FILIPĪ 3:8 - TÖHET LĪPÖRE (Re-edited) Bible (BSI)

⁸ Hôṅ kô; kaheuktö u chin nö yanëḵngen, kūö ngam tölngö lanöökö mikah aṅ in Kristū Yēsū ngam Mā chu: ngam töpô-òvkūö tö chu yëḵngen tö taṙòkhöre, ngaich kaheuktö u ngö sôḵ nuā, hòṅ chu teūngen tö Kristū,

FILIPĪ 3:8 Referans Kwoze

RŌMA 8:18

Öt kaheūktö në kanihngen chin töngamuh, nö hanṙongten min nö im kanôlò, ngam tö hameuktu min nö in hī.

INLAHEN 20:24

Rö-ö ön ngih nômö chu nö tö pōi ṙāi tö lōn chu, öt tökôlò inrē nö in chu; höng yē chu keuheūten tö ngam la-en, taneūngen chu aṅ im Mā Yēsū, ngam inhangkö ngam tölöök inhānga, ngam inlōnti aṅ im Tēv.

FILIPĪ 3:7

Nuk taneūngen pöri nö in chu, ngaich kaheuktu tö chu nö yanëḵngen töpòkūö Kristū.

T. YÔHAN 17:3

Ngih ön nômö tö-örheūheu-aṅ, ngam mikahkūö cha tö Meh, Öm tökô-en Tēv; akahakūö inrē tö ngam tahīntö Meh, Yēsū Kristū.

FILIPĪ 3:10

Hòṅ chu akahakūö tö Ò, ngam minhôiṅyö ngam invanlö Ò inrē, ngam innôlti inrē im kanihngen Ò, ngaich asātu im kinpaha Ò;

2 PĪTÖR 1:3

Yĕh meuk ngam töhet minhôiṅyö Ò nö kē-ĕkūö hī tö taṙòkhöre tö aṅ i nômö, lanöökö inrē, lökten im inkaha Ò, ngam mahavëten hī, lökten im kanahngen Ò kanôlò, lanöökö inrē;

1 KÒRIN 2:2

Pò chu öt hòṅ akahalōn tö nup yô-òv in yīö, höng Yēsū Kristū, ngam inrātö Ò inrē.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

T. YÔHAN 17:8

Ngaich Chin kē-ĕkūö cha tö në ṙô, në kahëtö Meh in Chu; ngaich cha-a nö hōḵo u. Akahalōn takô inrē, tö Chu yih, ṙā-ang in Meh; ṙātö ellōnre cha-a inrē, tö Meh Öm tīnten Chu.

T. YÔHAN 14:20

Im sakāmö angū-ö min yī-ö akahalōn tö Chu im yöngre, in Chu yī-ö, in yīö Chū-ö inrē.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

2 KÒRIN 4:6

Yĕh meuk, tön ngam Tēv tö ngö ṙô, Yang an min ngam hanātö nö elsinngūlö, ngam töyang nö ellōn hī, nö kētö hanātö ngam inkaha ngam kanôlò ngam Tēv, nö i kūö Yēsū Kristū.

T. YÔHAN 14:7

Yē yīö akahakūö tö Chu, ngaich yī-ö öre akahakūö töm Yöng inrē. Töngamuhöten yin akahakūö tö Ò; ngaich yin meūkan.

Isayā 53:11

Meuk ṙòng kanihngen an min nö ellōnre ngaich tööḵönglōn; lökten ngam in ò inkaha ngam tölöök min, ngam tarik chu, nö pōyen vahīten tö tölöök; ngaich anga-aṅ inrē min nö keun nup tökööl cha.

EFISÖS 4:13

Tö iṙūöhen an angū-ö, hanöng saha hī sölta im hinëngö ngam mikahkūö tö ngam Kūön ngam Tēv inrē; hanöng saha sanölta hī im tölngö ṙôkö tarik, i rôlòng sanööḵngö Kristū.

2 PĪTÖR 3:18

Sīöplö pöri im inlōnti ane inrē inkaha ngam Mā hī Mahayööken hī inrē Yēsū Kristū. Kanôlò Ò yēḵ, hĕnghöre töngamuh örheūheu inrē. Āmen.

1 YÔHAN 1:3

Ngam maheuṅk ih, ahang ih inrē, vë-eny nang yīö ihö, hòṅ yīö inrē hanôltöre in ih. Hol ngam Yöng, ngam Kūön Ò inrē, Yēsū Kristū, ngam innôlö hī.

2 TIMÒTĪ 4:6

Tön ngaich chin ha-ehangvah kētu, yih an nö ngaich ngam hēngörit chu.

T. YÔHAN 20:28

Ngaich ngö ṙô Tômös, nö sapṙô Ò, Mā Chu, Tēv chu inrē!

T. YÔHAN 16:3

Ngatī tī yip min; pò cha nö öt akahakūö tö ngam Yöng, öt rēhĕn tö Chu.

Salmai 126:6

Pòrô Anga-aṅ nöng kinröönngöre nö peuiny, nö keun nup kulöl: yih min Anga-aṅ nö hēk, kumtö u nö nyëkö sā afō.

