FILIPĪ 4:7 - TÖHET LĪPÖRE (Re-edited) Bible (BSI)

⁷ Ngaich ngam lanāmö ngam Tēv, ngam chamööḵngö taṙòkhöre mikah min, nö aṅtö nômö, lōn yīö inrē, in Kristū Yēsū.

FILIPĪ 4:7 Referans Kwoze

T. YÔHAN 14:27

Ṙā-akūö yīö Chin tö ngam kumchikṙen. Kētö ngam kumchikṙenre Chin in yīö. Öt sā tī ngih panam Chin kē-ĕkūö yīö. Uh yin röiyö ellōn; Ui rēhĕn pa-ekūö lōn.

Isayā 26:3

Haköpö ò man min nö i kumchikṙen takô, öp tököpngö ellōn nö in meh: pò ò nö hayönglenre nö in meh.

2 TÖSALÒNIKĒ 3:16

Ngaich An ngam Mā lanāmö nö kē-ĕkūö yīö tö lanāmö, nöng örheūheu. In yīö an ngam Mā öi ṙòkhöre.

KÒLÒSĪ 3:15

Hökngen ngam lanāmen ngam Tēv nö hayöng nö ellōn yīö, ngam chūök invëtö yīö im tö hĕng alaha.

Salmai 29:11

Kētö kumlēḵ yip tarikre an min ngam Mā Tēv: aṅtī tö lanāmö an min ngam Mā Tēv nö hakôlò yip tarik re.

KALATĪ 5:22

Në pöri ṙòng ngam Töhet Fanöinylö. Hanāngenlōn, ṙanāmölōn, lanāmö, manöiyö, miṙēlōn, lanöökö, kanô-en.

RŌMA 15:13

Ngam Tēv mineūka an yēḵ, mahatööḵngen yīö tö ṙanāmölōn, kumchikṙen inrē, im ṙinātö ellōn: hòṅ yīö ṙuhölre im mineūka, lökten i minhôiṅyö ngam Töhet Fanöinylö.

T. YÔHAN 16:33

Ṙô Chu nun në tö yīö, hòṅ yīö in Chu kumchikṙen. Kihngen yin min ing panam; ui pa-ekūö pöri; ngaich Chin mihôiṅ töng panam.

RŌMA 8:6

Pòn kinpaha kuilōn ngam alaha: nômö pöri kuilōn ngam ma-alaha, kumchikṙen inrē.

RŌMA 5:1

Sā hī ngaich halööklöngö lökten im mikah, ta-a töi lām im Tēv lökten ngam Mā hī Yēsū Kristū;

EFISÖS 3:19

Ane inrē akahalōn tö ngam hanāngenlōn Kristū, ngam chamööḵngö mikah, hòṅ yīö tööḵlö tö nup taṙòkhöre tanööḵlö ngam Tēv.

Isayā 48:18

Mah hangṙô chu man öre i minë chöngö chu! Ngaich öre ngam lanāmö in meh nöng sā tahël, ngam lanöökö meh inrē nöng sā mahūvö ngam mai:

NGAM LĪPÖRE YŌP 22:21

Ṙongtalōn im Tēv, lāmhak inrē; lökten in e min tölöök nö yih nö in meh.

RŌMA 14:17

Tön rö-ö an ngam pūlngö ngam Tēv nö nyina-aṅvkūö, inôkö inrē, tön lanöökö, lanāmö, ṙanāmölōn inrē, im Töhet Fanöinylö.

Isayā 48:22

Ngö ṙô an ngam Mā Tēv öt lanāmuvö umuh in yip tötlöök.

INMEUKHÖMAT 1:4

Tī Yôhan nö löö i nup tö sat māṅ nup i Āsi: Inlōnti yēḵ in yīö, lanāmö inrē, ṙā-ang in Ò, ngam töngamuh, tö ha-ehelen misī inrē, ngam yamih inrē; ṙā-ang i yip mi-ikūö ngam kantēra;

T. LŪKÖS 1:79

Inhatlömat yip amūichhaka nö el sinngūlö im kinpaha; ane inrē inchōköröön hī el ngam talöökö kumchikṙen.

2 KÒRIN 13:11

Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

KINṘEŪKÖ 6:26

Hachônglö kūöre An ngam Mā Tēv nö i kui meh, ane inrē kētö kumchikṙen meh.

T. LŪKÖS 2:14

Kanôlò ngam Tēv yēḵ nö el halīöngö kumchikṙen nö el tumlat, hanāngenlōn nö i tarik.

Salmai 85:8

Hòṅ hangihtöre chin tö ṙô ngam Tēv, ngam Mā Tēv: pò Ò min nö ṙô tö lanāmö, nö i vē tarik re, i yip töhet inrē; uh pöri cha-a nö halöngtuṙen nö havanngöre nö im kumlō-ov nö hēk.

