FILIPĪ 3:9 - TÖHET LĪPÖRE (Re-edited) Bible (BSI)

⁹ Ngaich kôti in Ò, öt īnu tö kanahngen lanöökö, tö aṅ im chöngö, ngam mikah pöri, tö lökten im mikah in Kristū, ngam lanöökö aṅ im Tēv lökten i mikah:

FILIPĪ 3:9 Referans Kwoze

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

1 KÒRIN 1:30

In Ò pöri yī-ö in Kristū ngam tövītu nö mikah ngam Tēv nö in hī, lanöökö, inhetlö, ṙinānyö inrē:

KALATĪ 2:16

Tö-akahlōn tö tarik nö öt lööklö tö kūö tī ngam chöngö, höng lökten im mikah in Yēsū Kristū, ṙātö ellōnre in in Kristū Yēsū, tö hī min halööklöngö lökten im mikah in Kristū, öt tī ngam chöngö: pòn öt lööklö tarik min tö tī ngam chöngö.

RŌMA 8:1

Lökten yin töngamuh vē mi-in Kristū Yēsū nö rö-ö nö öt hakôlöngṙô.

RŌMA 1:17

Pòn in e nö hameuktu ngam lanöökö ngam Tēv, ṙeūngö ngam mikah nö im mikah: sā kinūichngö e nö ngö, Lökten i mikah pöri yip tölöök nö aṅ.

Isayā 53:11

Meuk ṙòng kanihngen an min nö ellōnre ngaich tööḵönglōn; lökten ngam in ò inkaha ngam tölöök min, ngam tarik chu, nö pōyen vahīten tö tölöök; ngaich anga-aṅ inrē min nö keun nup tökööl cha.

YERIMIĀ 33:16

I nup sakāmö anū-ö min Yūtā nö hayöökaṙen Yērusalem inrē min nö öt pinhë-evkūö nö iyöng. Angū-ö ön ngih min minënyö e nö havëka: Lanöökö hī An ngam Mā Tēv.

TAITÖS 3:5

Ngam hanāngenlōn Ò inrē nö lā i tarik, öt kūö la-en i lanöökö, nup tī hī, tön sā ap neūkölōn Ò nö hayööken hī, i sinöichlö tinfömlö finötnyi, ane inrē tinfömlö aṅ im Töhet Fanöinylö,

2 TIMÒTĪ 1:9

Ngam mahayööken, ngaich havëten hī nö im töhet la-en, öt asā nup la-en hī, sā ap lōn Ò pöri, ap inlōnti inrē, ngam kinë-eṅkūö hī in Kristū Yēsū misī, nöng örheūheu,

2 KÒRIN 5:17

Lökten, yĕn tarīkuvö; mī-in Kristū, tufömngöre anga-aṅ: ṙòkhöre nuk höteh nö ngaichngen; yĕh meuk vītöre nun nö tumfömngöre.

FILIPĪ 3:6

Sā ngam kumlēḵlōn, öthakôlò ngam Māṅ; sā ngam lanöökö ngam aṅ im chöngö; ötvinëkuvö.

RŌMA 10:10

Pò tarik nö holtö ellōnre nö ṙātö ellōnre, ngaich sölta min nö im lanöökö; ve-eny inrē ngam elvāng, ngaich sölta min nö im inyööken.

RŌMA 8:3

Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:

YERIMIĀ 23:6

Hayöökaṙen min Yūtā i nup sakāmö ò, iyöng min inrē Israel nö köp. Ngih öp min minënyö ò nö havëka: Ngam Mā Tēv an lanöökö hī.

Mumkahten 7:20

Kô-òngrit, nö öt hĕng tak tölöök tarik el ngih tumlat öp tö löökö la-en öt köölö fālen inrē.

T. MËTIV 9:13

Kuṙòh, kiröönngöre yin, haköp manah ngih, ‘Hōtö neūkölōn Chin; rö-ö tö tökētuvö. Pò Chu ngaich yih, öt mahavëkö tölöök, tököölö fālen pöri nö havöötö ellōnre.”

Isayā 53:6

Ṙòkhöre in ayī-ö sā sīṅp tölō-ongkūö; kö havööngökūö re in i talöökö lōn re; ngaich ngam Mā Tēv nö hakeunlen ò tö nup tökööl hī ṙòkhöre.

Salmai 143:2

Uh Man kētö ngòh tarik meh nö im inkaha fālen: tön öt hĕng tak tarik tö aṅ tökô nö ṙālöngö.

