FILIPĪ 4:8 - TÖHET LĪPÖRE (Re-edited) Bible (BSI)

⁸ Manā-aṅ, kahōlö, nup taṙòkhöre töng kô-en, nup taṙòkhöre töng tö ineū-euṅv, nup taṙòkhöre töng löök, nup taṙòkhöre töng het, nup taṙòkhöre töng hanāngen, nup taṙòkhöre töng löökö ineūkö; yĕn tölöökuvö in e, yĕn ineū-euṅvö inrē in e, fēkö u anū-ö.

FILIPĪ 4:8 Referans Kwoze

YĀKÖP 3:17

Ngam mikah pöri ṙamā-ang lātulöng nö hanëtö raneh, lanāmen, hēk ṙanēmen, tövanë-enkūö, tööḵlö tö miṙēlōn, tölöök la-en inrē, öt īnu tö intölten, innyatkö elmat inrē.

TAITÖS 2:7

I tökeuheūttöre, hameuktöre me-eṅ inchōten tölöök la-en, i inköphöti tö meh; hameuktö tölöök, öt tinyāchen.

2 KÒRIN 8:21

Pò ih lōn tö tölöök, öt höng i kūö ngam Tēv, tön i kūö tarik inrē.

KALATĪ 5:22

Në pöri ṙòng ngam Töhet Fanöinylö. Hanāngenlōn, ṙanāmölōn, lanāmö, manöiyö, miṙēlōn, lanöökö, kanô-en.

1 PĪTÖR 2:12

Hökngen ngam inlahen yīö nö löök nö i yip aṅ elkahôyö, hòṅ cha yip tötlööku ṙô tö yīö, nö hatīönken yīö, ngaich haköp i nup tölöök la-en yīö, ngaich ha-öiny ngam Tēv im sakāmö chinöhkö.

HEPRĀI 13:18

Ve-elkui ih: tön mikah tuṙen in töre öi lööken elkuilōn, öi hòṅ chiplö i taṙòkhöre.

1 TIMÒTĪ 4:12

Un tarīku mahakeūngen ṙētö meh, inchōten cha pöri me-eṅ, yip ṙāmātö ellōnre, i ṙô, i inlaha, i hanāngenlōn, i mikah, i hanëtö.

EFISÖS 5:9

(Pò nup ṙòng aṅ ngam hanātö, nup taṙòkhöre, nö tölöök, ötmichūṙen, kanô-en inrē),

TAITÖS 1:8

Kētöre pöri nö i miṙūöt, tö hāngen tö lanöökö, öt saṙāki lōn, ötmichūṙen, het, haṙāttökūöre;

1 YÔHAN 3:3

Ngòh töngatī maheūṅkka nö in Ò, ahetlöre anga-aṅ, sā Ò Anga-aṅ nö het.

1 PĪTÖR 1:22

Yĕh meuk tö yīö ngaich ahetlö yip ma-alahare im öt inhôngen ngam kanô-en i ngam töt höng tötöl hanāngen yīö tö holre, hāngenlōn tö höö löklö ellōnre nö kalēḵ:

TAITÖS 3:14

Hökngen yip tarik hī inrē nö haköptöre nö kēkö kaha tölöök vahīṙen nup töt ṙanāngen, hòṅ cha nö ṙônguvö.

RŌMA 13:13

Sāre tö el sakāmö, tā-a, töi lök im lanënen; un im tin ṙōlen, hinyōyö inrē; un im yanahlö lōn tö töchōich, öt miṙē-ĕv inrē, un linā-alkūö, minūötngö inrē.

INCHŌḴ-OṘÔ 20:7

Lök i mikahre ön ngòh tölöök tarik tökôlò yip kūön ò unôichrit ò.

YĀKÖP 1:27

Ngih ön töhet falngen im Tēv, öt töchōich inrē, ngih chinöhkö kūönyōich, tafīösi inrē, i nup kanihngen cha; haköpngöre inrē un pitōtuvö tö aṅ ing panam.

1 YÔHAN 3:18

Yī-ö nyīö, uh yin höng im ṙô hanāngenlōn, unrēhĕn nöng i litāk; i la-en pöri, kanô-en inrē.

TAITÖS 2:2

Hòṅ yip tököiny tarik, nö öt saṙākiṙen öt tayāchaṙen, öt saṙākilōn, lööken im mikah, i hanāngenlōn, i manöiyö:

2 KÒRIN 13:7

Vë-ekūö ngam Tēv in töngamuh, hòṅ yīö öt la-evṙen tö tökööl; öt kūö hī hòṅ meūkö löök, hòṅ yīö pöri la-evṙen tö öp tö eū-eu, pòrô öi mī-i tökööl.

KÒLÒSĪ 4:5

Lök i mikah yin in cha yip töt akaha, haṙënngö ngam ṙētak.

1 PĪTÖR 4:8

Möthë tö u, öi kô-en hanāngenlōn inrē; tön hanyatngö nup töpōyen tökööl an ngam hanāngenlōn.

2 SAMUĔL 23:3

Ngö ṙô an ngam Tēv Israĕl, vë-ekūö chu an ngam Ihong Israĕl: ngam töchīpö tī nö hayöng tarik, ngam mahayöng i pinhë-eṅkūö tö ngam Tēv.

