HAPAKŪK 1:13 - TÖHET LĪPÖRE (Re-edited) Bible (BSI)

¹³ Me-eṅ tö mötlö hanëtö elmat öm tötkô meuk tötlöök, töt kô inrē öm meuk inhôngen, kūöyòh öm hatīönken cha yip mahachīlngö vah tī re, ngaich öm höng öt ṙô-òv hē ngam tötlöök nö ngeūṅktö ngam tarik tö mötlö lanöökö tö ò?

HAPAKŪK 1:13 Referans Kwoze

Salmai 50:3

Yih an min ngam Tēv hī, öthō nö chēvhakaṙen: urēhĕ kūö ò min öp tameūyö töṙāpngö kūö, payavlöng min inrē öp tökalēḵ chanô-chö nö havīlen ò.

Salmai 10:15

Likölngö takeun kël ngam tötlöök man: ip tötlöök pöri tarik, chöh öp ötlanöökö ò hanöngsaha meh öt kanô-tuvökūö.

2 SAMUĔL 4:11

Öt mötlö hòng, yē tötlöök tarik nö fëlngö tölöök tarik nö el chamamre nö el patīre, röh öich töngamuh hòṅ havëköp mahām ò eltī nā, öich kēngen nā ṙā-ang i kūö ngih tumlat?

INLAHEN 2:23

Anga-aṅ tökē-ĕ, sā ngam töha-ehangen inlēnngenre tö ngam Tēv; ngaich harātu tö yīö, fëlö inrē, nö lökngö eltī yip tötlöök tarik;

Isayā 64:12

Ō Mā Tēv ṙāpöre ömeh in u? Öt hòṅ ṙô-òvö ömeh, hakihten ih inrē öm kalē-ĕtī?

Isayā 33:1

Tötkôlò man me-eṅ, me-eṅ kamil töt chehenre, ngaich rö-ö me-eṅ kīlö chehen; me-eṅ inrē tömichūḵ chanökhuṙen, ngaich cha-a nö öt michūḵ chanökhuṙen tī nö in meh! Yē meh ṙāngenre kil töt chehen re, ngaich kīlö min me-eṅ; yē meh keheūten michūḵ chanökhuṙen, ngaich cha-a nö in meh.

Isayā 21:2

Vënyu an nö in chu ngam tömeūkö tökihngen; ngam tömichūḵ inlahen nö i vahīṙen re tītö michūḵṙen inlahen nö i la-en re, kil an ngam kamil, Kuṙòh, Ō Ēlām; kayīngtöre, Ō Mītiā ṙòkhöre nup tin-ūnen meh nö vītu tö chu nö ṙāngenre.

Salmai 83:1

Ō Tēv, uh Man hachēvngenre: Ō Tēv, um öt ṙô-òv, um öt halöinyköre inrē.

Salmai 73:3

Pò chu kunyahaṅ elmat tö töyaha ṙô: hē chu meuk kanôlò tötlöök.

Salmai 50:21

Anū-ö nun inlahen meh, ngaich höng öt ṙô-òv chū-ö: ngö lōn më-eṅ ngaich tö chu öich töng sā meh. Vëken meh chin min, ngaich hachī-pö u min nö i kūö meh.

Salmai 35:22

Ō Mā Tēv, meūkö e man ngaich, uh man yēḵ öt ṙô-òv: Ō Mā, uh man yēḵ marôvat tö chu.

NGAM LĪPÖRE YŌP 15:15

Yĕh meuk, öt hanyatlöre an ngam Tēv nö in yip töhet in ò, öt het ngam halīöngö inrē nö i kūö ò:

ESTÖR 4:14

Pò meh yē meh öt ṙô-òv öm hē ngih töngamuh, ṙinānyu yip min Yahūti tahëng kang chūök, më-eṅ pöri min tölëlngö töp patī ap yöng meh. Chiap tö-akahalōn töp lökten meh yih ing pūlngö tökūö ngih lohten töngamuh?

1 RĀCHA 2:32

Havantu an min ngam mahām ò nö i kui ò, pò ò nö Fëlngö nak tönët tak tarik tömötlö lanöökö tö ēhten inrē tö ò, ngaich fëlngen cha nö aṅtī tö sanët, öt akahalōn ök yöng chu Tāvit tö e, nā Apnör ök kikōnyö kūön Nör, yöngkūö kumyung aṅ Israĕl, Amāsā inrē ök kikōnyö kūön Yētar, yöngkūö kumyung aṅ Yūtā.

NGAM LĪPÖRE YŌP 21:7

Kūöyòh ang ngòh tötlöök nö ngöh, söllö i ṙētöre, sīöplö inrē i minhôiṅyö?

Salmai 18:26

Hameuktöre më-eṅ min het i yip töhet: hameuktöre më- eṅ min hapungtöre in yip kamānngöre.

Salmai 25:3

Hôṅ, öt hĕng tak min tösi-rōngkūö yip hamöktöre nö in meh: sirōngkūö yip min acha-a yip tö löknyu chööḵ-nyi nö ulāingövah tīre.

Salmai 35:17

Mā Tēv, irô-òten öm min höng hatīöna? Kēnyö ngam nômö chu ṙā-ang im finëlngö tö cha, ngam töng hĕng in chu, ṙā-ang im lāyön.

Salmai 35:25

Un hökiṙen nö ngö ṙô nö ellōnre; Ā, ngaich in teūngen tö e! Un hökiṙen nö ngö ṙô cha-a, Ngaichvahkūö in ngeūkten ò.

Isayā 24:16

Löktökūö manā-angkūö ngam tumlat in hang tinkökö ineū-eu ngam tölöök. Ngö ṙô pöri chū-ö, Lëvngö chin chū-ö, lëvngö chin chū-ö, tötkôlò chin chū-ö më tömichūṙen chanökhutī, michūṙen chanökhutī nö ngaich; hôṅ, ngaich an ngam tömichūṙen chanökhutī nö michūṙen chanökhutī.

INRĀMÖRE 3:36

Nö hachōichngen tarik im chööḵnyö ò, öthō-en e an ngam Mā.

HAPAKŪK 1:14

Ngaich öm vīten tarik nö sā kāḵ el mai, sā töṙeūla chehen, nup töt mahayönguvö?

SAKARIĀ 8:17

Un hĕng tak tö yīö tö ellōn re lōn tö tötlöök nö lā-al holre; ui hāngenlōn inrē chūökuṙô i minyôiny-aṅ tön anū-ömin ṙòkhöre surīkhö chu, ṙô ngam Mā Tēv.

I. CHÖNGÖ 23:15

Un kētu tö meh nö ip mā ò öp mameutngö tarik ò nö chuh in meh:

NGAM LĪPÖRE YŌP 24:23

Kētö kanöpö cha anga-aṅ, holṙen cha inrē; el talöökö cha inrē nup mat ò.