FILIPĪ 4:19 - TÖHET LĪPÖRE (Re-edited) Bible (BSI)

¹⁹ Ngaich ngam Tēv chu min nö hatööḵlö nup hanāṅten yīö sā nup kanôlò Ò, ineū-euṅ in Kristū Yēsū.

FILIPĪ 4:19 Referans Kwoze

Salmai 84:11

Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

1 TIMÒTĪ 6:17

Vëkö yip tökôlò nö ing panam töngamuh, hòṅ cha nö öt tulöng ellōn, hòṅ cha inrē nö öt i nup töt kamngu kanôlò ellōn nö meūka, im Tēv pöri, ngam töpōyen tī nö kētö taṙòkhöre inṙamlōn hī;

MAIKA 7:7

Ngëchkökūö ngam Mā Tēv pöri chū-ö min; hökkö ngam Tēv chin min ngam inyööken chu: hangṙô chu an min ngam Tēv chu.

MALAKI 3:10

Keuheūtöre tī yin yĕh kētö tö hĕng i tösöm el ngam patī chūök inmūlngö, hòn nyā-aṅvkūö nö el ngam patī chu, aṅtī ten e hameukhö mat chu töngamuh, ṙô ngam Mā Tēv yip tömaṙôngö, yē chu min öt löpnyö kūö minë inkūp ngam halīöngö, öich hōngnyö inkôlò yīö, hòn öt kô-òre chūök min nö chūökṙen e.

NAHIMIĀ 9:15

Kētö nyā-aṅkūö cha më-eṅ ṙā-ang el halīöngö pò cha nö kapahare kēnyö mak cha inrē ṙā-ang ip ihong pò cha nö haṙehe nômö, ngaich tölṙô cha më-eṅ inrē nö kiröönngöre nö kē ap panam öp kahëtö meh in cha öm chūökuṙô kilēḵngôre.

2 SAMUĔL 22:7

Havëkö ngam Mā chin hē el re kihngen, hòṅ havëkö ngam Tēv chin: Ngaich anga-aṅ nö hang ṙô chu nö el ök töhet chūök re, teungta ap ṙô chu nö elnup nang ò.

Salmai 36:8

Pōyen tanööḵngen yin min tö nup tösangöö aṅ patī meh; ane inrē min më-eṅ ha-ôkö cha tö aṅ öp tahël kumchiklōn meh.

KÒLÒSĪ 1:27

Yip chūök lōn ngam Tēv, tö mikahtulōn tö ṙôken kanôlò ngam lanöökö ngam öt mikahkūö sin nö i yip Tahëng mihëṅṙö, ang Kristū, ngam mineūkkö kanôlò:

EFISÖS 3:16

Hòṅ Ò nö kē-ĕkūö yīö sā ṙôken nup kanôlò Ò, hòṅ yīö hangëka tö ngam kanô-òṅ, lökten im Töhet Fanöinylö, im latuhēt nômö;

KÒLÒSĪ 3:16

Hökngen ngam ṙô Kristū nö pōilöreṙen nö in yīö, nö i nup mikah, haköpten höö, halēnö höö, i nup salmai, nöinyö ngam Tēv, töhet tinkökö inrē, havaiṙôre tikökṙôre i ngam Tēv ellōn yīö.

RŌMA 8:18

Öt kaheūktö në kanihngen chin töngamuh, nö hanṙongten min nö im kanôlò, ngam tö hameuktu min nö in hī.

EFISÖS 1:7

Ngam lökten hī inyöökuṙen lökten i mahām Ò, ngam inṙēlö nup tökööl hī, sā ṙôken kanôlò Ò tö inlōnti;

2 KÒRIN 4:17

Pò ngam töng höhöv chanöökö ih, ngam töng rahëichtaṙen, nö vītö nup tö ṙūöhlöre ṙôkentöt chanūhuvṙen lumngan kanôlò;

RŌMA 9:23

Hòṅ Ò inrē, nö mikahtölōn, tö ngam vanāyö Ò, nö i nup chehen neūkölōn, nup tö halēni misī nö lā urĕh tö Ò, nö im kanôlò,

EFISÖS 3:8

In chu chu-ö manā-angkūö yip tökūöṅnö i yip taṙòkhöre töhet, ngih inlōnti nö kētu nö in chu, öich mikahten vē tahëng mihëṅṙö tö nup tötkanṙeūken kanôlò Kristū,

Salmai 130:7

Ō Israĕl, meūka im Mā Tēv: tön miṙēlōn öp im Mā Tēv, pōyen inrē ap ṙinānyi nö in Ò.

