HAPAKŪK 1:11 - TÖHET LĪPÖRE (Re-edited) Bible (BSI)

¹¹ Ngaich anga-aṅ inrē nö kumröön ngam kuföt, ngaich fālūṙen, kôti inrē nö fāluṙen: anga-aṅ ngam tö im Tēv re kumlēḵ.

HAPAKŪK 1:11 Referans Kwoze

TANĪ-ĔL 5:20

Hē ò pöri nö hachônglö ellōn re nö lātulöng ngëḵngöre inrē öp ellōn ò lökten ò nö hakeū inlahen re, ngaich anga-aṅ nö kē-ĕyö nö ṙā-ang el öp kantēra re nö rācha, ngaich kē-ĕyö ngam kanôlò ò nö ṙā-ang in ò;

YERIMIĀ 2:3

Töhet an Israel nö im Mā Tēv, lanòhlòng nup hamūl ṙòng ò. Ṙòkhöre yip nyamā-aṅ e nö töfāluṙen; teunghukui yip min tö tötlöök, ṙô ngam Mā Tēv.

HAPAKŪK 1:16

Lökten an nö hakāḵ ngam inhāṅlre, föng tötahūsa inrē nö im tö tūökö inhāṅl re; pòn lökten in u nö pōyen minchööḵö, pōyen kāḵ inrē.

NGAM LĪPÖRE YŌP 12:6

Lām nup rūkui tötūmu, köp inrē yip maharunnyö lanīnö ngam Tēv, yip tö kumtö tēvre nö eltī re.

Isayā 10:13

Pò ò nö ngaich nö ngö ṙô, I kumlēḵ kël re chin keuheūten ngaich tö e, i mikah chu inrē; pò chu tö-akaha: ngaich chin inrē kēngö kūö panam yip tarik, ngaich inrē öich ulāingen cha tö nup chehen cha, ngaich kumten cha chū-ö inrē öich sā tökalēḵ tarik yip amūchhak nö el kantēra rācha:

TANĪ-ĔL 4:27

Ō rācha, lökten man hō-o ngaich inlēnö meh tö chu; litòk nup tökööl lökten in inrūnöre i lanöökö, nup öt kanöölö meh inrē lökten i inmeuktö miṙēlōn i töhakihtuṙen, hòṅ e nö amāhaiṙen nö ṙūötu rô-òten ngam lanāmö meh.