FILIPĪ 4:1 - TÖHET LĪPÖRE (Re-edited) Bible (BSI)

¹ Lökten, kahōlö, hanāngen chu, töpīṙūtka, ṙanāmölōn chu, sapīöv chu inrē, ngatī yin köp sökhaka im Mā, yī-ö hanāngen chu.

FILIPĪ 4:1 Referans Kwoze

FILIPĪ 1:27

Höng hökngen nup inlahen yīö nö töhōḵov, ngam aṅ im tölöök inhangkö Kristū: yē chu pöri pòrô in yīö, hēk rö-ö höng hòṅ hang inlahen yīö chu-ö, hòṅ yīö köp hēngö ellōn, hĕngrelōn pītnyöre tö kūö ngam tölöök inhānga,

1 KÒRIN 16:13

Höngöre yin, haköpöre im mikah; haṙongtöre yin sā tarik, hangëḵeṅre.

FILIPĪ 2:16

Kiṙapkö ngam ṙô ngam nômö; hòṅ chu löknyuvö ineū-euṅ hē ngam sakāmö Kristū, öich öt töchök alaha röön fal, öt töchök alaha la-evṙen inrē.

Salmai 27:14

Höka im Mā Tēv: hangë-eṅre, hökngen ngam ellōn meh nö un pa-ekūö; hòṅ, höka man im Mā Tēv.

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

FILIPĪ 1:8

Ngam Tēv An ameūken chu, töṙôken lōn chu tö yīö, sā hanāngenlōn Kristū Yēsū.

HEPRĀI 10:23

Ta-a, töi haköpngöre im vinënyö ngam mineūka, öi öthanlöinyken; tön tökô-en An ngam kumlēḵngôre.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

T. YÔHAN 8:31

Lökten Yēsū nö ngö ṙô tö yik Yahūti, ṙamātö ellōnre nö in Ò, Yē yīö ngöhören ing ṙô Chu, ngaich yī-ö tökô-en mahaköp in Chu.

2 TIMÒTĪ 2:1

Lökten man, me-eṅ kūön chu, hangëḵeṅre im inlōnti ngam aṅ in Kristū Yēsū.

FILIPĪ 2:26

Pò ò nö paṙūtalōn tö yīö ṙòkhöre, haṙīvölōn takô, pò yīö hāngan nö vahavö:

2 KÒRIN 1:14

Sā yīö ngaich rahëichyen ahōḵo in ih, tö ih öi ihö ineū-euṅ yīö yī-ö inrē ineū-euṅ ih im sakāmö ngam Mā Yēsū.

INLAHEN 11:23

Chalôhë anga-aṅ, ngaich meuk ngam inlōnti aṅ im Tēv, ngaich ṙāmölōn; ngaich ṙuhöl alaha cha anga-aṅ nö ṙòkhöre; pòn hōtu cha-a nö haköpngöre nö im Mā, holtö ellōnre.

INLAHEN 2:42

Ngaich cha-a nö kamnipkūö nö im inköphöti tö yik tanīnöṙô, i innôlö, i finòkö rôti, i vine-eṅkūötēvinrē.

Salmai 125:1

Cha-a vē mahayönglenre nö im Mā Tēv, tö sā ngam Rung Siyòn: ngam töt hanlöinyken, köp pöri nö örheūheu.

2 PĪTÖR 3:17

Kahōlö, haṙēmngenre yin, yī-ö öi tö ngaich akahalōn, hôiṅ öt kē-ĕyö öi kum vanāichö yip tötlöök, hòṅ yīö öt fukngö ṙā-ang im kanöpö yīö.

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

2 TÖSALÒNIKĒ 2:15

Kahōlö, lökten haköpöre sökhak, ṙapngötīre inrē im inköptö yīö fālen, pòrô nö tö kôta nö ṙô, hēk līpöre nö kahūich ih.

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

KALATĪ 5:1

Aṅtītö ṙinānyö an Kristū nö ṙānyen yīö, lökten yin haköpöre sökhaka, ui hēk vönta im kaneun ngam inkövö.

INLAHEN 14:22

Hangëkö ellōn yik mahaköp; ṙuhöl alaha cha inrē nö haköpngöre nö im mikah; ve-eny nang cha inrē tö hī, lökten i kanihngen, öi kuhēthötre im pūlngö ngam Tēv.

1 TÖSALÒNIKĒ 3:13

Pòn hòṅ haköpngö nup ellōn yīö Anga-aṅ im hanëtö, nö öt vinëku nö i kūö ngam Tēv hī, Yöng inrē, ip yanīhih ngam Mā hī Yēsū KrisTū nö holtö yip töhet.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

NGAM LĪPÖRE YŌP 31:36

Ngaich öre chū-ö keunkö e elranôṙö re; nyëkten e öre chū-ö nö in chu sā sapīöv;