FILIPĪ 4:3 - TÖHET LĪPÖRE (Re-edited) Bible (BSI)

³ Hòṅ, vë-ekūö meh chin inrē, tökô-en hamòl elranôṙö, meuklen yip kikānö, tön holṙen chu yip nö la-evṙen im tölöök inhānga; holṙen Klemen inrē, yip tahëng inrē hamòl alaha chu, yip tö minënyu nö i mat ngam līpöre nômö.

FILIPĪ 4:3 Referans Kwoze

INMEUKHÖMAT 13:8

Ngaich ṙòkhöre cha-a min nö salāman yip mī-iyöng ing panam, ṙòkhöre yip töt kūichi minë-eny nö i mat ngam līpöre nômö aṅ im pököre, ngam tö fëli hēten tö ranehlö ngih panam.

INMEUKHÖMAT 3:5

Anga-aṅ ngòh tömihôiṅ, kafānö min tö tö-isoh hilā nö ngatī, ngaich öthētu chu-ö min sichngö mine-eny ò nö ṙeū-eung i mat ngam līpöre nômö, ngaich halööknyö minë-eny ò chu-ö min i kūö ngam Yöng chu, i kūö yip Ma-ahānga Ò inrē.

T. LŪKÖS 10:20

Uh pöri öi ṙāmölōn i ngih, tö më sī-ö nö hang ṙô yīö; ṙāmölōn pöri tö kinūichngö nup minënyö yīö nö el halīöngö.

FILIPĪ 1:27

Höng hökngen nup inlahen yīö nö töhōḵov, ngam aṅ im tölöök inhangkö Kristū: yē chu pöri pòrô in yīö, hēk rö-ö höng hòṅ hang inlahen yīö chu-ö, hòṅ yīö köp hēngö ellōn, hĕngrelōn pītnyöre tö kūö ngam tölöök inhānga,

INMEUKHÖMAT 21:27

Ngaich öt hētu min nö kuhēthötre nö ël e, nup töchōich, hēk ngòh vamītö sin-òkkūö, ane inrē minyôinyaṅ: höng cha-a pöri yip tökūichi nö i mat līpöre nômö ngam pököre.

INMEUKHÖMAT 17:8

Ngam maheuṅk meh töṙeūla ngaich, lān rö-ö; ngaich ap nö hòṅ meutlö nö ṙā-ang el ngam ṙeūvö, töt lataṙeū-euv, ngaich chuh im öt inkôlò: ngaich acha-a min yip mī-iyöng kūö ngih panam nö pingangkūö, yip töt kūichi minë-eny nö i mat līpöre nômö, hēten tö ranehlö ngih panam, hē cha nö hatīönkö ngam töṙeūla tö ò sin nö kô, lān rö-ö, ngaich yih min.

FILIPĪ 4:2

Halēnö Yū-ötiā chin, halēnö Sintĕki chin inrē nö hĕngrelōn nö im Mā.

RŌMA 16:12

Salāmö Rifāna, Rifôsa inrē, yip tö la-evṙen nö im Mā. Salāmö Pörsis, ap hanāngen ap töpōihöl la-en nö im Mā.

RŌMA 16:9

Salāmö Urpanös, ap hol alaha hī in Kristū: ap hanāngen chu inrē Istachis.

RŌMA 12:1

Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

Salmai 69:28

Hökngen cha nö sīchiyö nö i mat līpöre nômö: un kūchö nö hol yip tölöök.

MANEUTNYI 32:32

Yē Meh pöri hòṅ aṙē-ĕl tökööl cha yē Meh rö-ö, vë-ekūö Meh chin, sichngen chu Man ṙā-ang i mat öp līpöre Meh öp kahūichngö Meh nö ngaich.

INMEUKHÖMAT 20:12

Ngaich chū-ö meuk yip kupah, tökiröng, tökūöṅnö inrē, sökhaka nö i kūö ngam kantēra; fehnyukūö ngaich nuk līpöre: fehnyukūö inrē öt tahëng līpöre, öp līpöre nômö; ngaich yip kupah nö kahòkkaṙen nö asā nup tökūichi nö i mat nup līpöre, asā-a nup la-en cha.

KÒLÒSĪ 1:7

Sā haköp yīö in Epafaras ap hanāngenlōn hol ih töla-evṙen, ap tökô-en mahalanṙen Kristū nö in yīö,

TANĪ-ĔL 12:1

Hē e min Maiköl nö chōholre, öp tökiröng kūön rācha öp yōm më tarik meh. Ngaich min öp umuh nö hē kanihngen, tötha-eh misī hēten tö pumnāmö tarik söl ip hē e pöri yip tarik meh min nö ṙānyu, ṙòkhöre yip tökôti minë-eny min nö kūichiyö nö i mat öp līpöre.

INMEUKHÖMAT 20:15

Yĕn hĕng tak öp töt kôti nö kūichi nö i mat ngam līpöre nômö, suktu ngaich anga-aṅ nö el öp tötöh tameūyö.

ISIKĪ-ĔL 13:9

Lā-al yip pròfĕt ön min ngih kël chu yip mameuk kintūöyö mat, yip töminyôiny-aṅ inrē nö i chinông alaha; hö-ö yip min cha-a nö i inlēnö yip tarik chu, öt rēhĕn nö kūichhötvö nö i mat līpöre minë-eny i patī Israel, öt rēhĕn yip min nö kuhēthötre nö i panam Israel; ngaich yī-ö min akahalōn tö chu öich Mā Tēv.

Isayā 4:3

Ngaich ngö inlahen angū-ö min, tö ò öp töṙā-ayö nö i Siyôn, anga-aṅ inrē öp tö-ōtre nö in Yērusalem, havëka min nö töhet, ṙòkhöre inrē yip tökūichi i yip tö-aṅ i Yērusalem:

FILIPĪ 1:5

Pò ngam innôltö yīö i ṙinūönyö ngam tölöök inhānga, hē tök raneh sakāmö yīö kē-ĕ e, söl ing töngamuh.

FILIPĪ 1:7

Töhuveū-en an angū-ö nö in chu, öich ngatī lōn tö yīö ṙòkhöre, pò yīö ellōn chu; i nyinëkö chu, ane inrē i linaklö, inköpngö ngam tölöök inhānga; ṙòkhöre yin yī-ö hamòl chu, im inlōnti aṅ im Tēv.

FILIPĪ 1:12

Hōten yīö chin töngamuh akahalōn, Kahōlö, tö nup taṙòkhöre famuk in chu, nö ṙinūölö ngam tölöök inhānga;

FILIPĪ 1:16

Hĕng ngam aṅ im hanāngenlōn pòn akahalōn tö chu lanaklö ngam tölöök inhānga: