FILIPĪ 4:14 - TÖHET LĪPÖRE (Re-edited) Bible (BSI)

¹⁴ Huveū-eu tī yinri yī-ö ngaich pò yīö ngaich innôltuvö im kanihngen chu.

FILIPĪ 4:14 Referans Kwoze

HEPRĀI 13:16

La-evṙen pöri tö tölöök, meukṙen inrē, un vaichngö: pò në töngatī tökētu nö ṙanāmölōn ngam Tēv.

FILIPĪ 1:7

Töhuveū-en an angū-ö nö in chu, öich ngatī lōn tö yīö ṙòkhöre, pò yīö ellōn chu; i nyinëkö chu, ane inrē i linaklö, inköpngö ngam tölöök inhānga; ṙòkhöre yin yī-ö hamòl chu, im inlōnti aṅ im Tēv.

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

KALATĪ 6:6

Hökngen ngam tö haköptuvö pöri yēḵ nö meukṙen ngam mahaköptöre.

1 RĀCHA 8:18

Ngö ṙô pöri ngam Mā Tēv tök yöng chu Tāvit, Lōn meh ök angū-ö mānlö patī i minënyö chu, huveū-en man tö e nö ellōn meh:

1 TIMÒTĪ 6:18

Hòṅ cha nö lök i tölöök, hòṅ cha nö kôlò nö i nup tölöök la-en, hòṅ cha nö höngöre nö michööḵ, hōḵ nö haṙūötken;

FILIPĪ 4:18

Keuheūttöre aṅ in chin, kôlò inrē: tööḵngen chin, pò chu teūngen in Epafròtitös tö nup sahöömtö yīö, tö tahūsa tinôngö, töhōḵovö tökētū, ṙanāmölōn nö im Tēv.

T. MËTIV 25:21

Ngaich ngö ṙô ngam mā tö ò, Töteūngen man; tö-akaha, tökô-en mahalanṙen. Ngaich man kô-en i tö rahëchyen; hamālöng man ngaich tö chu, i në töpōyen chehen. Hanôltöre man ngaich i ṙanāmölōn ngam mā meh.

RŌMA 15:27

Hôṅ, tölöök an nö lōn cha; cha-a yip tö hötṙehevö nö in cha. Yē yip Tahëng mihëṅṙö nö hamòlkūö cha nö i nup aṅ i töhet, ngaich höteh cha angū-ö nö meukṙen cha tö nup aṅ ing panam chehen.

2 KINṘÖTNGÖ 6:8

Ngö ṙô pöri ngam Mā Tēv tö Tāvit, ök yöng chu, Më-ellōn meh an angū-ö öm mānlö patī i minë-eny chu, tö huveū-en angū-ö nö ellōn meh;

INMEUKHÖMAT 1:9

Ip kun panam, chu-ö Yôhan, tö Petmòs invëka, mëm kahëm yīö, ane inrē hamòlkūö yīö i kanihngen, ane inrē im pūlngö, manöiyö inrē aṅ in Yēsū, ngam ṙô ngam Tēv, ane inrē inmeuktö Yēsū.

HEPRĀI 10:33

Kūö yīö vītu nyam mat, hĕnghöre i minṙēngö, kanihngen inrē; kūö yīö inrē hamòl cha yip tö ngatī kinëka alaha.