FILIPĪ 4:6 - TÖHET LĪPÖRE (Re-edited) Bible (BSI)

⁶ Un piṙūtkuvö; i nup tökeuheūttöre pöri, höng i vinë-ekūötēv, vinë-elkui inrē, holtö nöinyö, öi mikahtölōn ngam Tēv tö nup havëkö yīö.

FILIPĪ 4:6 Referans Kwoze

1 PĪTÖR 5:7

Pehtö nup taṙòkhöre pinṙūtölōn yīö, in Ò; tön Anga-aṅ an töchumkūöṙen tö yīö.

Salmai 55:22

Hakeunlö lumngan re man im Mā Tēv, ṙapken meh An min: öt hētu An nö halöngngen tölöök nö kē-ĕyö.

T. MËTIV 6:8

Uh yin sā cha; tön akahalōn An ngam Yöng yīö, tö nup lōn yīö, urēhĕkūö ṙô yīö, ve-ekūö Ò.

YERIMIĀ 33:3

Havëken chu ngaich chū-ö min sapṙô yīö, vë-eny nang yīö inrē tö nup tökiröngen tönyatngö inrē nup öt mikahlōn yīö.

INCHŌḴ-OṘÔ 16:3

Im Mā Tēv tī man tö la-enre, ngaich köp min nup halēnlö meh.

Salmai 62:8

Yī-ö tarik, hayönglenre in Ò örheūheu: hōngnyö vōknyö ellōn re i kūö Ò, innyatlö hī An ngam Tēv.

KÒLÒSĪ 4:2

Iṙuhen haköpöre im vinë-eṅkūötēv, hönga in e hol tö nöinyö;

EFISÖS 6:18

Holtö vinë-eṅkūötēv, vinë-eṅlkui inrē, örheūheu vë-ekūötēv; īnu tö ngam Töhet Fanöinylö; hīnöre inrē, pītnyöre, vë-elkui taṙòkhöre inrē vē töhet;

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

T. LŪKÖS 18:1

Ngaich hēngö ṙô Anga-aṅ nö in cha, tö inchōḵoṙô; nö ve-ekūötēv; sōtu nö uhā-en.

T. LŪKÖS 12:22

Ngaich ngö ṙô Anga-aṅ tö yik mahaköp, Lökten Chin ngö ṙô tö yīö, Uh yin paṙūtalōn im nômö yīö, tö nup nya-aṅkūö yīö min; ui rēhĕn paṙūtalōn im alaha, tö hilā yīö min.

Salmai 51:15

Ō Mā, löpnyö kūö në minuh chu: hòṅ ngih elvāng chu nö hameuknyö nöinyö meh.

KÒLÒSĪ 3:15

Hökngen ngam lanāmen ngam Tēv nö hayöng nö ellōn yīö, ngam chūök invëtö yīö im tö hĕng alaha.

1 SAMUĔL 30:6

Pōiyen kanihngen ngaich ang Tāvit, pò yik tarik nö vë-ekūöre nö hòṅ kulehan tö ihong, kūö yik tarik nö ṙòkhöre nö haṙīvö ellōn, kö haṙivlōn tö kūönre kikōnyö tö kūönre kikānö inrē: hangë-eṅl alahare pöri Tāvit nö im Mā Tēv ngam Tēv ò.

EFISÖS 5:20

Ha-öiny ngam Tēv ngam Yöng örheūheu, pòkūö nup taṙòkhöre, i Mine-eny ngam Mā hī, Yēsū Kristū.

Salmai 55:17

Harap, peuheū, sakāmö inrē, öich ve-eny miṙivlōn re, aka-hare inrē: ngaich hang ṙô chu min Anga-aṅ.

T. LŪKÖS 10:41

Ngaich ngö ṙô ngam Mā, nö sapṙô ò, Mārta, Mārta; törëtnyi-elmat, ane inrē famëkö tökeuheūttöre chehen.

T. LŪKÖS 18:7

Röh ang min ngam Tēv nö kahòklökui vē katöllöre, vē vame-eṅkūö Ò nö peuheū harap ṙô. Pò ò nö tömarô-òtö manöiyö nö in cha.

T. MËTIV 10:19

Yē cha nö kēḵngen yīö, ui paṙūtalōn, tö öp ṙô yīö min; tön kē-ĕvkūö yin min, ip hē e, tö ṙôre.

INCHŌḴ-OṘÔ 15:8

Sin-òkkūö ngam Mā Tēv në tökētu tötlöök, kumchiklōn ò pöri ngam invë-a tö töchiplö.

T. LŪKÖS 12:29

Ui afēken nya-aṅkūöre, ui afēken òkre inrē, ui rēhĕn katöngalōn.