RŌMA 13:3

Pò vē mahayöng nö öt pinhe-eṅkūö tö löökö la-en, tön ngam tötlöök. Hòṅ öt pinheṅ-eṅvkūö öm me-eṅ? la-evṙen chĕi tö tölöök, ngaich löknyö in e ineū-euṅ min me-eṅ:

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

FILIPĪ 3:1

Manā-aṅ kahōlö, ṙāmölōn im Mā, rö-ö chin chei höng hĕngretī kūichhöti in yīö, pòn lanak yīö angū-ö,

RŌMA 2:29

Yahūti pöri anga-aṅ ngam lā tuhēt; ngaich ngam tunnyinyngö nö aṅ im ellōn, im ma-alaha, öt im kinūichö; öp töt aṅ i tarik ineū-euṅ, aṅ im Tēv pöri.

Isayā 26:7

Tölöök an ngam talöökö töchiplen: ngaich me-eṅ töchiplen hachōtö talöökö yip tölöök.

INCHŌḴ-OṘÔ 31:31

Kē-ĕkūö ò tö nup ṙòng kuntī ò, hökngen nup la-en ò nö ha-öinyan nö i kūö inkūp.

1 TIMÒTĪ 2:2

Chööḵnyô tö vē rācha, yip taṙòkhöre inrē el lātulöng chūök, hòṅ hī lök im tö lām, tö ṙēm inlaha inrē i nup taṙòkhöre lanöökö, öttinyāchen inrē.

1 TIMÒTĪ 5:10

Tölöökö ineūka nö i tölöök la-en; yē ò nö haruklö nyīö, yē ò nö haṙūötken aṅ tahëng, yē ò nö söichröön yip töhet, yē ò nö meukṙen tökihngen, yē ò nö ṙūöten nö tömken tölöök la-en.

I. CHÖNGÖ 16:20

Tömrit nup töchip më-eṅ nö ṙòkhöre, hòṅ meh aṅ, amīnu inrē töm panam ngam kahëtö ngam Tēv meh ngam Mā Tēv nö in meh.

EFISÖS 6:14

Lökten söklöre, nyëkṙatre tö ngam kanô-en, lanak elngòh tö ngam lanöökö;

1 TÖSALÒNIKĒ 4:12

Hòṅ yīö lök i ötmichūṙen in cha yip aṅ lā-uk, ngaich öt hēngö hanāten.

EFISÖS 4:25

Lökten ṙāngö minyôinyaṅ, kö kô-òṙô in höö, tön töhēngö alaha in ayī-ö.

2 KÒRIN 6:8

I kanôlò, öt kanôlò inrē; i tötlöök ineūkö, tölöök ineūkö inrē; sā mahachīl, ngaich sön tökô-en;

INLAHEN 10:22

Ngaich ngö ṙô cha-a hĕng taka ap yöngṙen töhēngòng kumyung, ang Kòrnëli, talöök ap nö tarik tö pa-ekūö inrē tö ngam Tēv, tö eūnyu inrē tö vē Yahūti; ve-evkūö ap tö ngam Tēv, nö lökten ik töhet ma-ahānga, nö hōtu nö tīnngö mahavëten meh i patī ò; hōtu inrē nö hang nup ṙô meh. Havëhötnen cha ngaich anga-aṅ, ngaich hachūöklen cha.

T. YÔHAN 7:18

Ngòh töng ṙô töre, lamukkenre nö hòṅ eū-eu. Ngòh lamukkö ineū-euṅ ngam tamīntöre, anga-aṅ tökô-en; öt īnu anga-aṅ tö michūṙen.

T. LŪKÖS 2:25

Hĕng taka ök umuh tarik i Yerūsalem, Sumōn ök minënyö ò; tötmichūṙen ök anga-aṅ, ane inrē tö pa-ekūö tö ngam Tēv hamöngkökūö öp inṙamlōn Israĕl; īnu anga-aṅ tö ngam Töhet Fanöinylö.

T. MĀKÖS 6:20

Pò Hērôt nö pa-ekūö tö Yôhan; pòn akahalōn tö ò nö tölöök, töhet inrē, nö tarik; ngaich nöng lākan. Ngaich hē ò nö hang ṙô ò, ngaich ṙamölōn nöng hang ṙô ò.

INCHŌḴ-OṘÔ 11:1

Sin-òṅkkūö ngam Mā Tēv an ngam tö minyôiny kinlah lumngan, kumchiklōn ò pöri ngam tölöök kinlah lumngan.

NGAM LĪPÖRE RŪT 3:11

Kūön chu kikānö, yĕh ngaich, um pa-ekūö; ngaich chin min kētöre in nup ṙô meh: pòn ṙòkhöre vē tarik aṅ ngam elpanam nö akahalōn tö meh kikānö tölöökö inlahen.

T. LŪKÖS 16:15

Ngaich ngö ṙô Anga-aṅ tö cha, Yī-ö yin mahalöököre i kūö tarik; akahalōn pöri ngam Tēv tö ellōn yīö. Pò ngih töhapōilöng nö i tarik, nö tösōḵovö nö i kūö ngam Tēv.