Salmai 19:12

Chīö ap tökô nö akah vanāchö ò: halööklen chu tö nup töhayunka fālen.

Salmai 14:3

Ṙòkngöre yik nö kānngöre; holre yin nö vītöre nö chōich: öt hĕng tak umuh töla-evṙen tö tölöök, hö-ö, öt hĕng tak.

2 KINṘÖTNGÖ 32:25

Hö-ö pöri Hesikia nö havahal nö sā nuk inkôlò tökētu nö in ò, pò ò nö hakeūlenre ellōn. Lökten ngam lanīnö nö yih nö in ò i Yūtā, Yērusalem inrē.

1 RĀCHA 8:46

Ngaich yē cha nö köölö fālen nö in meh (pòn öt tarikkuvö töt köölö fālen,) ngaich më-eṅ līn in cha; ngaich cha-a nö kēngen cha nö i panam yip lā-alre nö töhakövö, nö marôvat hēk röhta;

Ranehlö 7:23

Keuheūtngöre inrē nuk tö-aṅ chehen nö pisū-uyö nuk mī-ikūö ngam tumlat, hĕnghöre tarik, nuā, töṙeūla chehen inrē, chehechōn ël ngam halīöngö inrē; pisū-uyö anū-ö nö ṙā-ang im tumlat: ngaich höng Nō-a tö ṙa-ai, chā-a inrē yik hol ò nö ël ök chōng.

1 YÔHAN 3:4

Ṙòkhöre vē tököölö fālen, nö falālö tī töm chöngö; pò ngam tökööl nö finlalngö chöngö.

2 PĪTÖR 1:1

Simōn Pītör, kūönkūö ane inrē tanīnöṙô Yēsū Kristū, löö in cha yip tö ngaichnö teūngen tö ngam töngatī töpōiṙāi ṙinātö ellōn nö hol hī, i lanöökö ngam Tēv hī ngam Mahayööken inrē Yēsū Kristū:

YĀKÖP 3:2

Pò hī ṙòkhöre kavē-ĕre i tökeuheūttöre. Yĕn töt kavē-ĕrevö tarik nö im ṙô, anga-aṅ an töteung nö tarik, kô inrē nö hachōkūö ngam alaha.

HEPRĀI 6:18

Hòn lökten minë tö nët töthanṙīken, in u ngam Tēv nö öthōḵ nö minyôinyaṅ, Īnu ayī-ö tö tökalēḵ inruhul alaha, öi ma-afalkö innyatlöre öi ṙaptö tīre im mineūka tö ṙātu nö i kūö hī,

RŌMA 16:7

Salāmö Anrōnikös, Chunīa inrē, nap mak alaha chu, hamòl inkövö chu inrē, nap tö eūnyu nö aṅ i yip tanīnöṙô, nap mu-urĕh tö chu nö in Kristū.

RŌMA 5:21

Sā ngam tökööl nö hayöng im kinpaha, hòṅ ngatī ngam inlōnti nö hayöng lökten im lanöökö nö im nômö tö-örheūheu-aṅ, lökten Yēsū Kristū ngam Mā hī.

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

Isayā 46:13

Kētö ngam ṙinānyö chin nö röhta, hö-ö an nö marôvat, öt hangöhngöre min inrē ngam inyööken tö chu: ṙātö öp inyööken chin min i Sīyôn, lumnööṙö Israĕl ngam ineū-euṅ chu.

Isayā 6:5

Ngaich ngö ṙô chū-ö, Töt kôlò chin chū-ö! Pò chu öich tököölö fālen; pò chu öich tarik töthëtö minuh, ngaich iyöng ellōn vē tarik chū-ö töt hëtö minuh: pò në mat chu nö ngaich nö meuk ngam Rācha, ngam Mā Tēv yip tömaṙôngö.

2 KINṘÖTNGÖ 32:31

Ngatī inrē in yip ma-ahānga in yip kūön rācha aṅ Pēpīlön yik tö tīntu nö in ò nö hatöntöre tö minkahngö nuk töngaich nö im panam, hökngen ò ngam Tēv nö kahngenre, pòn hòṅ kalahan ane inrē hòṅ akahalōn tö nup ellōn ò.

I. CHÖNGÖ 27:26

Tötkôlò öp anga-aṅ öp töt mahaköp nuk ṙô ngih Chöngö nö la-evṙen tö u. Ngaich ṙòkhöre ṙô min yip tarik nö ngö ṙô, Āmen.