HAPAKŪK 1:15 - TÖHET LĪPÖRE (Re-edited) Bible (BSI)

¹⁵ Keuheūtlöre tī an nö ngaich tö cha nö nyaha tö vòk, kē-ĕ cha an nö el inhāṅlre, hamūlö cha inrē nö ël tötūökö inhāṅl: lökten an nö haṙamlōn re nö ṙāmölōn.

HAPAKŪK 1:15 Referans Kwoze

AMŌS 4:2

Im hanë töre chūök ṙô an ngam Mā Tēv, tö e, yĕh meuk, nup sakāmö min nö teunghö kui meh, tö cha min nö kēngen meh nö aṅtī tö vòk, yip chööḵ yīö inrē nö nyāha tö vòk kāḵ.

YERIMIĀ 16:16

Yĕh meuk, maṙôngö tahīnti chin tö kamëḵ kā, ṙô ngam Mā Tēv, ngaich cha-a min nö kē-ĕ u; ngaich unôich chū-ö maṙôngö tahīntö tö mahacheūḵ, ngaich hacheūḵeu cha, keuheūtkui rôngö rung inrē, el kinluhu ihong inrē.

Salmai 10:9

Sā lāyön nö el chūökre, nö el öp ranuptö kui re, hayun yip yāich an nö hulalhaka: ngaich kē öp yāich anga-aṅ yĕn ngaich nö haṙöihöt ò nö el inhāṅlre.

INMEUKHÖMAT 11:10

Ngaich cha-a yip mī-iyöng kūö ngam panam nö kuchīkölōn tö cha, ngaich nö ṙāmölōn inrē; ngaich cha-a min nö kö söömngö inlōnti nö in höö; pò pròfĕt nö öthakôlò yip mī-iyöng kūö ngih panam.

T. MËTIV 17:27

Ngaich pöri, hòṅ hī öt pô-òvkūö tö cha, Kuṙòh, kiröönngöre man; chuh el mai, sumngö vòkre pömchö; ngaich kēḵ öp kāḵ mu-urĕhlö; tuvāḵnyö elvāng ò; ngaich hĕng tāk min öp rupīö kanôtökūö meh, Kē-ĕ e me-eṅ; ngaich kētö e in cha, tī hānyöre.

ISIKĪ-ĔL 35:15

Sā meh ṙāmölōn i kui ngam amin ngam patī Israel, tökūö e nö öt aṅhaṅvkūö, ngatī chin min lök alaha meh; öt aṅhaṅvkūö man min, Rung Sēir keuheūtngöre Ētöm inrē, ṙòkhöre angū-ö. Ngaich cha-a min nö akahalōn tö chu öich Mā Tēv.

ISIKĪ-ĔL 26:2

Kūön tarik, pò Tūrös nö ngö ṙô tö inlahen Yērusalem, Ā, taṙöli ap nö ngaich inkūp yik tarik, ngaich ap nö löpnyukūö nö in chu; tööḵlö chin min, pò e nö ngaich nö tiṙöli,

ISIKĪ-ĔL 25:6

Pòn ngö ṙô ngam Mā Tēv: Pò meh fatāk eltī re tirep röönre inrē ṙāmölōn inrē holtö kumnyah elmat re öm in re lā-al ngam panam Israel,

YERIMIĀ 50:11

Pòrô yin ṙāmölōn, pòrô yin eu-eūre, Ō yī-ö kamil chehen ngam amin chu, pòrô yin yal tö kiyôp sā kun nuā, ngaich hatōha sā kōiny kōra inrē.

Isayā 19:8

Harāmöre min inrē yip kamëḵ kāḵ, ṙòkhöre cha-a inrē min yip kamvalhöinykūö nö el öp Nā-il nö haṙīvölōn, cha-a inrē min yip ṙamātö inhaṅl nö el nup mak nö cheingö.

T. MËTIV 13:19

Yĕn hĕng tak öp hamang ngam ṙô ngam pūlngö, ngaich rö-ö nö akaha-elnang tö e; ngach yihtöre ngam tötlöök nö kēkngö nup töngaich nö teūichtu nö ellōn ò. Anga-aṅ an töteūichtuvö nö i taseū talöökö.

YERIMIĀ 5:26

Pòn kôti yip tötlöök tarik nö in yip tarik chu; hayun cha-a sā tumngöp chehechōn nö hulalhaka nö höng. Ṙātö tinngöp cha-a; ngaich kô-òngvah tī tö tarik.

HAPAKŪK 1:14

Ngaich öm vīten tarik nö sā kāḵ el mai, sā töṙeūla chehen, nup töt mahayönguvö?

HAPAKŪK 2:5

Hôṅ, hēk inrē ngam vāin nö mahachīlngövah pôḵre, mahakeūlenre nö tarik,tötköp inrē nö i patī re; ṙamūönyö ṙôktö lōn re sā anūlö kupah, sā kinpaha an inrē, nö töng öt hantööḵngenṙen, in re tī pöri nö hamūl pumnāmö tarik nö ṙòkhöre, afônglö yip tarik inrē nö in re.