HAPAKŪK 1:12 - TÖHET LĪPÖRE (Re-edited) Bible (BSI)

¹² Röh öm me-eṅ ṙameū-eung im töt chanūhvṙen, Ō Mā Tēv, Tēv chu, me-eṅ Töhet öm in chu? Hö-ö in min kapah. Ō Mā Tēv, hachöngten meh an nö inkaha fālen; me-eṅ inrē, Ō ihong, vamīten ò nö chanökṙen.

HAPAKŪK 1:12 Referans Kwoze

I. CHÖNGÖ 32:4

Ngam Ihong, töteung ap la- en ò: Pòn ṙòkhöre nup talöökö ò nö inkaha fālen: Tēv kanô-en an öt aṅhāṅv-in inrē tö tötṙong, Tölöök an töchip inrē.

Salmai 90:2

Urĕh tö insīöpnyö në rôngö hēk, urĕh tö tī meh vīlö ngih tumlat, tö ngih panam inrē: ngaich höng me-eṅ Tēv, töt ranehluvö, töt manāngenvö.

I. CHÖNGÖ 33:27

Elyöngö meh an ngam Tēv tö-örheūheu-aṅ, elkatòh inrē nup kël töt chanūhuvṙen: ngaich anga-aṅ nö kuringnyö ngam lā-almeh nö ṙā-ang i kūö meh, nö ngö ṙô, ahatngö tīre.

YERIMIĀ 46:28

Um pa-ekūö, Ō tarik chu Yāköp, ṙô ngam Mā Tēv, tön holtöṙah meh chin. Ahatngö yip pumnāmö tarik chin min yip chūök meh ahōṙiyö tö chu, hö-ö pöri chū-ö min ahatngen meh. Chökṙen meh chin halöök ṙôkö tīre, öthētu inrē öich ṙāngen meh öt chöken.

YERIMIĀ 30:11

Pò chu in yīö öich hayööken yīö, ṙô ngam Mā Tēv; keuheūtngörit yip pumnāmö tarik chin min yip chūök yīö pirātiyö tö chu, hö-ö pöri yī-ö keuheūtirit tö chu. Chökṙen yīö chin min öich löökö tī, öthō min inrē ṙāngen yīö öi öt sācha.

Salmai 93:2

Köp an ngam kantēra Meh ha-ëheten misī: aṅ i ngam töt chanūhuvṙen Man.

HEPRĀI 13:8

Hĕngren An Yēsū Kristū tök vahë, tötaheui inrē, hôṅ, örheūheu inrē.

1 TIMÒTĪ 6:16

Töng hĕng tak nö töt kinpahavö iyöng el ngam töyang töt yanihken; ngam tö öl nö meūkö tö tarik, öt rēhĕn nö kô nö meuk: Kanôlò Ò yēḵ minhôinyö inrē örheūheu Āmen.

1 TIMÒTĪ 1:17

I ngam Rācha tö örheūheu-aṅ, töt chahū-uyö, töt maneūken, töng hĕng nö Tēv, ineū-euṅ, kanôlò yēḵ örheūheu. Āmen.

INLAHEN 3:14

Ngaich pöri yī-ö mahngen ngam Töhet, ngam Tölöök inrē; ngaich havëkö ök famël tarik nö kētu nö in yīö.

MALAKI 3:6

Pò chu öich Mā Tēv töthaṙīköre; lökten yin, Ō yī-ö kikōnyö kūön Yāköp, öi öt keuheūtngöre vah.

HAPAKŪK 3:2

Ō Mā Tēv, hang ineūkö meh chin, ngaich pa-ekūö chū-ö: Ō Mā Tēv, ha-aṅkö ngam la-enre man ël në samyēuheu, el në samyeūheu mikahtöklōn tö e; fēkö miṙēlōn hē el lanīnö.

MAIKA 5:2

Me-eṅ pöri, Petlihem Efrata, öm tökūöṅnö in yip tököṅnyu i Yūtā, hĕng tak ap min lamöknyö in meh nö yih nö in chu nö mahayöngö Israel; ṙameū-eung i tö misī ap kinröngö ò, nö ṙameū-eung im töt chanūhuvṙen.

ISIKĪ-ĔL 30:25

Hangëkö kël öp rācha chin min aṅ Pēpilön, sukngöre pöri min nup kël Fërō; ngaich cha-a min nö akahalōn tö chu öich Mā Tēv. Hē chu kētö eltī ngam rācha aṅ Pēpilön tö ngam sanët cha, silônyen ò min anga-aṅ nö lā-al ngam panam Aikup;

INRĀMÖRE 5:19

Me-eṅ pöri, Ō Mā Tēv, öt chanūhuvṙen öm hayöng; köp an ngam kantēra meh i tumköl chap tarik,

Isayā 43:15

Chū-ö chin Mā Tēv, Töhet in Meh, Vamīlen Israĕl, öp rācha yīö.

Isayā 40:28

Hö-ö ömeh akahalōn? Öt hang ömeh? Tö ngam tö-örheūheu nö aṅ Tēv, ngam Mā Tēv, ngam Vamī-il në manā-angkūö ngam tumlat, nö öt chaṙīvi, öt rēhĕn nö cheingö; ÖT Chanöhen öp mikah elmat ò.

