FILIPĪ 4:9 - TÖHET LĪPÖRE (Re-edited) Bible (BSI)

⁹ Nup haköp yīö, kahëḵ yīö, hĕng höre ahang yīö, maheuṅk yīö inrē in chu, anū-ö kahëken yīö: ngaich ngam Tēv lanāmö nö holtöṙah yīö.

FILIPĪ 4:9 Referans Kwoze

YĀKÖP 1:22

Kamëkö kaha ngam ṙô yin yēḵ; un höng hamang, öi hachīlöre.

FILIPĪ 3:17

Kahōlö, ṙòkhöre yin yēḵ asīnken chu; mikahngen cha yip töngatī talöökö nö sā ih, nö inchōken yīö.

2 PĪTÖR 1:10

Lökten, kahōlö, haṙūöttökūöre öi vīten ngam invëkö yīö, kintöllö yīö inrē, nö köp.

T. YÔHAN 13:17

Akahalōn yin yih ngaich tö u; tökôlò yin, yē yīö la-evṙen tö u.

FILIPĪ 4:7

Ngaich ngam lanāmö ngam Tēv, ngam chamööḵngö taṙòkhöre mikah min, nö aṅtö nômö, lōn yīö inrē, in Kristū Yēsū.

RŌMA 16:20

Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

2 KÒRIN 13:11

Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

T. LŪKÖS 6:46

Pò yòh öi, Mā, Mā ngö ṙô öi havëken Chu; ngaich rö-ö öi la-evṙen tö nup ṙô Chu?

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

T. MËTIV 7:21

Rö-övö yin min nö ṙòkhöre nö kuhēthötre nö im pūlngö ngam halīöngö, vē töngö ṙô tö Chu, ‘Mā Tēv, ‘Mā Tēv,’ höng vē töla-evṙen pöri tö lōn ngam Yöng Chu, aṅ el halīöngö.

2 TÖSALÒNIKĒ 3:4

Nyanatluvö in im Mā, i inlaha yīö öi la-evṙen, hĕnghöre la-evṙen min inrē tö nup ṙô ih tölṙô yīö.

1 TÖSALÒNIKĒ 1:6

Ngaich yī-ö ma-asīnken ih, ngam Mā inrē, öi teūngen ngaich tö ngam ṙô holtö inkôlò, holtö ṙanāmölōn inrē aṅ im Töhet Fanöinylö;

1 TÖSALÒNIKĒ 5:23

Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū:

RŌMA 15:33

In yīö ṙòkhöre an yēḵ ngam Tēv lanāmen. Āmen.

T. YÔHAN 2:5

Ngaich ngö ṙô ök yöng Ò kikānö tö yik mahalanṙen, Höng hōḵ pöichö, yē ṙô Ò tö yīö.

T. LŪKÖS 8:21

Ngaich ngö ṙô Ò nö sap ṙô cha, Ngam yöng Chu kikānö ane inrē yip hanöngkisānö Chu, cha-a yip hamang ṙô ngam Tēv, ngaich haköpngöre.

1 TÖSALÒNIKĒ 2:14

Kahōlö, pò yīö ngaich asīnken nup māṅ ngam Tēv, mi-i Yūtā öi in Kristū Yēsū: pò yīö yī-ö inrē kihngen ngatī tö tī yip aṅ panamre, sā cha cha-a tö tī yip Yahūti;

1 KÒRIN 10:31

Lökten yē yīö nya-aṅvkūö òk, hēk nup töng vahīken yīö, vīken u nö ṙòkhöre nö kanôlò ngam Tēv.

I. CHÖNGÖ 5:1

Ngaich Môsös nö havëten yip Israĕl nö ṙòkhöre, ngaich ngö ṙô tö cha, Ō Israĕl, hangihtöre yin tö në chöngö në inkaha fālen inrē nö ṙô chu el nang yīö töngamuh, hòṅ yīö haköpö u, ngaich köpen la-evṙen tö u.

INLAHEN 9:6

Ngaich kichëyöre anga-aṅ, pingangkūö inrē; ngaich ngö ṙô tö Ò, Mā! Asuh ap lōn Meh, la-en chu? Ngaich ngö ṙô ngam Mā tö ò, Choholre man; kuhēthötre im panam; vënyu nang man min töp la-enre.

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

2 TIMÒTĪ 4:22

Holtöṙah ap ma-alaha meh an yēḵ ngam Mā. Inlōnti yēḵ in meh.

1 KÒRIN 14:33

Pò ngam Tēv nö öt Tēv ötlanënen, kumchikṙen pöri, sā i nup Māṅ yip töhet.

T. YÔHAN 15:14

Hol chu yin yī-ö, yē yīö la-evṙen tö nup tinöölô yīö tö Chu.

1 YÔHAN 3:22

Ngaich yē nup havëkö hī, teūngen ayī-ö in Ò, pò hī haköp në chöngö Ò, ane inrē la-evṙen tö tölöök nö i kūö Ò.

T. MËTIV 1:23

Yĕh meuk; ap tötchô-òv rēlö min puyōsö: kikōnyö ap min nyīö töfötnyuvö; Immānu-el invëka ap min Mine-eny Ò, tö cha. “Höltöṙah hī An ngam Tēv” töngö manah an ngam ṙô “Immanū-el.”

Isayā 8:10

Halēnöre holṙen re, ngaich angū-ö min nöng öt teunglen; ṙô-òv tö ngam ṙô, ngaich öt köp min angū-ö: pò ngam Tēv nö in hī.

1 KÒRIN 4:16

Lökten chin ve-ekūö yīö asīntöre yin yēḵ in chu.