Salmai 104:24

Ō Mā Tēv, iṙôken ön minë la-en Meh: vī-il u Man nö ṙòkhöre lökten ip mikah; tööḵlö ön ngih tumlat tö kanôlò Meh.

EFISÖS 1:18

Ahatlöngö elmat ngam mat ngam ellōn yīö, hòṅ yīö akahalōn tö ngam maheūṅkköre im invëtö yīö, tö kanôlò ngam kanôlò, ngam amin Ò i yip töhet,

EFISÖS 2:7

Hòn ip ṙētak Anga-aṅ nö hameuktö ṙôkö kanôlò ngam inlōnti aṅ in Ò, i miṙēlōn tö hī, in Kristū Yēsū:

RŌMA 2:4

Miyëḵ ṙöng öm tö ṙôken ngam lanöökö Ò, ṙināpö, manöiyö Ò inrē, öm öt akahalōn tö lanöökö ngam Tēv nö hachōten meh im invöötö ellōn?

2 KINṘÖTNGÖ 18:13

Ngö ṙô pöri Mikayā, Sā ngam Mā Tēv nö tö aṅ, öp ṙô ngam Tēv chu, angū-ö min ṙô chu.

Ranehlö 48:15

Hakôlò Yôsĕf ngaich angā-aṅ, nö ngöṙô, Ngam Tēv ngam tölöökö kūö tī tö nak yöng chu, Aprahām, Isāk inrē, ngam Tēv maha-aṅlen chu i rô-òtö nômö chu, söl ing töngamuh,

TANĪ-ĔL 6:22

Tīntö ma-aṅhaṅngare an ngam Tēv chu nö tilupngö elvāng në lāyön ngaich anū-ö nö öt chökhuṙen tö chu, pò chu öt kôti fāluṙen i kūö ò i kūö meh chin inrē, Ō rācha öich öt la-evṙen tö tövaich.

RŌMA 11:33

Ō, ngam ṙū-uti minë kanôlò minë mikah, töm inkaha ngam Tēv inrē! öt chanöhen nup kinṙôka aṅ in Ò, öt ankahen nup talöökö Ò!

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

1 TÖSALÒNIKĒ 2:12

Hòṅ yīö lök im töhōḵov tö ngam Tēv, ngam mahavëten yīö im pūlngö Ò, kanôlò Ò inrē.

RŌMA 1:8

Ha-öiny ngam Tēvre chin urĕh, chööḵnyö ten yīö ṙòkhöre, hòṅ ngam mikah yīö nö keuheūtngöre chūök nö ahangka nö ing panam.

T. YÔHAN 20:27

Ngaich ngö ṙô Anga-aṅ tö Tômös, Ṙēptö kuntīre man ihih; ngëichkö eltī Chu, ṙēptö tīre inrē, sëphöt tīre i elkël Chu. Um öt mikahavö; ṙātö ellōnre pöri.

T. YÔHAN 20:17

Ngaich ngö ṙô Yēsū tö ò, Uh Chin lūölka, tön öl Chin yônlö im yöng. Kiröönngöre pöri, kuṙòh; ve-eny nang yip hol Chu tö Chu yônlö im Yöngre, Yöng yīö inrē; im Tēv Chu, Tēv yīö inrē.

FILIMÒN 1:4

Örheūheu chin ha-öiny ngam Tēvre, kakken meh i vinë-eṅkūötēv tö chu,

2 KÒRIN 12:21

Hòṅ ngam Tēv chu min nö öt havāichngen chu nö i kūö yīö, yē chu yih hēk, ngaich chu-ö haṙivhö yip tömaṙôngö in cha yip tököölö fālen urēhĕkūö ngih, ngaich öt havöötö ellōnre nö ṙā-ang tökööl, chinô-òṅ kānö, yinikngö tötlöök lōn, nup kahëken cha.

NAHIMIĀ 5:19

Köpölōn tö ngam tölöök tī chu in vē tarik, Ō Tēv chu.

T. MËTIV 6:32

Höng chahöh vē tahëng mihëṅṙö tarik nun anū-ö. Tö-akahalōn An ngam Yöng yīö el halīöngö, tö u nö töt ṙanāngen nö in yīö.

FILIPĪ 4:7

Ngaich ngam lanāmö ngam Tēv, ngam chamööḵngö taṙòkhöre mikah min, nö aṅtö nômö, lōn yīö inrē, in Kristū Yēsū.

2 KINṘÖTNGÖ 31:8

Hē Hesikia tö yik kūön rācha nö yih ngaich meuk nuk tö fônghaka, hakôlò ngam Mā Tēv cha-a ngaich hakôlò yik tarik Israĕl inrē.