FILIPĪ 4:15 - TÖHET LĪPÖRE (Re-edited) Bible (BSI)

¹⁵ Akahalōn yin yī-ö inrē aṅ Filipī tö e, hē ranehten ngam tölöök inhānga, hē chu ṙāngö Makētònī, öt mahanôltörevö nö in chu aṅ im Māṅ, i kinë-eṅti kinë-eṅ inrē, höng yī-ö yin;

FILIPĪ 4:15 Referans Kwoze

FILIPĪ 1:5

Pò ngam innôltö yīö i ṙinūönyö ngam tölöök inhānga, hē tök raneh sakāmö yīö kē-ĕ e, söl ing töngamuh.

INLAHEN 16:40

Kunyī-inyre cha-a, nö ṙā-ang el kinlōngö; ngaich yihtöre nö i patī Litiā, Ngaich hē cha nö meuk yik holre, ngaich ṙūhöl alaha cha, ngaich kiröönngöre.

2 RĀCHA 5:20

Ngaich pöri Kīhāsī, ök tarik Ēlaisa ök tarik ngam Tēv nö ngö ṙô, Yĕh meuk, aṙēlen Nāman ap yöng chu, öp aṅ Sīriā nö öt kētī ò tö nup kum ò: sā ngam Mā Tēv nö tö-aṅ, hòṅ fallörit ò chin: ngaich rahëchyen kahë in ò.

2 RĀCHA 5:16

Ngö ṙô pöri anga-aṅ, Sā ngam Mā Tēv nö tö-aṅ, ngam tö-aṅhavkūö tö chu sökhak, hö-ö chin hōḵ kahë-evö. Mileūchen ngaich anga-aṅ nö hōten ò nö kē-ĕ e; sōḵ pöri anga-aṅ.

RŌMA 15:26

Pò e nö tölöök nö lōn yip aṅ Makētòni, aṅ Akāya inrē nö meukṙen yip yāich aṅ i yip töhet i Yerūsalem.

FILIPĪ 1:7

Töhuveū-en an angū-ö nö in chu, öich ngatī lōn tö yīö ṙòkhöre, pò yīö ellōn chu; i nyinëkö chu, ane inrē i linaklö, inköpngö ngam tölöök inhānga; ṙòkhöre yin yī-ö hamòl chu, im inlōnti aṅ im Tēv.

FILIPĪ 1:12

Hōten yīö chin töngamuh akahalōn, Kahōlö, tö nup taṙòkhöre famuk in chu, nö ṙinūölö ngam tölöök inhānga;

FILIPĪ 1:16

Hĕng ngam aṅ im hanāngenlōn pòn akahalōn tö chu lanaklö ngam tölöök inhānga:

FILIPĪ 2:12

Lökten, kahōlö, sā yīö ngaich öt ahôngen, öt höng yē chu in, tön möthë yē chu rö-ö, vīlö inyöökenre yin, holtö pinhe-eṅkūö, kinchëyöre inrē;