FILIPĪ 4:17 - TÖHET LĪPÖRE (Re-edited) Bible (BSI)

¹⁷ Ök kūö chu lukkö ngam inlōnti; lukkö nup ṙòng pöri chu-ö tö ṙūölöre tö pò tī yīö.

FILIPĪ 4:17 Referans Kwoze

TAITÖS 3:14

Hökngen yip tarik hī inrē nö haköptöre nö kēkö kaha tölöök vahīṙen nup töt ṙanāngen, hòṅ cha nö ṙônguvö.

HEPRĀI 6:10

Rö-ö an ngam Tēv nö tötlöök, nö tövaichngö tö la-en yīö ngam hanāngenlōn inrē, hameuktö yīö lā i mine-eny Ò, tī yīö meukṙen yip töhet, ṙòngmö meukṙen inrē.

T. YÔHAN 15:8

I ṙôken ṙòng yīö i yīö mahaköp in Chu inrē, ngam Yöng Chu nö eū-eu.

1 PĪTÖR 5:2

Haṙūötken minë pököre ngam Tēv, minë in yīö: harūnöre meukkö u, öt hanlīpö, kanahang lōn pöri, sā ngam Tēv pöri, un rēhĕn nö kūö taneūngen tö yô-òv, töhōḵ pöri nö lōn:

TAITÖS 1:7

Pòn ngòh Pisköp nö töt hòṅ yô-òv fālen, sā yōm nup aṅ im Tēv: öt hakeū chöngöre, öt ka-eūyö lanīnö, öt lamā-alkūö, öt töyal tö töt kôlò taneūngen;

FILIPĪ 4:11

Rö-ö chin ṙôtö hanāṅtenre: pò chu ngaich tö ulòhten, i nup töng sitih inlaha chu, höng ngāichö lōn chu-ö in u.

1 TÖSALÒNIKĒ 2:5

Sā inkahngen yīö, pò ih öt hēṙu kôti, ṙô tö inrōyö, ötrēhĕn nö innyatngö yinikhanga, ngam Tēv an mameuk;

2 KÒRIN 9:5

Lökten chin ngatī lōn tö e, nö öt ṙanāngen öich līpṙôre tö yip holre hòṅ cha nö kiröönngöre nöurē-hĕkūö meh, nö urĕh nö halēnlö nup inlōnti ṙô yīö kilēḵngôre, hòṅ u nö lēn, nö inlōnti, rö-ö nö töng hukil.

RŌMA 15:28

Yē chu min keuheūten tö ngih, ngaich haköpngö ngam ṙòng nö in cha, ngaich lök in yīö chu-ö min chuh Ispēn.

T. YÔHAN 15:16

Rö-ö yin yī-ö kamtöllen Chu; Chū-ö Chin kamtöllen yīö, ngaich hōten yīö kiröönngöre, öi ṙônguvö; ngaich höngngöh ngam ṙòng yīö; hòṅ nup havëkö yīö min i Mine-eny Chu, im Yöng, nö kētu nö in yīö min tö Ò.

2 KÒRIN 11:16

Ngö ṙô chin hēk, uich tökulō-ov tö lōn tarik; ngaich yē yīö ngatī lōn, hōḵen chu sòk sā tö kulō-ov, hòṅ chu eū-eure rahëichyen ṙô.

MALAKI 1:10

Mah hĕng tak öp öre in yīö lamöptökūö minë inkūp, hòṅ yīö öt tōttökūö tameūyö öi höng tötöl el ngam tahāklö chu! Hö-ö chin kuchīkölōn in yīö, ṙô ngam Mā Tēv yip tömaṙôngö, öt rēhĕn chin min hō-o tökētu ṙā-ang eltī yīö.

INCHŌḴ-OṘÔ 19:17

Mahaṙūönghökūö ngam Mā Tēv an ngam tö aheūkölōn tö yāich, ngaich anga-aṅ min nö havantö öp tī ò nö in ò.

NGAM LĪPÖRE KAHŪICH YŪT 1:11

Töt kôlò yin cha-a! pò cha ngaich nö lök el talöökö Kēn, ngaich inrē nö ahôhangen nö fal im vanāichö Pēlam pòn hòṅ haṙāyö, ngaich ötkôlò i inhôngôre tö Kōrah.

2 PĪTÖR 2:3

Im yinikhanga min cha-a nö holtö inchīl ṙô ngaich vīten yīö tö-inyihka: yip tö inchöku ha-eheten misī nö öt sökngöre, öt haṙòhlö öp pinyāingö cha.

1 TIMÒTĪ 3:3

Öt lamā-alkūö, öt töchökhuti, öt kësen, töṙēm pöri, öt lā-alkūö, öt töhāngen tö rupīö,

FILIPĪ 1:11

Tööḵlö tö ṙòng lanöökö, nup lamökten Yēsū Kristū, i kanôlò, nöinyö ngam Tēv.

MAIKA 7:1

Ötkôlò chin chū-ö! Pò chu höng sā cha hē cha nö hamūl nupṙòng sikehgö, sā nup angkūr pintu-en kamrān angkūr: öt nyā-av in tö tökupōkhaka; yīkölōn chin töp raneh tököinyṙòng anychīr.

2 PĪTÖR 2:15

Ṙā-ang tö ngam töhuveū tölöök, ngaich lō-ongkūö, cha-a, tömken Pēlam ök kūön Pī-ōr, ök tö hāngenlōn tö raneushö tövaich la-en;

1 TIMÒTĪ 6:10

Pò ngam hanāngen tö rupīö nö ṙĕh nup tökeuheūttöre tötlöök; ngaich sölö yip rīkre, ngaich lō-ongkūö tö ngam mikah, ngaich tafūni tī nö sapngöre tö miṙivlōn.