INMEUKHÖMAT 1:8

Chu-ö Chin Alfa, Omeka inrē, ngö ṙô ngam Mā Tēv, Öich töha-ehelen misī, Öich yamih, Tökeuheūttöre Chöngö.

Isayā 49:7

Ngö ṙô An ngam Mā Tēv, ngam ṙāmānyen Israĕl ngam Töhĕng Töhet inrē, tö ngam tö yāich nāichngen, tösō-ovö tö pumnāmö tarik, ngam tarik aṅ i mahayöng: meuk min yip Rācha chōholre inrē; kūön rācha, cha-a inrē min fātngökūöre; kūö ngam Mā Tēv, ngam tökô-en, Töhĕng Töhet in Israĕl, ngam kamtöllen meh.

Isayā 37:26

Hö-ö öm ngaich hang tī chu misī tö e marô-angen, ngaich vīlö e hē nuk misī? Ngaich chin töngamuh hateungtökūö e, tö meh min öm piyāingö nup tökinlōngu panam nö payāi nö fônghakṙen.

Salmai 118:17

Öthō chin min kapah, aṅ pöri: ngaich ve-eny nup la-en ngam Mā Tēv.

Salmai 18:1

Ō Mā Tēv, kumlēḵ chu: hāngen chin tö meh.

Salmai 17:13

Ō Mā Tēv, asahan, afukngen ò: aṅtī tö ngam sanëtre man ṙānyö ngam nômö chu ṙā- ang im tötlöök.

2 RĀCHA 19:25

Hö-ö meh hang tī chu misī tö e marô-angen? Ngaich vīlö e i tö misī? Ngaich Chin töngmuh hateungtö kūö e, Hòṅ meh piṙāptökui nup tökinlōngu elpanam nö fônghak nö payāyi.

1 SAMUĔL 2:2

Öt hĕng töhet nö sā ngam Mā Tēv: Pò meh öt hōluvö Öt rēhĕn ihong tö sā ngam Tēv hī.

INMEUKHÖMAT 1:11

Ngö ṙô, Minë maheuṅk meh, kūichngö u i mat līpöre, ngaich söömngö e i nup tö sat māṅ; löö Efisös, Ismörnā inrē, löö Pörkamöm, Taitiriā inrē, löö Sārtis, Filitalfiā, Laotisiā inrē.

YERIMIĀ 5:18

Pòrô pöri i nup sakāmö anū-ö, ṙô ngam Mā Tēv, öthō chū-ö min ahatngen yīö.

YERIMIĀ 4:27

Pòn ngö ṙô ngam Mā Tēv, Keuheūtngöre an ngam panam min nö öt aṅhavkūö; hö-ö pöri min chū-ö ahatngen e takô.

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

Ranehlö 21:33

Ngaich Aprahām nö teūich ök chōn tamaris nö i Pirsipā, ngaich havëkö minë-eny ngam Mā Tēv, ngam tö örheūheu-aṅ nö Tēv.

Salmai 102:24

Ngö ṙô chin, Ō Tēv chu, uh Man kēngen chu lökngö ṙat në sakāmö chu: kamheuṅk tumkölchap nup samyeūheu Meh.

Isayā 31:1

Tötkôlò yip cha-a yip chamuh Aikup nö lukkö holṙen re, chūökre inrē tö kōra; hayönglenre inrē nö i inröl, pò cha nö maṙôngö, i tarik aṅ uk kōra inrē, pò cha nö tökalēḵ; hö-ö pöri cha-a nö ngëichkö ngam Töhĕng Töhet in Israĕl, öt rēhĕn nö chöh ngam Mā Tēv!

Isayā 37:23

Achiāp miṙēngö meh öt lahēkö el nang meh inrē, lā-al chīö öm inrē öm hapōilö ṙô re môklökūöre inrē öm lātulöng? Öm höng lāklö ngam Töhĕng Töhet in Israel.

HAPAKŪK 3:6

Sökhaka anga-aṅ ngaich kalah ṙôkö ngam tumlat; ngëicha anga-aṅ, ngaich ahōngö pumnāmö tarik nö parāti: parāti ngaich rôngö töha-ëhelen, sōnngöre nup kun rung tö ha-ëhelen. Sā tö misī nuk kinröönngö ò.

MALAKI 3:5

Ngaich yih chū-ö min haröhtöre in yīö im inkaha fālen; ngaich chū-ö min sā öp töveūten mameuk lā-al yip vamīngen, lā-al yip ma-asĕha, lā-al yip töminyôiny-aṅ nö chūökṙô; lā-al cha inrē yip mahakihten töhaṙāyö alaha nö I nup raneushö cha, tafīösi, kūönyōich, cha-a inrē yip mahavööngö kūö aṅ tahëng nö ṙā-ang im töchip, tö pa-ekūö inrē tö chu, ṙô ngam Mā Tēv yip tömaṙôngö.

Salmai 74:12

Sön ngam Tēv nö Rācha chu i tö misī: vītö inyööken nö el ngih tumlat.

Salmai 90:1

Mā Tēv, Me-eṅ elyöngö ih: i tumkölchap.

Salmai 149:2

Ṙāmölōn An yēḵ Israĕl nö in Ò ngam Vamī an: hökngen yip kūön Siyôn yēḵ nö ṙāmölōn, im Rācha re.