isayā 37:24

Miṙēngen ngam Mā man ngaich öm lökten in yip tarik meh, ngaich inrē öm ngö ṙô, Holtönë töpōyen chin inröl min öich yih i kui minë tömarô-òl kui rôngö, öich asöl hötre in nup latuhēt alaha Lëpanön: ngaich chū-ö min inrē kūöltö nup sītör chōn tömarôlòng nup för inrē chōn tölöök umuh: ngaich kuhēthötre chū-ö min el ap manā-angkūö rô-òlkui ap in ò, in öp el inchōn ò töpòyen aṅkūö tö ṙòng el panô-òṅ ò.

Salmai 22:29

Ṙòkhöre yip tökiröng alaha ing panam min nö nyā-av-kūö, salām inrē: ṙòkhöre cha-a inrē yip chamuh el tumlat nö sōntöre nö i kūö ò, anga-aṅ inrē öp tötkô nö haköp nômöre nö aṅ.

YERIMIĀ 44:8

Kūöyòh öi harunnyö tanānyö chu i nup la-en minë kuntī yīö, föng tötahūsa i tahëng tēv im panam Aikup ngam chūök yīö yih iyöng öi hōten re rökiṙen ngaich vītöre rinôichngen nāichngen inrē in vē pumnāmö tarik ngih tumlat?

YERIMIĀ 44:17

La-evṙen pöri min tö nup chūökṙô ih kilēḵngôre, föng tötahūsa i kūö ngam ranī ngam halīöngö ṙösnyö fanòh alaha ò inrē, sā ih ngaich īhö ṙung tö yik yöng ih, rācha ih, kūön rācha ih inrē, i nup elpanam Yūtā el kanröönö Yērusalem inrē; pò ih hē e pōyen nyā-aṅkūö, kôlò inrē, öt meuk tötlöök inrē.