1 YÔHAN 2:19

Kiröönngöre yik nö ṙāngen hī, rö-ö pöri sin cha-a nö aṅ in hī; ngaich öre cha-a nö iṙūöhen nö in hī, yē cha nö aṅ in hī: kiröönngöre pöri cha-a nö ngaich, hòṅ cha nö hameuktu, tö cha nö öt ṙòkhöre nö aṅ in hī.

1 PĪTÖR 2:7

In yīö an yī-ö ṙamātö ellōnre, ngam panôi ṙāi: i yip töt ṙamātö ellōnre pöri, ngam ihong tösōḵovö, tö yip manānö, anga-aṅ tövītu nö yöngkūö sinkeukngö,

KALATĪ 1:16

Nö hameuktö ngam Kūönre nö in chu, pò chu hōtu ahangken Ò i Tahëng mihëṅṙö tarik; iṙūö hatöntöre chu-ö, öt i alaha, mahām inrē:

2 KÒRIN 4:4

Yip tö tilupi ellōn, tö öp tēv ngih panam, töt ṙamātö ellōnre, pòn sōtu nö malīlöng nö in cha, ngam hanātö ngam kanôlò Kristū, ngam insā ngam Tēv.

1 KÒRIN 9:10

Hēk, ṙô tö e ṙöng Ang tö pòkūö hī? Hôṅ, pòkūö hī an nö kūichi: pò ngam kumköh tumlat nö hōtu nö maneukngöre nö kuköh, ngaich ngam pumtōng nö hōtu nöng mameukngöre nö hamòlkūö.

T. YÔHAN 20:13

Ngaich ngö ṙô cha-a tö ò, Kūöyòh öm peuny? Ngaich ngö ṙô anga-aṅ, nö sapṙô cha, Pò cha nö kēḵngö ök Mā chu; öt akahalōn Chū-ö tö chūök tī cha nö ṙāten Ò.

T. LŪKÖS 11:20

Yē Chu pöri aṅtī tö kuntī ngam Tēv Öich ahōngö sī-ö; ngaich ngam pūlngö ngam Tēv nö yih nö in yīö.

KINṘEŪKÖ 14:30

Hö-ö yin yih min ing panam, ngam löknyötī Chu hachônglö këlre tö Chu min vīten yīö iyöng in e, höng Kalĕp ön min ngòh kikōnyö kūön Yēfuneh, Yôsuā inrē ngòh kikōnyö kūön Nön.

T. LŪKÖS 1:43

Sitih tal öng min nö in chu, tö ngam yöng ngam Mā chu nö yihtöre nö in chu.

MALAKI 2:3

Yĕh meuk, vëkö ngam kūön meh chin min chööḵnyöten tö meh, māichkūö meh chin min inrē tö sôḵ, tö sôḵ nup tökētu tö yīö, ngaich yī-ö min kē-ĕyö kumngöre in e.

NGAM LĪPÖRE YŌP 20:7

Ötkôlò min anga-aṅ sā sôḵre nö örheūheu; ngö ṙô min yip mameūkan, Isuh apa?

2 RĀCHA 9:37

Ngaich min ap alaha Yēsipel höng sā sôḵ nö i kūö ngam panam nö kamtö Yesrīl; hòṅ cha min nö öt ngö ṙô, Yēsrīl; ön ngòh.

1 RĀCHA 14:10

Lökten, yĕh meuk kētö töchōich chin min i kui ap patī Yērōpōam ngaich rökngen kikōnyö nyīö min nö ṙā-ang i patī Yērōpōam, ök tö-öpikūö ök töṙā-ayö inrē nö elkahôyö in Israĕl, hatngö tī chin min fòhngö ngam patī Yērōpōam sā tī ap tarik nö fòhngö sôḵ, hanöng saha e nö ngaich nö hö-öv.

Salmai 73:25

Achīö öp chū-ö chu el halīöngö, tön höng Më-eṅ: öt hĕngtak ing panam tösā Meh nö lōn chu.

RŌMA 8:39

Öt rēhĕn rò-òlòng, öt rēhĕn ṙū-uti, ötrēhĕn nup tahëng tö vīlöngö, nö kô min nö haköhngen hī tö ngam hanāngenlōn ngam Tēv, ngam in Kristū Yēsū ngam Mā hī.

FILIPĪ 1:1

Pôl Timòtī inrē, töhakövö in Kristū Yēsū, yip taṙòkhöre i Filipī, töhet in Kristū Yēsū, holtö yip Pisköp, Tīkön inrē:

FILIPĪ 3:12

Öt kūö chu ngaich teūngen, hēk vītu ngaich teungten: iṙūöhen pöri chu-ö, yĕich hōtu ngatī kētötīre im lökten chu kiṙapka tö Kristū Yēsū.

2 PĪTÖR 1:2

Inlōnti yēḵ in yī-ö lanāmö inrē, nö ṙūöhlöng im in Yēsū inrē ngam Mā hī;

2 PĪTÖR 1:8

Pò në yē u nö amin yīö, nö pōyen, ngaich öt vīten yīö anū-ö öi ṙahata, öt rēhĕn öt ṙônguvö im mikah aṅ im Mā hī Yēsū Kristu.