1 KÒRIN 4:5

Lökten un akahavö urēhĕkūö ngam ṙētak: hanöng saha yanihihh ngam Mā; ngam kamënyö nup tö hayunngöre min el sinngūlö, nö im hanātö; ngaich hameuktö nup löktö lōn tarik. Ngaich ṙòkhöre min kö teūngen tö i neū-euṅre tö aṅ im Tēv.

INLAHEN 22:12

Ngaich hĕng tak ök tarik, ök tö teūngen tö la-enre nö sā ngam chöngö, ang Ananī, tö eūnyu tö yik taṙòkhöre Yahūti mī-iyöng muh, yihtöre anga-aṅ nö in chu.

Sòlòmön 5:16

Tölngö pinchākö ap ṙô ò; keuheūtlöre inrē anga-aṅ nö lōn. Anga-aṅ ön ngòh hanāngen chu ngòh inrē hol chu, Ō kikānö kūön Yērusalem.

Ranehlö 18:19

Pò Chu akahalōn tö ò, pòn hōḵtu angā-aṅ nö tölṙô yip kūönre yip aṅ patī ò inrē, unôichrit ò, pòn hōḵtu chā-a nö haköp talöökö ngam Mā Tēv, nö öt harööḵngen i kinṙôka, inkaha inrē; pò ngam Mā Tēv nö hòṅ kēḵtö kui Aprahām tö ök ṙô Ò tö ò.

1 YÔHAN 4:1

Kahōlö, un ṙātö ellōnre i töng ma-alahaṙa, kalah yip ma-alaha pöri yē cha nö aṅ im Tēv; tön pōyen yik nö ngaich töminyôiny pròfĕt nö chuh i në panam.

1 TIMÒTĪ 5:2

Yip tököiny kikānö sā ṙētö yöng; yip manāngö sā ṙētö kanānö, ṙòkhöre nö i hanëtö.

T. LŪKÖS 23:50

Ngaich hĕng tak ök tarik, Yôhsĕf ök mine-eny ò, ök yöngṙen, tölöök ök nö tarik, tökô-en inrē;

INCHŌḴ-OṘÔ 31:29

Maṙôngö yip kikānö tövāyen la-en, saṙaklöng pöri me-eṅ tö cha nö ṙòkhöre.

INCHŌḴ-OṘÔ 16:11

Aṅ im Mā Tēv öp tölöök kinlah lumngan; la-en ò nup el inyul tökalaha lumngan.

INCHŌḴ-OṘÔ 12:4

Ngòh tö akaha pīhö kikānö sapīöv ngam pīhö re, ngam kikānö pöri kamëtö sumrōngkūö sā tö chahū-uyö el tangëḵ ò.

1 TIMÒTĪ 3:4

Tö lēnö tī nö hayöng patīre, kūönu tö yip töt maha-ôngen, holtö öt tinyāchen,

INLAHEN 6:3

Kahōlö; lökten yin yēḵ ngëichkö yip tö sat tak tarik in re, tö eūka mikah, tö īnu tö ngam Töhet Fanöinylö, mikah inrē; nö vahīlö ih in e angū-ö la-en.

T. MËTIV 22:16

Ngaich tīnngö yik mahaköp nö in re cha-a, nö holtö yik aṅ in Hērôt, ngaich ngö ṙô cha-a, Mahaköphöti; akahalōn in tö Meh tökô-en, im kanô-en Man inrē haköptö talöökö ngam Tēv Öt hĕng tak chumkūöṙen inrē; pò Meh öt ngëichkökūö tarik.

INCHŌḴ-OṘÔ 31:10

Chiāp tökô nö kôtökūö tö tö-akaha inpīhö? Mötlö ana tö töpōi yanöṅtö.

HEPRĀI 11:2

Pòn in e cha-a yik mā misī nö kumtö ineūkö nö in cha.

1 TIMÒTĪ 3:11

Ngatī vē kikānö inrē nö un tayāchaṙen un samūöcha, öt saṙākiṙen, kô-en i tökeuheūttöre.

2 KÒRIN 8:18

Ngaich ihö inrē tintö hol Ò, tö hol, ngam tö-eūnyu nö im tölöök inhāṅga, keuheūtngöre chūök i në māṅ;

2 SAMUĔL 1:23

Vai nak nā Sôl nā Yônatan tölöök i saha cha nö aṅ, Öt köhngen cha-a tö höö inrē i kinpaha re: Veut nak töma- tēṙö, Kalēḵ nak tö lāyön.

2 PĪTÖR 3:1

Kahōlö, innëtö līpöre ön ngih töngamuh kahūichtö chu in yīö; i mat u nö nëtre öich harunlö nup tökô-en ellōn yīö, i finëlö yīö;

Salmai 82:2

I ṙô-òten öi min yī-ö, öt chiplen akah fālen: ngaich atöltuṙen tö vē tötlöök?

RŌMA 14:18

Ngòh mi-in e lök la-en Kristū, tölngö ṙanāmölōn ngam Tēv, tö hōḵov inrē tö tarik.