FILIPĪ 4:9

Nup haköp yīö, kahëḵ yīö, hĕng höre ahang yīö, maheuṅk yīö inrē in chu, anū-ö kahëken yīö: ngaich ngam Tēv lanāmö nö holtöṙah yīö.

INCHŌḴ-OṘÔ 6:22

Yē meh kiröönngöre, hachōkūö meh anū-ö min; yē meh hulalhaka, aṅten meh anū-ö min; yē meh inrē aṅhen, vë-ekūö meh min anū-ö.

Isayā 26:12

Mā Tēv vītö lanāmö man min in ih: pò meh ngaich inrē la-evṙen tö nup la-en ih öm ṙënngen ih.

INCHŌḴ-OṘÔ 4:6

Kē mikah; kē mikah elmat, uh an nö ṙā-ayö, ngaich köpti min anga-aṅ tö meh; hāngenlōn tö ò ngaich anga-aṅ min nö aṅten meh.

RŌMA 1:7

Löö i yip mi-i Rōma nö ṙòkhöre, hanāngen ngam Tēv, havëtu nö töhet; Inlōnti yēḵ, kumchikṙen inrē aṅ im Tēv, Yöng hī, aṅ im Mā inrē Yēsū Kristū.

INCHŌḴ-OṘÔ 2:11

Aṅten meh an min ngam huneū-eu elmat; aṅten meh min ngam mikah elmat;

NAHIMIĀ 8:10

Ngaich ngö ṙô anga-aṅ tö cha, ʽʽKiröönngöre yin ngaich nyā-aṅkūö tö tösangöö òk töpachāka vāin inrē ngaich söömngö kintölö ò öp töt halēnkuṙen: tön töhet ön ngih sakāmö nö im Mā hī; uh yin haṙīvölōn, tön ngam kumlēḵ yīö an ṙanāmölōn nö im Mā Tēv.ʼʼ

YERIMIĀ 33:6

Yĕh meuk, kētö lanööken chin min in e inpēt vah inrē, ngaich chū-ö min hapĕt vah cha ngaich pōyen hameukti in cha tö kanôlò innyatlö inrē.

Isayā 45:7

Vī hanātö chin, vīlö sinngūlö inrē; vī lanāmö chin, vīlö öt kanôlò inrē; chū-ö chin Mā Tēv, öich vamī në nö ṙòkhöre.

HEPRĀI 13:20

Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.

NGAM LĪPÖRE YŌP 34:29

Yē ò nö chēvhaka, chīö tökô nö kētö sācha? Yē ò nö hayunngö kūöre, chīö tökô nö meūkan, pòrô nö pumnāmö tarik hēk tarik?

INMEUKHÖMAT 2:17

Ngòh tö elnāngu, hökngen ò nö hangihtöre tö ṙô ngam Töhet Fanöinylö, tö në māṅ. In ò kē-ĕvkūö tö chu tö aṅ im töhayūni manna, ngaich kē-ĕkūö ò min chu-ö inrē tö tö-isoh ihong hĕng, ikui ap ihong hĕng öp tufömngöre mine-eny nö kūichiyö, öp öt huneū-euṙô töhĕng tak, höng anga-aṅ öp töteūngen tö e.

NGAM LĪPÖRE KAHŪICH YŪT 1:1

Tīnngö sinlāmö ön Yūt, kūönkūö Yēsū Kristū, kahëm Yāköp, i yip töhavëka, hanāngen im Tēv Yöng, yip töhaköpka tö pòkūö Yēsū Kristū inrē:

FILIPĪ 1:2

Inlōnti yēḵ in yīö, lanāmö inrē aṅ im Tēv Yöng hī, aṅ im Mā inrē Yēsū Kristū.

YERIMIĀ 32:16

Unôichrit tī chu kētö ök kinlēḵngô invahal in Pārök ök kikōnyö kūön Nērīya, Vē-ekūö ngam Mā Tēv chū-ö ngaich, öich ngö ṙô:

2 KÒRIN 10:5

Tiṙōlngö nup chanöhlōn, nup tö hapōilöngö inrē nö lā-al ngam inkaha ngam Tēv, kēḵhöt nup lōn inrē nö inkövö im öt inhôngen Kristū;

FILIPĪ 1:1

Pôl Timòtī inrē, töhakövö in Kristū Yēsū, yip taṙòkhöre i Filipī, töhet in Kristū Yēsū, holtö yip Pisköp, Tīkön inrē:

FILIPĪ 4:19

Ngaich ngam Tēv chu min nö hatööḵlö nup hanāṅten yīö sā nup kanôlò Ò, ineū-euṅ in Kristū Yēsū.

FILIPĪ 4:21

Salām yip töhet ṙòkhöre in Kristū Yēsū. Salāmö yin tö vē kisānö in chu.