FILIPĪ 3:5 - TÖHET LĪPÖRE (Re-edited) Bible (BSI)

⁵ Tunyīnyi im hinëvhöre sumkam, löklö in Israĕl, lamā in Penyamin, Heprāi takô: i ngam chöngö, Feresī:

FILIPĪ 3:5 Referans Kwoze

2 KÒRIN 11:22

Heprāi yip cha-a? Ngatī chu-ö. Israĕl yip cha-a? Ngatī chu-ö. Kūön Aprahām yip cha-a? Ngatī chu-ö.

RŌMA 11:1

Ngö ṙô pöri chu-ö, Kavalngö yik tarikre ang ngam Tēv? Öthalöng an ngam Tēv. Pò chu yih chu-ö inrē aṅ in Israĕl, aṅ im kūön Aprahām, aṅ im miyöngö Penyamīn.

INLAHEN 23:6

Hē Pôl nö meuk yik Satuki nö hĕng lā, hĕng lā yik Feresī inrē, ngaich ngö ṙô anga-aṅ tö yik kamhôṅka, Feresī chin kòl chu-ö, kūön Feresī inrē. Kūö mineūkkö ngam invanlö tö kapah chin kahòkkaṙen.

INLAHEN 22:3

Yahūti chin kòl chu-ö, töfötnyu öich i Tārsös i Kiliki; haruklöng pöri öich i ngih panam, haköptu tö Kamli-ĕl, ip tölngö minlēḵṙen tö ngam kui yik muvöhngö hī. Kalēḵĕlōn tö la-en ngam Tēv, sā yīö, yī-ö ṙòkhöre töngamuh.

Ranehlö 17:12

Angā-aṅ ngòh tö hëvhör höiny sumkam ṙēti nö in yīö, tunyīnyi ngaich min, ṙòkhöre kikōnyö i tumkölchap yīö; angā-aṅ öp töfötnyu nö i patī, hēk töhavaha nö ṙāi tö rupīö aṅ i tahëng, öp töt kūön meh.

T. LŪKÖS 1:59

Ngaich hē ngam hinëvhör sumkam, yihtöre yik tö hòṅ tunyinyngö ök nyīö; ngaich hòṅ kaheūkan cha-a nö Sakariā, nö sā mine-eny ök yöngre.

INLAHEN 6:1

Hē e yik mahaköp nö ṙūhölre ṙôngö, ngaich yik Yahūti aṅ tahëng, nö uyëkö yik aṅmuh Yahūti; pò yik tafīösi kikānö in cha, nöng örheūheu nö vāichiṙen hē el nāhaṅl.

T. LŪKÖS 2:21

Tunyīnyih Anga-aṅ ngaich im hinëvhöre höiny sumkam Ò ngaich ök Mine-eny Ò nö Yēsū invëka; ngam töngatī ṙô ök ma-ahānga urēhĕkūö pinrūkö Ò.

YÔNA 1:9

Ngaich ngö ṙô anga-aṅ tö cha, Heprāi chin chū-ö, ngaich pa-ekūö chū-ö tö ngam Mā Tēv, ngam Tēv ngam halīöngö, ngam vamīlö mai tö ngam eltanyô inrē.

1 SAMUĔL 4:6

Ngaich hē yik Filistain nö hang ṙën ṙô tö ayôṙa, ngaich ngö ṙô Cha-a, Asuh ap ṙënṙô yip tö ayôṙa ṙô nö pōitô nö ip elyöngö yip HIprū? Ngaich cha-a nö akahalōn tö ök kasòng ngam Mā Tēv nö yih nö im elyöngö.

Ranehlö 40:15

Tön kô-en chin töng ulāyi ṙā-ang panam yip Hiprū, ihih chin inrē öt fāluṙen töp löktenre el ngih kinlōngö.

Ranehlö 14:13

Ngaich umuh nö yihtöre ök hĕngtak tötkô-òngvah, ngaich vë-enynang Aprām ök Heprāi: iyöng inuk chōn tarpin angā-aṅ nuk chōn Mamrī aṅ Amôr, hanöngkisānö Askòl, hanöngkisānö Aner inrē; ngaich chā-a vē nö hol Aprām.

Ranehlö 41:12

Ngaich hĕngtak ap umuh ṙāltarik hol ih Hiprū apa; mahalanṙen öp yöngkūö amahati; vë-eny nang ò ngaich āyö, ngaich angā-aṅ nö vë-eny manah nuk heūvö ai; kö asā nuk heūvö ai ṙô angā-aṅ nö vë-eny manah.

T. LŪKÖS 5:38

Në tufömngöre pöri vāin asëhötvö nö ël tufömngöre uk; ngaich kö kôlò nyöre anū-ö.