1 SAMUĔL 1:15

Ngaich sap ṙô ang Hëna nö ngö ṙô, Hö-ö, mā chu, töhaṙīvö ellōn chin chū-ö öich kikānö: rö-ö chin taheui òk vāin öt rēhĕn òk tökalēk, vōknyö aṅ ellōnre pöri chū-ö ikūö ngam Mā Tēv.

2 KÒRIN 1:11

Holṙen ih yin yī-ö inrē i nup ṙô yīö ve-elkui: hòn pōyen nup nöinyö tö kētu tö tömaṙôngö tö pò kūö ih, kūö ngam inlōnti tö kētu nö in ih nö lökten i tömaṙôngö.

1 KÒRIN 7:32

Hōten yīö pöri chū-ö öt īnu tö piṙūtköre. Ngòh kikōnyö, töt pihövö, piṙūtkö nup aṅ im Mā, öp inlaha ò nö haṙamlōn ngam Mā:

1 PĪTÖR 4:7

Röhta an ngam manāngen në taṙòkhöre. Lökten yin yēḵ akaha, ṙēm inrē im vine-eṅkūötēv.

T. MËTIV 13:22

Anga-aṅ ön ngòh töteūichtu nö el töchökhukūö hamang ngam ṙô; ngaich nup pinṙūtkö ngih panam inchīlö tö kanôlò inrē, nö harāingökui ngam ṙô; ngaich öt ṙônguvö anga-aṅ.

TANĪ-ĔL 3:16

Ngaich sapṙô rācha Satrāk, Mësak, Apëtnikō inrē, Ō Nĕpukatnēsar, öt kusīknyôre in sapṙô meh in e.

2 KINṘÖTNGÖ 32:20

Ngaich Hesikia ök rācha Isayā inrē ök pròfĕt, ök kikōnyö kūön Amôs, nö vë-ekūötēv tökūö ngih, ngaich peuinyhökūö ngam halīöngö.

1 SAMUĔL 7:12

Hēngö kahë ngaich Samuēl tö ihong, asöklen e ngaich nö ihôi Mispah tö Yĕsĕt, kahēūkö e ngaich anga-aṅ nö Epenīsör nö ngö ṙô, Holṙen hī an ngam Mā Tēv nö ihih.

Sòlòmön 2:14

Ō pumpa chu, el linrākö ihong, el kinluhu kaha panam, hökngen chu ngëichkö kūö meh, hökngen chu hang ṙô meh tön kuchik ap ṙô meh, vai inrē ap kūö meh.

1 KÒRIN 7:21

Tö hakövö hòng me-eṅ hē meh havëtu? Un afēken e: yē meh pöri kô ṙānyöre, haṙönö e.

1 RĀCHA 8:28

Sön pöri yēḵ më-eṅ hō-o ngih vinë-eṅkūö meh tö ngòh tarik meh, ngih ṙô ò inrē vinë-elkui, Ō Mā Tēv, Tēv chu, öm hang ngih ṙô vinë-eṅkūö meh, ngam ṙô-ngòh, tarik meh nö i kūö meh nö vë-ekūö meh töngamuh:

YERIMIĀ 32:16

Unôichrit tī chu kētö ök kinlēḵngô invahal in Pārök ök kikōnyö kūön Nērīya, Vē-ekūö ngam Mā Tēv chū-ö ngaich, öich ngö ṙô:

TANĪ-ĔL 6:10

Hē Tanīel ngaich nö akahalōn tök līpöre nö ngaich nö kūichö mat tö minë-eny, chuh patī re ngaich anga-aṅ i nuk inkūp lökhöt kuföt ò el ök lātulöng urôhò tö luvë-akkūö nö kū-ö tö Yērusalem; sulngöre ngaich anga-aṅ nö lūöi heuh i tö hĕng sakāmö nö vë-ekūötēv ha-öiny inrē nö i kūö ngam Tēv ò, höng sā inlahen re tö lā-urĕh.

T. MËTIV 6:34

Uh yin lökten piṙūtkö öp huṙöich. Pumṙūtkenre an angū-ö huṙöich. Tökô-ònglōn nun në sakāmö, tö ötkanôlòre.

1 TIMÒTĪ 2:1

Lökten chin halēn hòn urĕh inṙē-ĕl. Vinë-eṅkūötēv, vine-eṅlkui, nöinyö, chööḵnyô tö vē taṙòkhöre tarik,

1 TIMÒTĪ 5:5

Anga-aṅ ngòh tö kô-òngrit nö tafiösi kikānö, tötkôlò inrē, töönglö mikahre anga-aṅ im Tēv, ngaich Iṙuöhen im vinë-elkūi taṙòkhöre, peuheū harap inrē nö im vinë-eṅkūötēv.